<p><strong>Post Office RD Calculation :</strong> చిన్న మొత్తాలను క్రమం తప్పకుండా పొదుపు చేస్తే భవిష్యత్తులో మంచి నిధిని సమకూర్చుకోవచ్చు. రిస్క్ తక్కువగా ఉండే ప్రభుత్వ పొదుపు పథకాల్లో పెట్టుబడి పెట్టాలనుకునేవారికి పోస్ట్ ఆఫీస్ రికరింగ్ డిపాజిట్ ఒక ఆప్షన్‌గా ఉంటుంది. రోజుకు 500 చొప్పున పక్కన పెడుతూ.. దాన్ని క్రమం తప్పకుండా పెట్టుబడిగా మార్చితే 10 ఏళ్లలో 25 లక్షలకు పైగా నిధి సమకూరే అవకాశం ఉందని తెలుసా?</p>
<h3>పోస్ట్ ఆఫీస్ ఆర్డీ..</h3>
<p>పోస్ట్ ఆఫీస్ ద్వారా అందించే చిన్న పొదుపు పథకాలలో రికరింగ్ డిపాజిట్ ఒకటి. ఇందులో ఒకేసారి పెద్ద మొత్తంలో డబ్బు పెట్టాల్సిన అవసరం ఉండదు. ప్రతి నెలా నిర్ణీత మొత్తాన్ని క్రమం తప్పకుండా డిపాజిట్ చేస్తూ వెళ్లవచ్చు.<br />ప్రస్తుతం ఈ పథకానికి 6.7 శాతం వార్షిక వడ్డీ రేటు వర్తిస్తుంది. అయితే వడ్డీ రేట్లు ప్రభుత్వం నిర్ణయిస్తుంది కాబట్టి.. పెట్టుబడి చేసే సమయంలో తాజా రేటును తప్పనిసరిగా తనిఖీ చేసుకోవాల్సి ఉంటుంది. </p>
<p><strong>Also Read : <a href="https://telugu.abplive.com/lifestyle/japanese-money-saving-habits-that-can-change-your-financial-life-you-must-try-from-this-month-247222" target="_blank" rel="noopener">డబ్బులు పొదుపు చేయాలనుకుంటే జపనీస్ టెక్నిక్స్ ఫాలో అయిపోండి.. సింపుల్ బట్ ఎఫెక్టివ్</a></strong></p>
<h3>కేవలం 100తో ఖాతా స్టార్ట్ చేయవచ్చు</h3>
<p>పోస్ట్ ఆఫీస్ రికరింగ్ డిపాజిట్ ఖాతాను సమీపంలోని పోస్ట్ ఆఫీస్‌లో ప్రారంభించవచ్చు. ఈ ఖాతాను కనీసం 100 డిపాజిట్‌తో ప్రారంభించే అవకాశం ఉంది. అర్హత నిబంధనలకు అనుగుణంగా వ్యక్తిగత ఖాతాతో పాటు జాయింట్ అకౌంట్‌ను కూడా తెరవవచ్చు.</p>
<h3>5 ఏళ్ల మెచ్యూరిటీ</h3>
<p>పోస్ట్ ఆఫీస్ ఆర్డీ పథకం సాధారణంగా 5 సంవత్సరాల మెచ్యూరిటీ కాలాన్ని కలిగి ఉంటుంది. మెచ్యూరిటీ పూర్తైన తర్వాత నిబంధనలకు అనుగుణంగా ఖాతాను మరో 5 సంవత్సరాల పాటు కొనసాగించుకోవచ్చు. అంటే పెట్టుబడిదారులు కోరుకుంటే 5 సంవత్సరాల తర్వాత కూడా తమ పొదుపును కొనసాగిస్తూ దీర్ఘకాలంలో పెద్ద మొత్తాన్ని సమకూర్చుకునే ప్రయత్నం చేయవచ్చు.</p>
<h3>రోజుకు 500 పొదుపు చేస్తే</h3>
<p>రోజుకు 500 చొప్పున పక్కన పెడితే నెలకు సుమారు 15,000 అవుతుంది. ఈ మొత్తాన్ని ప్రతి నెలా రికరింగ్ డిపాజిట్‌లో పెట్టుబడిగా పెడితే.. నెలవారీ పెట్టుబడి 15,000.. ఇది 5 ఏళ్లలో పెట్టుబడి 9 లక్షలు అవుతుంది. ఈ లెక్క ప్రకారం 5 ఏళ్లలో వడ్డీ 1,70,492 అవుతుంది. మొత్తం అంటే సుమారు 10.70 లక్షలు పొందవచ్చు.</p>
<p><strong>Also Read : <a href="https://telugu.abplive.com/lifestyle/public-provident-fund-vs-fixed-deposit-which-is-the-better-investment-option-for-long-run-228338" target="_blank" rel="noopener">సేవింగ్స్ చేయడానికి PPF మంచిదా? FD బెటరా? ఎక్కువకాలం పొదుపు చేస్తే ట్యాక్స్, వడ్డీ ఎలా ఉంటాయి?</a></strong></p>
<h3>10 ఏళ్లకు పొడిగిస్తే 25 లక్షలా?</h3>
<p>5 ఏళ్ల తర్వాత పెట్టుబడిని మరో 5 సంవత్సరాల పాటు కొనసాగించినట్లయితే మొత్తం 10 సంవత్సరాల పాటు పెట్టుబడి పెట్టినట్టవుతుంది. ఈ లెక్క ప్రకారం 10 సంవత్సరాల్లో మీరు పెట్టుబడిగా పెట్టే మొత్తం 18 లక్షలు. దీనికి వడ్డీ కలిపితే మొత్తం నిధి సుమారు 25,62,822కు చేరుతుంది. అంటే వడ్డీ ద్వారా వచ్చిన మొత్తం 7,62,822. ఇలా చూస్తే క్రమం తప్పకుండా పొదుపు చేస్తే దీర్ఘకాలంలో వడ్డీ ద్వారా గణనీయమైన మొత్తాన్ని సంపాదించే అవకాశం ఉంటుంది.</p>
<h3>పెట్టుబడి చేసే ముందు గుర్తించుకోవాల్సిన విషయాలు</h3>
<p>పోస్ట్ ఆఫీస్ పథకాలు ప్రభుత్వ మద్దతు ఉన్న చిన్న పొదుపు పథకాలుగా ఉన్నప్పటికీ.. రిస్క్ పూర్తిగా సున్నా అని చెప్పడం కంటే ప్రభుత్వ పథకం కావడం వల్ల భద్రత ఎక్కువగా ఉంటుంది. అలాగే వడ్డీ రేట్లు కాలానుగుణంగా మారవచ్చు. కాబట్టి పెట్టుబడి పెట్టే ముందు తాజా వడ్డీ రేటు, మెచ్యూరిటీ నిబంధనలు, పొడిగింపు నిబంధనలు, పన్ను సంబంధిత అంశాలను పోస్ట్ ఆఫీస్ అధికారులతో నిర్ధారించుకోవచ్చు. </p>
<p><strong>Also Read : <a href="https://telugu.abplive.com/business/personal-finance/retirement-planning-made-easy-with-step-up-sip-is-the-smartest-way-to-invest-for-income-growth-231332" target="_blank" rel="noopener">రిటైర్మెంట్ ప్లానింగ్ కోసం స్టెప్-అప్ SIPలు బెస్ట్... ఎక్కువ బెనిఫిట్స్ కోసం</a></strong></p>
<h3>ఆర్డీ టైమ్ లిమిట్..</h3>
<p>తపాలా కార్యాలయం ద్వారా నిర్వహించే వివిధ ప్రభుత్వ పొదుపు పథకాలు చాలా ప్రజాదరణ పొందాయి. ఎందుకంటే చిన్నదైనా, పెద్దదైనా ఎలాంటి పెట్టుబడికైనా భద్రతకు ప్రభుత్వమే హామీ ఇస్తుంది. అంటే ఇవి పూర్తిగా ప్రమాద రహితం. పోస్ట్ ఆఫీస్ ఆర్డీ పథకం 6.7 వడ్డీ రేటును కూడా అందిస్తుంది. ఈ పథకాన్ని పోస్ట్ ఆఫీస్ పిగ్గీ బ్యాంక్ అని కూడా పిలుస్తారు. చిన్న పెట్టుబడులతో గణనీయమైన నిధులు పోగుచేసుకోవచ్చు. అయితే పోస్ట్ ఆఫీస్ రికరింగ్ డిపాజిట్ పథకంలో పెట్టుబడి పెడితే మెచ్యూరిటీ అయ్యేందుకు 5 సంవత్సరాల కాలపరిమితి ఉంటుంది. </p>
<p><strong>Also Read : <a href="https://telugu.abplive.com/business/personal-finance/best-post-office-schemes-for-good-returns-from-time-deposit-to-sukanya-samriddhi-yojana-216122" target="_blank" rel="noopener">అధిక రాబడితో పాటు భద్రతనిచ్చే పోస్టాఫీస్ పథకాలు.. భవిష్యత్తు కోసం డబ్బు ఆదా చేయాలంటే ఇవే బెస్ట్</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/news/benefits-of-memeber-of-parliament-aka-mp-in-india-184765" width="631" height="381" scrolling="no"></iframe></strong></p>
1 month ago
3 
