<p>బుట్టబొమ్మ పూజా హెగ్డే (Pooja Hegde) తెలుగు సినిమా చేసి నాలుగేళ్లు అవుతోంది. అలాగని, సినిమాలు చేయకుండా ఖాళీగా లేరు. తమిళ్, హిందీలో బిజీగా ఉన్నారు. ప్రస్తుతం పూజా హెగ్డే కథానాయికగా నటిస్తున్న హిందీ సినిమాల్లో 'హై జవానీ తో ఇష్క్ హోనా హై' (Hai Jawani Toh Ishq Hona Hai) ఒకటి. ఆ సినిమా విడుదల ముందుకు జరిగిందని టాక్. ఆ వివరాల్లోకి వెళితే... </p>
<p><strong>జూన్ 12న కాదు... మే 22న?</strong><br />'హై జవానీ తో ఇష్క్ హోనా హై' సినిమాలో వరుణ్ ధావన్ హీరో. ఓ హీరోయిన్ పూజా హెగ్డే కాగా... మరొక హీరోయిన్ మృణాల్ ఠాకూర్. తొలుత ఈ చిత్రాన్ని జూన్ 12, 2026న విడుదల చేయాలని ప్లాన్ చేశారు. కానీ, లేటెస్ట్ అప్డేట్ ప్రకారం... మే 22న విడుదల చేస్తే ఎలా ఉంటుందని నిర్మాతలు ఆలోచిస్తున్నారట.</p>
<p>Also Read<strong>: <a title="LIK First Day Collection: ఫస్ట్ డే ఫ్లాప్ టాక్... మరి కలెక్షన్స్? ప్రదీప్ రంగనాథన్ 'లైక్' ఓపెనింగ్ డే ఎన్ని కోట్లు కలెక్ట్ చేసిందంటే?" href="https://telugu.abplive.com/entertainment/cinema/love-insurance-kompany-box-office-collection-day-1-pradeep-ranganathan-lik-movie-first-day-worldwide-earnings-243970" target="_self">LIK First Day Collection: ఫస్ట్ డే ఫ్లాప్ టాక్... మరి కలెక్షన్స్? ప్రదీప్ రంగనాథన్ 'లైక్' ఓపెనింగ్ డే ఎన్ని కోట్లు కలెక్ట్ చేసిందంటే?</a></strong></p>
<p>జూన్ రెండో వారంలో కంటే మే మూడో వారంలో థియేటర్లలో కాంపిటీషన్ తక్కువ ఉంటుందని దర్శక నిర్మాతలు భావిస్తున్నారట. సినిమా నిర్మాణం దాదాపు పూర్తయింది కాబట్టి జూన్ వరకు వేచి ఉండాల్సిన అవసరం లేదని ఫిల్మ్ మేకర్స్ భావిస్తున్నారట. మే ద్వితీయార్థంలో విడుదల చేస్తే... వేసవి సెలవులు ఉండటం వల్ల కుటుంబ ప్రేక్షకులు థియేటర్లకు వస్తారని, సినిమా విడుదలకు ఇదే సరైన సమయమని భావిస్తున్నారట.</p>
<p><strong>'టాక్సిక్'తో క్లాష్ కూడా తప్పుతుంది!</strong><br />జూన్ 12వ తేదీ నుంచి ముందుకు రావడం వల్ల కన్నడ రాకింగ్ స్టార్ యష్ లేటెస్ట్ సినిమా 'టాక్సిక్'తో కూడా పోటీ తప్పుతుంది. మే 22న విడుదల కావాల్సిన 'టాక్సిక్'ను ఇరాన్, ఇజ్రాయెల్ - అమెరికా కాన్‌ఫ్లిక్ట్ వల్ల జూన్ 4వ తేదీకి వాయిదా వేశారు. దాంతో 'ధురంధర్ 2'తో ఆ సినిమాకు క్లాష్ తప్పింది.</p>
<p>Also Read<strong>: <a title="Dacoit First Day Collection: డెకాయిట్ ఫస్ట్ డే కలెక్షన్స్... బాక్సాఫీస్‌లో అదరగొట్టిన అడివి శేష్, ఎన్ని కోట్లు వచ్చాయంటే?" href="https://telugu.abplive.com/entertainment/cinema/dacoit-box-office-collection-day-1-know-adivi-sesh-mrunal-thakur-movie-worldwide-opening-day-gross-243967" target="_self">Dacoit First Day Collection: డెకాయిట్ ఫస్ట్ డే కలెక్షన్స్... బాక్సాఫీస్‌లో అదరగొట్టిన అడివి శేష్, ఎన్ని కోట్లు వచ్చాయంటే?</a></strong></p>
<p>'టాక్సిక్' రిలీజ్ డేట్ జూన్ 4కు మారడంతో, ఆ సినిమాతో పోటీ వద్దనుకుని జూన్ 5న విడుదలకు సిద్ధమైన వరుణ్ ధావన్ 'హై జవానీ తో ఇష్క్ హోనా హై' ఓ వారం వెనక్కి వెళ్ళింది. జూన్ 12న థియేటర్లలోకి రావడానికి సిద్ధమైంది. అయితే... వారం తర్వాత కూడా యష్ 'టాక్సిక్' హవా ఉండే అవకాశం ఉంది. పైగా జూన్ 12న మరో హిందీ సినిమా ఇంతియాజ్ అలీ రూపొందించిన 'మై వాపస్ ఆవుంగా' విడుదల అవుతోంది. దాంతో పోటీ పడాల్సి ఉంటుంది. అందుకే మే నెలలో విడుదల చేయడానికి రెడీ అవుతున్నారట.</p>
<p>Also Read<strong>: <a title="Dacoit Review - డెకాయిట్ రివ్యూ: థ్రిల్లర్ తరహాలో సాగిన ప్రేమకథ... అడివి శేష్ సక్సెస్ జర్నీ కంటిన్యూ అవుతుందా? సినిమా ఎలా ఉందంటే?" href="https://telugu.abplive.com/movie-review/entertainment/movie-review-dacoit-review-in-telugu-adivi-sesh-mrunal-thakur-starring-dacoit-movie-critics-review-rating-243836" target="_self">Dacoit Review - డెకాయిట్ రివ్యూ: థ్రిల్లర్ తరహాలో సాగిన ప్రేమకథ... అడివి శేష్ సక్సెస్ జర్నీ కంటిన్యూ అవుతుందా? సినిమా ఎలా ఉందంటే?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/pooja-hegde-inspired-lehengas-for-wedding-reception-party-look-139558" width="631" height="381" scrolling="no"></iframe></p>
4 days ago
2 
