<p><strong>Podarillu Serial Today Episode:</strong> జీ తెలుగు ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఏపీసోడ్ చాలా ఆసక్తిగా సాగింది. కన్నకూతురిపైనే కక్షగట్టి అల్లుడిని చంపాలని చూసిన ఇంట్లోఉండలేనంటూ పుట్టింటికి నిహారిక బయలుదేరడంతో...ఆమెను బ్రతిమలాడి ప్రతాప్‌ వేడుకుంటాడు.ఇప్పటికే ఇంట్లో నుంచి మహాలక్ష్మీలాంటి కూతురు వెళ్లిపోయిందని...ఇప్పుడు కోడలు కూడా వెళ్లిపోతే ఇల్లు స్మశానంలా మారిపోతుందని కన్నీళ్లు పెట్టుకోవడంతో నిహారిక వెనక్కి తగ్గుతుంది. అటు చక్రిపై మహాకు రోజురోజుకు ప్రేమపెరిగిపోతుంటడంతో ఈరోజు ఏపిసోడ్‌ ఎంతో ఆసక్తిగా మారుతుంది. </p>
<h2><strong>చక్రికి సారీ చెప్పిన మహా</strong></h2>
<p>మహాను తీసుకుని ఇంటికి తిరిగి బయలుదేరుతుంది చక్రి కుటుంబం. మానాన్న,అన్న ఇంత దారుణంగా ప్రవర్తిస్తారని ఊహించలేకపోయానని మహాలక్ష్మీ అంటుంది. నావల్ల మీ అందరికీ ఇబ్బంది వచ్చిందని మహాలక్ష్మీ సారీ చెబుతుంది.ముఖ్యంగా చక్రి నాకోసం ప్రాణాలకు తెగించి పోరాటం చేశాడని సారీ అంటుంది. వాళ్లు చక్రి డబ్బుతో పరారయ్యాడని ఎంత చెప్పినా నేను మాత్రం నమ్మలేదని మహాలక్ష్మీ అంటుంది. దొంగలు ఎవరైనా కొట్టేసి ఉంటారనే చెప్పానని అంటుంది. మీ ఇంట్లో మీరు ఉన్నప్పుడు ఒకలా..లేనప్పుడు మరోలా వ్యవహరించారని చక్రి చెబుతాడు.ఆరోజు కావాలనే నన్ను కిందకూర్చోబెట్టారని వివరిస్తాడు.మా నాన్న, అమ్మ అతిప్రేమ మత్తులో నేను ఏం జరుగుతుందో కూడా గమనించలేకపోయానని మహా అంటుంది. ఆ విషయం నాకు ముందే తెలిసి ఉంటే మిమ్మల్ని తీసుకుని అప్పుడే అక్కడి నుంచి వచ్చేసేదాన్నని అంటుంది.</p>
<h2><strong>పుట్టింటింకి బయలుదేరిన నిహారిక</strong></h2>
<p>మహాలక్ష్మీమళ్లీ ఇంట్లో నుంచి వెళ్లిపోయిందన్న బాధలో ఉండగానే....ప్రతాప్‌కు మరో షాక్‌ తగులుతుంది. కోడలు నిహారిక బట్టలు సర్దుకుని బిడ్డను తీసుకుని పుట్టింటికి బయలుదేరుతుంది.ఇలాంటి ఇంట్లో నా కూతురు పెరిగితే మీలాగే క్రూరంగా మారిపోతుందని అంటుంది. పీజీ చదివి, నాకలలన్నీ చంపుకుని, నా ఆశలన్నీ వదులుకుని ఈ బంగారు పంజరంలో పక్షిలా ఉన్నానని అంటుంది. నీ కొడుకు మూర్ఖత్వానికి బలై వంటింట్లో పడి ఏడుస్తున్నానని అంటుంది.ఆడవాళ్లకు మర్యాద ఇవ్వని ఇలాంటి ఇంట్లో ఉండటం కన్నా బయటకు వెళ్లి నా కాళ్లపై నేను నిలబడి కూతురుని పోషించుకోగలనని అంటుంది. నువ్వేంటమ్మా ఇలా మాట్లాడుతున్నావ్ అని ప్రతాప్‌ అనగా...మీరు మహాలక్ష్మీ సర్టిఫికేట్లు కాల్చివేసినరోజే నా మనసులో అగ్నిపర్వతం రాజుకుందని .....ఇప్పుడు ఏకంగా చక్రిని చంపించాలని చూసినా ఎలా ఊరుకోగలనని అంటుంది. చక్రి తండ్రిని కత్తితో పొడిచిన రోజే నీ కొడుకుని జైలులో పెట్టించి ఉంటే కాస్త బుద్దివచ్చేదని అంటుంది.</p>
<h2><strong>కోడలిని క్షమాపణలు చెప్పిన ప్రతాప్‌</strong></h2>
<p>నిహారిక ఇంట్లో నుంచి వెళ్లిపోవడానికి సిద్ధమవ్వడంతో ప్రతాప్‌కు ఏం చేయాలో తెలియక కంగారుపడతాడు.నా మాట విని ఈ ఒక్కసారికి క్షమించమని కోరతాడు. మహాపై ప్రేమతోనే ఇదంతా చేశామని నీకు కూడా తెలుసుకదా అని అంటాడు. ప్రేమను వ్యక్తపరిచే పద్ధతి ఇది కాదు మామయ్య అని అంటుుంది. మీపంతం కోసం ఎంత దిగజారిపోయారో ఆలోచించుకోండని అంటుంది. కన్నకూతురి జీవితమే నాశనం చేయాలని చూసిన వాళ్లు బయట నుంచి వచ్చిన దాన్ని నా గురించి ఆలోచిస్తారని ఎలా అనుకోమంటారని అంటుంది.ఈ ఒక్కసారికి నన్ను క్షమించమని మళ్లీ ఇలాంటి తప్పు జరగదని అంటుంది. నీకు నచ్చినట్లు నీకలలు నెరవేర్చే బాధ్యత నాదని హామీ ఇవ్వడంతో ఆమె వెనక్కి తగ్గుతుంది.</p>
<h2><strong>మహాకు దగ్గరయ్యేందుకు చక్రి ప్రయత్నాలు</strong></h2>
<p>రాత్రంతా నిద్రలేకపోవడంతో కన్నాకు జ్వరం వస్తుంది.మాధవ్‌ పనికి వెళ్లకుండా దగ్గర ఉండి చూసుకుంటానంటే నేను చూసుకుంటానని మహా చెప్పి పంపించేస్తుంది. మహాకు దగ్గరవ్వడానికి ఇదే మంచి ఛాన్స్‌ అని చక్రి కూడా పనికి వెళ్లకుండా ఇంట్లోనే ఉండిపోతాడు. ఇంతలో కేశవ్‌ను వెతుక్కుంటూ శైలూ వాళ్ల ఇంటికి వస్తుంది. నేను ఎన్నిసార్లు ఫోన్‌ చేసినా ఎందుకు కట్‌ చేస్తున్నావని గొడవ పెట్టుకుంటుంది.ఇక్కడి ఎందుకు వచ్చావని మర్యాదగా వెళ్లిపొమ్మని చెప్పినా వినకుండా అరిచి గొడవ చేయడంతో కేశవ్‌ లాగిపెట్టి ఒక్కటిస్తాడు. దీంతో శైలూ ఏడుస్తూ వెళ్లిపోతుంది. </p>
16 hours ago
1 
