<p><strong>Pawan Kalyan Comments : </strong>జనసేన నిర్మాణ సారథుల సమాచార సేకరణ కమిటీతో జనసేన చీఫ్, ఏపీ డిప్యూటీ సీఎం పవన్ కల్యాణ్ సమావేశమయ్యారు. ఈ సందర్భంగా ఆయన కీలక వ్యాఖ్యలు చేశారు. తెలుగు రాష్ట్రాల్లో హాట్‌టాపిక్‌గా మారిన గాదె సాయికృష్ణ ఉదంతంపై కూడా స్పందించారు. సాయికృష్ణ అనే వ్యక్తి ఒక క్రిమినల్‌ అని గుర్తు చేశారు. చిన్నతనం నుంచే నేరలను వృత్తిగా మార్చుకున్న వ్యక్తి అని వివరించారు. అలాంటి వ్యక్తి ఏమయ్యాడో తెలియదని తల్లి బాధపడటంతో తప్పులేదని ఆమె బాధ తనకు తెలుసని అన్నారు. అయితే అలాంటి క్రిమినల్‌ను సపోర్ట్ చేస్తున్న వైసీపీ నేతలు కులాన్ని లాగడం వారి రాజకీయ అజెండాకు అద్ధం పడుతుందని అన్నారు. ప్రతి వివాదంలోకి కులాన్ని మతాన్ని లాగడం వాళ్ల మెయిన్ అజెండా అని అన్నారు. అందుకే వారికి ప్రజలు 11 సీట్లకే పరిమితం చేశారని గుర్తు చేశారు. అయినా సరే మారేది లేదు, ఇలానే ఉంటామని కమిట్‌మెంట్‌తో వారు చేస్తున్న ప్రయత్నాలు మాత్రం చూస్తే ముచ్చటేస్తుందని చెప్పారు. ఆ పార్టీ నేతలు అలానే చేస్తూ ప్రజల్లో మరింత దిగజారుతూ కరిగిపోవాలని ఆశించారు <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a>. తప్పు ఎవరు చేసిన తప్పేనని, అలాంటి వారికి శిక్ష పడాల్సిందేనని అన్నారు. </p>
<p>కులాలు, మతాలతో రాజకీయాలు చేసే వైసీపీ నేతలు తనను మాత్రం తన కులం వారితో తిట్టిస్తున్నారని, తానేదో కుల రాజకీయాలు చేస్తున్నట్టు విమర్శలు చేస్తున్నారని మండిపడ్డారు. వారు చేస్తున్న విమర్శలను గురించి కాకుండా వారి ఐడియాలజీని గుర్తించి రాజకీయాలు చేయాలని నేతలకు సూచించారు. అలాంటి వారి ట్రాప్‌లో పడితే పార్టీలకు భవిష్యత్ ఉండదని హెచ్చరించారు. ఇలాంటి విభజన రాజకీయాలతో పొలిటికల్‌గా ఒకట్రెండు సార్లు విజయవంతం కావచ్చేమో కానీ సొసైటీలో, ప్రజల్లో ఓడిపోవడం ఖాయమన్నారు. అలాంటి వాటి జోలికి తాను వెళ్లబోనన్నారు. ఎస్సీ, ఎస్టీ, బీసీ, మైనారిటీ హాస్టల్స్‌ విధానానికి వ్యతిరేకమని అందరూ ఒకే చోట చదువుకునే రోజులు రావాలని బలంగా కోరుకున్న వ్యక్తినని చెప్పారు. </p>
<p>తన ఐడియాలజీ తెలిసిన వారు మాత్రమే తనతో ఎక్కువ రోజులు ట్రావెల్ చేస్తున్నారని, అలాంటి వారికే పదవులు వస్తున్నాయని పవన్ చెప్పారు. ఇలాంటి ఆలోచనలు ప్రజల్లోకి బలంగా తీసుకెళ్లేందుకు తన వద్ద పేపర్లు, టీవీలు లేవని, ఉన్నది జనసైన్యమేనని అభిప్రాయపడ్డారు. సోషల్ మీడియా ద్వారా జనసేన ఆలోచనలు ప్రజల్లోకి తీసుకెళ్లాలని సూచించారు. ఇలాంటి సైన్యం 18 వేల మంది కావాలని తెలిపారు. ప్రతి ఊరిలో ఇలాంటి వ్యక్తి ఒకరు ఉంటే ప్రజల్లో కచ్చితంగా మంచి మార్పు వస్తుందని అన్నారు. నాయకులు ఏ పని చేస్తున్నారో అన్న కోణంలో కాకుండా ప్రజలకు దేశానికి ఎలా ఉపయోగపడతారో అన్న దృష్టితో తయారు చేస్తున్నట్టు వెల్లడించారు. </p>
<p><a title="జనసేన" href="https://telugu.abplive.com/topic/Janasena" data-type="interlinkingkeywords">జనసేన</a> ఐడియాలజీ బాగా తెలిసిన వ్యక్తులు ప్రత్యర్థులకు గట్టిగా కౌంటర్ ఇవ్వగలరని పవన్ తెలిపారు. ప్రతి చిన్న విమర్శకీ తానే కౌంటర్ ఇచ్చుకుంటూ వెళ్తే నాయకులుగా మిగతా వారంతా ఎప్పుడు ఎదుగుతారని ప్రశ్నించారు. కులాల చట్రాన్ని దాటి పని చేయాలని సూచించారు. తాను మాత్రం కులాలో రాజకీయాలు చేయడం లేదని అన్ని కులాల వారు ఐక్యంగా ఆలోచించే వేదిక తయారు చేయడానికి ప్రయత్నిస్తున్నానని వెల్లడించారు. తనలా నిస్వార్థంగా పని చేసే నాయకులు తనతో ఉంటే మరింత బలంగా ఎదుగుతానని ఆలాంటి ప్రయత్నాల్లోనే పార్టీ నిర్మాణం సాగుతుందని చెప్పారు. అలాంటి వారికి కచ్చితంగా పదవులు, గుర్తింపు ఉంటుందని భరోసా ఇచ్చారు. </p>
4 months ago
10 
