<p><strong>Priyadarshi Gets Applause For KCR Role:</strong> హీరోగా నేచురల్ స్టార్ నానికి 'ది ప్యారడైజ్' ఎంత పేరు తీసుకు వచ్చిందనేది పక్కన పెడితే... కమెడియన్ కమ్ కథానాయకుడు ప్రియదర్శి పులికొండ (Priyadarshi Pulikonda)కి మాత్రం మంచి పేరు వచ్చింది. ఆయన సీన్స్ నెట్టింట వైరల్ అవ్వడమే కాదు... విమర్శకులతో పాటు ప్రేక్షకుల నుంచి ప్రశంసలు అందుకుంటున్నాయి. కేసీఆర్ బయోపిక్‌కు పర్ఫెక్ట్ యాక్టర్ దొరికేశాడని అంటున్నారంతా!</p>
<p><strong>పేరుకు శంకరన్న... కానీ గుర్తొచ్చేది కేసీఆరే!</strong><br />Priyadarshi Role In Nani Paradise Explained: 'ది ప్యారడైజ్' సినిమాలో ఎమ్మెల్యే శంకరన్న పాత్రలో ప్రియదర్శి పులికొండ కనిపించారు. ఆయన లుక్ చూసిన ప్రతి ఒక్కరికీ తెలంగాణ మాజీ ముఖ్యమంత్రి కల్వకుంట్ల చంద్రశేఖర్ రావు (Kalvakuntla Chandrashekar Rao) గుర్తుకు వస్తారు.</p>
<p>Also Read<strong>: <a title="Kayadu Lohar Role In Paradise - అప్పుడు 'పెద్ది'లో జాన్వీ... ఇప్పుడు 'ప్యారడైజ్'లో కయాదు... శ్రీకాంత్ ఓదెల సారీ చెబుతాడా?" href="https://telugu.abplive.com/entertainment/cinema/kayadu-lohar-role-in-nani-paradise-b-grade-films-chukka-chitralu-track-sparks-criticism-259827" target="_self">Kayadu Lohar Role In Paradise - అప్పుడు 'పెద్ది'లో జాన్వీ... ఇప్పుడు 'ప్యారడైజ్'లో కయాదు... శ్రీకాంత్ ఓదెల సారీ చెబుతాడా?</a></strong></p>
<p>కేసీఆర్ ముక్కు నుంచి హెయిర్ స్టైల్ వరకు... ప్రియదర్శిని చూస్తే ఆయన గుర్తుకు వచ్చేలా డిజైన్ చేశారు. తెలంగాణ కోసం కేసీఆర్ ఉద్యమం చేశారు. మాట ఇస్తే దాని కోసం ఎంత దూరమైనా సరే వెళతానని ప్రజలకు వాగ్దానం చేయడంతో పాటు దాన్ని నిలబెట్టుకున్న నాయకుడిగా ప్రియదర్శి పాత్రను చూపించారు దర్శకుడు శ్రీకాంత్ ఓదెల. కేసీఆర్‌కు ఓ రేంజ్‌లో ఎలివేషన్ ఇచ్చారు. <br /><img src="https://feeds.abplive.com/onecms/images/uploaded-images/2026/09/24/ee52e0b9e3e90eec6353073109b493951790247326185313_original.jpg" /></p>
<p><strong>కేసీఆర్ బయోపిక్‌కు పర్ఫెక్ట్ క్యాండిడేట్!</strong><br />'ది ప్యారడైజ్' విడుదల ముందు వరకు ప్రియదర్శి క్యారెక్టర్‌కు దర్శక నిర్మాతలు రివీల్ చేయలేదు. సీక్రెట్‌గా ఉంచారు. పెయిడ్ ప్రీమియర్లు చూసిన జనాలు ఆ రోల్ చూసి సర్‌ప్రైజ్ అయ్యారు. ప్రియదర్శి లుక్ ఆడియన్స్ అందరికీ తెలుసు. హాస్యనటుడిగా పలు పాత్రలతో ప్రేక్షకులను నవ్వించారు. 'బలగం' వంటి సినిమాల్లో హీరోగానూ నటించి తన సత్తా చాటారు. </p>
<p>Also Read<strong>: <a title="Nani The Paradise Review - 'ది ప్యారడైజ్' రివ్యూ: నాని మాస్ మసాలా బిర్యానీ టేస్ట్ ఎలా ఉంది? సినిమా హిట్టా? ఫట్టా?" href="https://telugu.abplive.com/movie-review/entertainment/cinema-the-paradise-review-telugu-nani-mohan-babu-kayadu-lohar-starrer-srikanth-odela-movie-detailed-analysis-critics-review-rating-259757" target="_self">Nani The Paradise Review - 'ది ప్యారడైజ్' రివ్యూ: నాని మాస్ మసాలా బిర్యానీ టేస్ట్ ఎలా ఉంది? సినిమా హిట్టా? ఫట్టా?</a></strong></p>
<p>లుక్ పరంగా ప్రియదర్శి ప్రయోగాలు చేసిన సందర్భాలు అరుదు అని చెప్పాలి. 'ది ప్యారడైజ్' కోసం తన లుక్ పూర్తిగా మార్చేశారు. ప్రోస్థెటిక్ మేకప్ ఉపయోగించి ముక్కు కొంచెం పెద్దగా కనిపించేలా చేశారు. హెయిర్ స్టయిల్ విషయంలోనూ కేసీఆర్‌ను గుర్తు చేశారు. దాంతో 'ప్యారడైజ్' చూశాక... భవిషత్తులో కేసీఆర్ బయోపిక్ తీస్తే, ప్రియదర్శి పర్ఫెక్ట్ ఛాయస్ అనే మాట ప్రేక్షకుల నోటి నుంచి వినబడుతోంది. ఆయన ఆ స్థాయిలో స్టాండర్డ్స్ సెట్ చేశారు. 'ది ప్యారడైజ్' వల్ల లాభపడిన నటీనటులు ఎవరైనా ఉన్నారంటే? అందులో ప్రియదర్శి పేరు ఫస్ట్ వినిపిస్తోందని చెప్పడంలో ఎటువంటి సందేహం అవసరం లేదు. కేసీఆర్ బయోపిక్ తీయాలని ప్రయత్నించే దర్శక రచయితలు ప్రియదర్శిని సంప్రదించడం మంచిది. సోనీలివ్ వెబ్ సిరీస్ 'మయసభ'లోనూ కేసీఆర్ రోల్ ఉంటుంది. అందులో చేసిన నటుడు కూడా <a title="కేసీఆర్" href="https://telugu.abplive.com/topic/kcr" data-type="interlinkingkeywords">కేసీఆర్</a>‌ను మ్యాచ్ చేశారు. అయితే, ఆయనకు ఇమేజ్ లేకపోవడం మైనస్.</p>
<p>Also Read<strong>: <a title="The Paradise OTT Platform - ఓటీటీలోకి 'ది ప్యారడైజ్'... నాని యాక్షన్ డ్రామా ఎందులో స్ట్రీమింగ్ అవుతుందంటే?" href="https://telugu.abplive.com/entertainment/ott-webseries/the-paradise-ott-platform-where-to-watch-nani-mohan-babu-kayadu-lohar-movie-online-netflix-259735" target="_self">The Paradise OTT Platform - ఓటీటీలోకి 'ది ప్యారడైజ్'... నాని యాక్షన్ డ్రామా ఎందులో స్ట్రీమింగ్ అవుతుందంటే?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/priyadarshi-movies-as-hero-hits-and-flops-list-200663" width="631" height="381" scrolling="no"></iframe></p>
1 month ago
3 
