<p style="text-align: justify;"><strong>PAN Card for Children :</strong> పిల్లల పేరు మీద, వారి ఫ్యూచర్ కోసం ఆర్థికంగా ప్రణాళికలు చేయడం ఈ రోజుల్లో సర్వసాధారణం అయిపోయింది. చాలా మంది పిల్లల చిన్నప్పటి నుంచే పొదుపు, పెట్టుబడి గురించి ఆలోచిస్తారు. దీనివల్ల పిల్లల భవిష్యత్తు సురక్షితంగా ఉంటుంది. అటువంటి పరిస్థితిలో పాన్ కార్డ్ ఒక ముఖ్యమైన డాక్యుమెంట్ అవుతుంది. అయితే ఇది పెద్దవారికి మాత్రమే అనుకుంటారు. కానీ నిజం ఏమిటంటే పిల్లలకు కూడా పాన్ కార్డ్ మంచి ప్రయోజనాలు ఇస్తుంది. దీంతో మీరు పిల్లల పేరు మీద మ్యూచువల్ ఫండ్స్, FDలు లేదా ప్రభుత్వ పథకాల్లో డబ్బు పెట్టుకోవచ్చు.</p>
<p style="text-align: justify;">అదృష్టవశాత్తూ పిల్లలకు పాన్ కార్డ్ అప్లై చేయడం కోసం లైన్లలో నిలబడాల్సిన అవసరం లేదు. లేదా ఏజెంట్ చుట్టూ తిరగాల్సిన అవసరం లేదు. మొత్తం ప్రక్రియ ఆన్‌లైన్‌లోనే జరుగుతుంది. మీరు ఇంట్లో కూర్చొని సులభంగా దీనిని పూర్తి చేయవచ్చు. సరైన సమాచారం, డాక్యుమెంట్లు సిద్ధంగా ఉంటే సరిపోతుంది. ప్రక్రియ కూడా చాలా సులభం. కొంచెం శ్రద్ధతో నిమిషాల్లో పని పూర్తవుతుంది.</p>
<h3 style="text-align: justify;"><strong>పిల్లల పాన్ కార్డ్ ఎందుకు అవసరం?</strong></h3>
<p style="text-align: justify;">పాన్ కార్డ్ ఇప్పుడు కేవలం ఫార్మాలిటీ మాత్రమే కాదు. ఇది పిల్లల ఆర్థిక రికార్డులను స్పష్టంగా, క్రమబద్ధంగా ఉంచుతుంది. భవిష్యత్తులో అనేక పనులను సులభతరం చేస్తుంది.</p>
<ul style="text-align: justify;">
<li>మ్యూచువల్ ఫండ్స్, షేర్లు, FDలలో పెట్టుబడి పెట్టడానికి అవసరం.</li>
<li>ప్రభుత్వ పథకాలు, స్కాలర్‌షిప్‌లలో ప్రయోజనం లభిస్తుంది.</li>
<li>పిల్లల ఆర్థిక రికార్డులు స్పష్టంగా, క్రమబద్ధంగా ఉంటాయి.</li>
</ul>
<p style="text-align: justify;">ఇది పిల్లల భవిష్యత్తు ప్రణాళికను సులభతరం చేస్తుంది. భవిష్యత్తులో బ్యాంకింగ్ లేదా పన్నులకు సంబంధించిన ఏదైనా ప్రక్రియలో ఎటువంటి ఇబ్బంది ఉండదు.</p>
<h3 style="text-align: justify;"><strong>ఏయే డాక్యుమెంట్లు అవసరం?</strong></h3>
<p style="text-align: justify;">ఆన్‌లైన్‌లో దరఖాస్తు చేయడానికి ముందు ఈ డాక్యుమెంట్‌లను సిద్ధంగా ఉంచుకోండి. ఇది ప్రక్రియను సులభతరం చేస్తుంది. సమయాన్ని ఆదా చేస్తుంది.</p>
<ul style="text-align: justify;">
<li> పిల్లల వయస్సు, గుర్తింపును నిరూపించడానికి బర్త్ సర్టిఫికెట్ అడుగుతారు.</li>
<li>పిల్లల ఆధార్ కార్డ్ ఆన్‌లైన్ KYC కోసం అవసరం.</li>
<li>తల్లి/తండ్రి ఆధార్ కార్డ్, వారి సంతకం కూడా ఉండాలి. ఇది గుర్తింపు, చిరునామాను తెలుసుకునేందుకు హెల్ప్ చేస్తుంది.</li>
<li>పాస్‌పోర్ట్ సైజు ఫోటోలు భవిష్యత్తులో పాన్ అప్‌డేట్ కోసం ఉపయోగపడతాయి.</li>
</ul>
<p style="text-align: justify;">ఈ డాక్యుమెంట్లను ముందుగానే డిజిటల్ రూపంలో సిద్ధం చేయడం వల్ల అప్లికేషన్ సమర్పించడంలో ఆలస్యం జరగదు.</p>
<h3 style="text-align: justify;"><strong>ఇంట్లో కూర్చొని ఆన్‌లైన్‌లో ఇలా అప్లై చేయండి..</strong></h3>
<p style="text-align: justify;">ఆన్‌లైన్‌లో దరఖాస్తు చేయడం చాలా సులభం. ఇది దశల వారీగా ఉంటుంది. దీన్ని ఇంట్లో కూర్చొని నిమిషాల్లో పూర్తి చేయవచ్చు.</p>
<ul style="text-align: justify;">
<li>NSDL అధికారిక వెబ్‌సైట్‌ను సందర్శించండి. 'Apply Online' ఎంచుకోండి.</li>
<li>'New PAN – Indian Citizen (Form 49A)', 'Individual' కేటగిరీని ఎంచుకోండి.</li>
<li>పిల్లల వివరాలను పూర్తిచేయండి. మైనర్ ఆప్షన్‌ను ఎంచుకోండి. తల్లి/తండ్రి వివరాలను ఇవ్వండి.</li>
<li>అన్ని డాక్యుమెంట్లను అప్‌లోడ్ చేయండి.</li>
<li>నెట్ బ్యాంకింగ్ లేదా డెబిట్/క్రెడిట్ కార్డ్ ద్వారా 107 రూపాయల రుసుమును చెల్లించండి.</li>
<li>OTP ద్వారా e-KYC ప్రక్రియను పూర్తి చేయండి.</li>
<li>చివరగా రసీదుని డౌన్‌లోడ్ చేసుకోండి.</li>
</ul>
<p style="text-align: justify;">ఇది చేసిన తర్వాత మీ అప్లికేషన్ సబ్మీట్ చేయాలి. దీంతో పాన్ కార్డ్ ప్రాసెసింగ్ ప్రారంభమవుతుంది.</p>
<p style="text-align: justify;"><iframe class="vidfyVideo" style="border: 0px;" src="https://telugu.abplive.com/web-stories/lifestyle/how-to-check-if-your-pan-card-is-linked-with-aadhaar-225082" width="631" height="381" scrolling="no"></iframe></p>
3 weeks ago
4 
