<p><!--StartFragment --></p>
<p style="text-align: justify;"><span class="cf0">ఇస్లామాబాద్: భారత జెర్సీ ధరించి, భారత జాతీయ పతాకాన్ని ఎగురవేసినందుకు పాకిస్థాన్ క్రీడాకారుడిపై నిరవధికంగా నిషేధం విధించారు. ఈ పాకిస్థాన్ ఆటగాడు ప్రపంచవ్యాప్తంగా చర్చనీయాంశంగా మారాడు. ఈ నెల ప్రారంభంలో జరిగిన ఒక ప్రైవేట్ టోర్నమెంట్‌లో భారత జట్టుకు ప్రాతినిధ్యం వహించినందుకు పాకిస్థాన్ కబడ్డీ ప్లేయర్ ఉబైదుల్లా రాజ్‌పుత్‌పై పాక్ జాతీయ సమాఖ్య నిరవధిక నిషేధం విధించింది.</span></p>
<p style="text-align: justify;"><span class="cf0">పాకిస్థాన్ కబడ్డీ సమాఖ్య (PKF) శనివారం అత్యవసర సమావేశం అనంతరం రాజ్‌పుత్‌పై నిషేధం విధించింది. సమాఖ్య లేదా ఇతర సంబంధిత అధికారుల నుండి తప్పనిసరి నిరభ్యంతర పత్రం (NOC) తీసుకోకుండా టోర్నమెంట్‌లో ఆడినందుకు, అనుమతి లేకుండా విదేశాలకు ప్రయాణించినందుకు అతడిని దోషిగా తేల్చారు. PKF కార్యదర్శి రాణా సర్వర్ మాట్లాడుతూ, రాజ్‌పుత్‌కు క్రమశిక్షణా కమిటీ ముందు అప్పీల్ చేసుకునే హక్కు ఉందని తెలిపారు.</span></p>
<blockquote class="twitter-tweet">
<p dir="ltr" lang="en">Pakistan Kabaddi Federation has imposed ban on Pakistani player Ubaidullah Rajput for representing Indian team in Bahrain Kabaddi Cup. Rajput has right to appeal but disciplinary committee is unlikely to grant any relief<a href="https://twitter.com/hashtag/Kabaddi?src=hash&ref_src=twsrc%5Etfw">#Kabaddi</a> <a href="https://twitter.com/hashtag/PakistanKabaddi?src=hash&ref_src=twsrc%5Etfw">#PakistanKabaddi</a> <a href="https://t.co/bA2t7Av3ze">pic.twitter.com/bA2t7Av3ze</a></p>
— Shakeel Khan Khattak (@ShakeelktkKhan) <a href="https://twitter.com/ShakeelktkKhan/status/2004898032643702815?ref_src=twsrc%5Etfw">December 27, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p style="text-align: justify;"><strong><span class="cf0">భారత జెండా, జెర్సీతో కనిపించాడని పాక్ ఆటగాడిపై వేటు</span></strong></p>
<p style="text-align: justify;"><span class="cf0">PKF కార్యదర్శి రాణా సర్వర్ మాట్లాడుతూ, రాజ్‌పుత్ NOC లేకుండా విదేశాలకు వెళ్లడమే కాకుండా, భారతదేశానికి చెందిన ఒక జట్టుకు ప్రాతినిధ్యం వహించాడు. </span><span class="cf1">"భారత్</span><span class="cf0"> జెర్సీ సైతం ధరించి, ఒక సందర్భంలో మ్యాచ్ గెలిచిన తర్వాత భారత జెండాను తన భుజాలపై చుట్టుకోవడాన్ని సమాఖ్య తీవ్రంగా పరిగణించింది. అయితే, ఇది పూర్తిగా అపార్థం చేసుకున్నారు. తాను ప్రాతినిథ్యం వహించేది భారత జట్టుకు అని తనకు తెలియదని (రాజ్‌పుత్) పేర్కొన్నాడు. అతను NOC నిబంధనలను ఉల్లంఘించినందుకు దోషిగా తేలాడు</span><span class="cf1">" అని వెల్లడించారు.</span></p>
<p style="text-align: justify;"><span class="cf0">GCC కప్ సమయంలో భారత జెర్సీ ధరించి, భారత జెండాను ఊపుతున్న రాజ్‌పుత్‌ వీడియోలు, ఫోటోలు సోషల్ మీడియాలో వైరల్ కావడంతో అతను ఇబ్బందుల్లో పడ్డాడు. సర్వర్ ఇంకా మాట్లాడుతూ, NOC తీసుకోకుండా ఈ పోటీలో పాల్గొన్న ఇతర ఆటగాళ్లపై కూడా నిషేధం, జరిమానా విధించారని తెలిపారు.</span></p>
<p style="text-align: justify;"><strong>పాక్ కబడ్డీ ప్లేయర్ ఏమన్నాడంటే..</strong></p>
<p style="text-align: justify;"><span class="cf0">రాజ్‌పుత్ గతంలో క్షమాపణలు చెబుతూ, బహ్రెయిన్‌లో జరిగిన పోటీలో పాల్గొనడానికి ఆహ్వానం అందిందని.. తాను ఒక ప్రైవేట్ జట్టులో భాగమని పేర్కొన్నాడు. </span><span class="cf1">"</span><span class="cf0">అయితే, వారు జట్టు పేరును 'భారత జట్టు'గా ఉంచారని నాకు తర్వాత తెలిసింది. నేను నిర్వాహకులతో భారతదేశం, పాకిస్థాన్ పేర్లను ఉపయోగించవద్దని చెప్పాను. గతంలో ప్రైవేట్ పోటీలలో భారత, పాకిస్థాన్ ప్లేయర్లు ప్రైవేట్ జట్టు కోసం కలిసి ఆడారు. కానీ ఆ జట్ల పేర్లు భారతదేశం లేదా పాకిస్థాన్ జట్టుగా లేవు. నాకు తప్పుగా సమాచారం ఇచ్చారని</span><span class="cf1">" ఆవేదన వ్యక్తం చేశాడు.</span></p>
<p><!--EndFragment --></p>
3 months ago
9 
