<p><strong>Ola Electric Record:</strong> ఇండియన్ ఎలక్ట్రిక్ టూ-వీలర్ మార్కెట్ లీడర్ ఓలా ఎలక్ట్రిక్ (Ola Electric) మళ్ళీ ఫామ్‌లోకి వచ్చింది. ఫిబ్రవరి నెలలో కాస్త డల్‌గా ఉన్న సేల్స్, మార్చి 2026 నాటికి ఊహించని రేంజ్‌లో పుంజుకున్నాయి. వాహన్ (VAHAN) డేటా ప్రకారం.. ఫిబ్రవరిలో కేవలం 3,973 యూనిట్లుగా ఉన్న రిజిస్ట్రేషన్లు, మార్చి వచ్చేసరికి ఏకంగా 10,117 యూనిట్లకు చేరుకున్నాయి. అంటే నెల రోజుల వ్యవధిలోనే 150 శాతానికి పైగా వృద్ధిని సాధించి కంపెనీ అందరినీ ఆశ్చర్యపరిచింది. ముఖ్యంగా మార్చి చివరి వారంలో ప్రతిరోజూ 1,000 కంటే ఎక్కువ ఆర్డర్లు రావడం గమనార్హం. ఇలా ఒక్కనెలలోనే ఓలా ఇంత బాగా డెవలప్మెంట్ ను సాధించడం వెనక బహుముఖ వ్యూహాలు ఉన్నాయని నిపుణులు అభిప్రాయం వ్యక్తం చేస్తున్నారు. </p>
<p><strong>V-షేప్ రికవరీ వెనుక ..</strong><br />ఓలా ఎలక్ట్రిక్ మార్కెట్ షేర్ ఇప్పుడు "V-Shaped" స్టైల్‌లో పెరుగుతోందని కంపెనీ ప్రతినిధులు గర్వంగా చెబుతున్నారు. గత కొన్ని నెలలుగా సర్వీస్ విషయంలో కస్టమర్ల నుండి కొన్ని కంప్లైంట్స్ వచ్చాయి. ఈ సమస్యలను సీరియస్‌గా తీసుకున్న మేనేజ్మెంట్.. ఆపరేషనల్ లెవల్‌లో భారీ మార్పులు చేసింది. ఇప్పుడు ఓలా నెట్‌వర్క్‌లో 80 శాతం వాహనాలకు 'సేమ్ డే సర్వీస్' (అదే రోజు రిపేర్) సదుపాయం అందుతోంది. స్పేర్ పార్ట్స్ సప్లైని పెంచడం, డయాగ్నోస్టిక్స్ స్పీడ్ పెంచడం వల్ల ఇది సాధ్యమైందని కంపెనీ వెల్లడించింది.</p>
<p><strong>కస్టమర్ల నమ్మకాన్ని గెలిచేందుకు క్యాంపెయిన్</strong><br />సర్వీస్ సెంటర్ల మీద ఉన్న నెగిటివ్ ఇంప్రెషన్‌ను పోగొట్టేందుకు ఓలా ప్రవేశపెట్టిన కొన్ని స్పెషల్ ఆఫర్లు బాగా వర్కౌట్ అయ్యాయి. ఇందులో ప్రధానంగా 'సర్వీస్ ట్రస్ట్ గ్యారెంటీ' హైలైట్‌గా నిలిచింది. ఒకవేళ సర్వీస్ లేట్ అయితే కస్టమర్లకు ఉచితంగా ఓలా క్యాబ్ రైడ్లు ఇస్తామని కంపెనీ భరోసా ఇచ్చింది. వీటితో పాటు బై-బ్యాక్ అష్యూరెన్స్, ఏకంగా 8 ఏళ్ల వారంటీ ఎక్స్‌టెన్షన్ వంటి ఫీచర్లు కొత్తగా బైక్ కొనేవారికి కాన్ఫిడెన్స్ ఇచ్చాయి. ఫలితంగా చాలామంది బయ్యర్లు మళ్ళీ ఓలా వైపు మొగ్గు చూపుతున్నారని నిపుణులు వెల్లడిస్తున్నారు.</p>
<p><strong>మిలియన్ మార్కును దాటిన తొలి EV బ్రాండ్</strong><br />మరో విశేషమే మిటంటే.. ఇండియాలో క్యుములేటివ్ రిజిస్ట్రేషన్ల (మొత్తం అమ్మకాలు) పరంగా 10 లక్షల (1 Million) మార్కును దాటిన మొదటి ఎలక్ట్రిక్ టూ-వీలర్ బ్రాండ్‌గా ఓలా రికార్డు సృష్టించింది. తమిళనాడులోని తమ ఫ్యూచర్ ఫ్యాక్టరీలో వాహనాలను తయారు చేస్తున్న ఈ కంపెనీకి ఇండియానే కాకుండా యూకే, అమెరికాలో కూడా రీసెర్చ్ అండ్ డెవలప్‌మెంట్ సెంటర్లు ఉన్నాయి. బెంగళూరు కేంద్రంగా పనిచేసే ఈ సంస్థ వేల సంఖ్యలో ఎక్స్‌పీరియన్స్ సెంటర్లను నిర్వహిస్తూ కస్టమర్లకు నేరుగా రీచ్ అవుతోందని విశ్లేషకులు అంటున్నారు.</p>
<p><strong>భవిష్యత్తు ప్రణాళికలు</strong><br />కేవలం వెహికల్స్ మాత్రమే కాకుండా బ్యాటరీల తయారీలో కూడా ఓలా వర్టికల్ ఇంటిగ్రేషన్‌ను ఫాలో అవుతోంది. సాఫ్ట్‌వేర్ అప్‌డేట్స్ ద్వారా కొత్త ఫీచర్లను ఎప్పటికప్పుడు యాడ్ చేస్తూ టెక్నాలజీ పరంగా ముందంజలో ఉంది. సర్వీస్ నెట్‌వర్క్‌ను మరింత కఠినంగా మానిటర్ చేయడం వల్ల రాబోయే రోజుల్లో సేల్స్ ఇంకా మరింతగా పెరిగే అవకాశం ఉందని ఎక్స్‌పర్ట్స్ భావిస్తున్నారు.</p>
2 weeks ago
3 
