<p>పూరి <a title="జగన్" href="https://telugu.abplive.com/topic/cm-jagan" data-type="interlinkingkeywords">జగన్</a>నాథ్ తమ్ముడు సాయిరామ్ శంకర్ హీరోగా నటించిన సినిమా 'ఒక పథకం ప్రకారం'. హీరోగా ఆయన జోరు తగ్గినా ఈ సినిమా మీద ప్రేక్షకుల దృష్టి పడడానికి కారణం విడుదలకు ముందు అనౌన్స్ చేసిన ఒక కాంటెస్ట్. ఇంటర్వెల్ ముందు విలన్ ఎవరో పట్టుకుంటే పదివేలు ఇస్తామని చెప్పారు. దాంతో అందరిచూపు ఈ సినిమా మీద పడింది. ఆషిమా నర్వాల్, శృతి సోది హీరోయిన్లుగా నటించిన ఈ సినిమాలో సముద్రఖని, సుధాకర్, కళాభవన్ మణి ప్రధాన పాత్రలు పోషించారు. నేడు థియేటర్లలో విడుదలైన ఈ సినిమా ఎలా ఉందంటే? </p>
<p><strong>కథ:</strong> విశాఖలో సిద్దార్థ్ నీలకంఠ (సాయిరామ్ శంకర్) మంచి పేరున్న పబ్లిక్ ప్రాసిక్యూటర్. ప్రేమించి పెళ్లి చేసుకున్న అమ్మాయి సీత (ఆషిమా నర్వాల్) కనిపించకుండా పోయిన తర్వాత మందు మత్తు పదార్థాలకు బానిస అవుతాడు. డ్రగ్స్ తీసుకుని కోర్టుకు రావడంతో విధుల నుంచి సస్పెండ్ అవుతాడు. ఆ తర్వాత దివ్య (భానుశ్రీ) మర్డర్ కేసులో సిద్ధార్థ్ నీలకంఠ మీద అనుమానాలు వ్యక్తం చేస్తారు రఘురామ్ (సముద్రఖని). అయితే... ఏసీపీ కవిత (శ్రుతి సోది) నమ్మదు. ఆ కేసు నుంచి తన తెలివితేటలతో బయట పడతాడు సిద్ధార్థ్ నీలకంఠ.</p>
<p>దివ్య కేసు నుంచి బయట పడిన తర్వాత వరుసగా మరో మూడు హత్యలు జరుగుతాయి. ప్రతి హత్య తర్వాత సిద్ధార్థ్ నీలకంఠ మీద అనుమానాలు పెరుగుతాయి. అప్పుడు ఏం జరిగింది? హత్యల వెనుక ఎవరు ఉన్నారో తెలుసుకోవాలని సిద్ధార్థ్ నీలకంఠ చేసిన ప్రయత్నం ఏమిటి? అసలు హంతకుడు ఎవరు? ఆ విషయం ఎప్పుడు తెలిసింది? అనేది సినిమా చూసి తెలుసుకోవాలి. </p>
<p><strong>విశ్లేషణ:</strong> విడుదలకు ముందు చిత్ర బృందం రచించిన పథకం చక్కగా వర్కౌట్ అవుతుందని చెప్పాలి. విలన్ ఎవరో తెలుసుకోవాలనే ఉద్దేశంతో ప్రేక్షకులు అంతా క్యారెక్టర్ల మీద దృష్టి పెడతారు. అక్కడ చాలా సన్నివేశాలు పాస్ అయిపోతాయి. దీనిని మంచి ఎత్తుగడగా చెప్పవచ్చు.</p>
<p>దర్శకుడు వినోద్ విజయన్ ఎంపిక చేసుకున్న పాయింట్ బాగుంది. వరుస హత్యలలో దోషిగా అన్ని వేళ్లు లాయర్ వైపు చూపిస్తుంటే... డ్రగ్స్, మందుకు బానిసైన ఆ లాయర్ ఎలా బయటపడ్డాడు? ఈ క్రైమ్స్ వెనుక అసలు మోటివ్ ఏంటి? వంటి విషయాలు ఆసక్తి కలిగించేవే. అయితే... మెయిన్ ట్విస్ట్ రివీల్ అయ్యాక నెక్స్ట్ ఏం జరుగుతుందో చెప్పడం చాలా ఈజీ. సినిమాకు అసలు సమస్య ఏమిటంటే... మర్డర్స్ జరిగిన తర్వాత పోలీసులు చేసే ఇన్వెస్టిగేషన్ సహజత్వానికి దూరంగా ఉండటం! అటువంటి లాజిక్స్ ఆలోచిస్తే స్క్రీన్ మీద సస్పెన్స్, ఆర్టిస్ట్స్ పర్ఫామెన్స్ వంటివి ఎంజాయ్ చేయలేరు‌‌. నిదానంగా సినిమా సాగడం మరొక మైనస్. సిద్ శ్రీరామ్ రెండు పాటలు పాడారు. ఆ రెండు బాగున్నాయి. రీ రికార్డింగ్ పరంగా గోపి సుందర్ 100% జస్టిస్ చేయలేదు. క్లైమాక్స్ వరకు బాగా చేశారు. టెక్నికల్ పరంగా సినిమా జస్ట్ ఓకే.</p>
<p>Also Read<strong>: <a title="ఊరిలో భార్య... సిటీలో మరొక మహిళతో ఎఫైర్... అయినా చాలదన్నట్టు ఇతరులపై కన్నేసిన మగాడు... ఓటీటీలోకి వచ్చిన దేవర విలన్ సినిమా" href="https://telugu.abplive.com/entertainment/ott-webseries/vivekanandan-viral-ott-streaming-shine-tom-chacko-malayalam-romantic-comedy-movie-is-now-available-in-telugu-on-aha-video-196978" target="_blank" rel="noopener">ఊరిలో భార్య... సిటీలో మరొక మహిళతో ఎఫైర్... అయినా చాలదన్నట్టు ఇతరులపై కన్నేసిన మగాడు... ఓటీటీలోకి వచ్చిన దేవర విలన్ సినిమా</a></strong></p>
<p>నటుడిగా సాయిరామ్ శంకర్ టాలెంట్ న్యూ జనరేషన్ ఆడియన్స్‌ తెలియజేసే సినిమా ఇది. కమర్షియల్ హంగులకు దూరంగా జస్ట్ పెర్ఫార్మన్స్ ఎలివేట్ అయ్యేలా సాయిరామ్ శంకర్ నటించారు. లాయర్ సీన్స్ కంటే ఎమోషనల్ సీన్స్ బాగా చేశారు. డ్రగ్స్ అడిక్ట్ అయ్యాక ఆయన చేసిన పెర్ఫార్మన్స్ బాగుంది. ఆషిమా నర్వాల్ స్క్రీన్ స్పేస్ తక్కువ. పాటలో మళ్లీ చివరలో కనబడుతుంది. తన రోల్ వరకు ఓకే. ఏసీపీ కవితగా శృతి సోది రెగ్యులర్ కమర్షియల్ హీరోయిన్ పాత్రకు భిన్నమైన క్యారెక్టర్ చేశారు. </p>
<p>దివంగత నటుడు కళాభవన్ మణి లాయర్ రోల్ చేశారు. విలన్ షేడ్స్ ఉన్న పాత్రలో ఆయనను చూడడం ఒక నోస్టాల్జియా ఫీలింగ్. అలాగే సీనియర్ నటుడు సుధాకర్ సైతం ఒక క్యారెక్టర్ చేశారు. ఈ మధ్య విలన్ రోల్స్ ఎక్కువ చేస్తున్న సముద్రఖని కామెడీ చాలా సన్నివేశాల్లో నవ్విస్తుంది.</p>
<p>లాజిక్స్ వంటివి పక్కన పెట్టేస్తే... ప్రేక్షకులను ఎంగేజ్ చేసే డీసెంట్ క్రైమ్ థ్రిల్లర్ 'ఒక పథకం ప్రకారం'. రొటీన్ సినిమా అయితే కాదు. అన్నిటికంటే ముఖ్యంగా సాయిరామ్ శంకర్ (Sairam Shankar)కు హీరోగా చక్కటి కమ్ బ్యాక్.</p>
<p>Also Read<strong>: <a title="చిరుత ఏవరేజా... ఏంటిది అల్లు మామ? అప్పుడు మెగాస్టార్ మీద కృతజ్ఞత... ఇప్పుడు మేనల్లుడి మీద ప్రేమా... ఎందుకీ అసూయ?" href="https://telugu.abplive.com/entertainment/cinema/allu-aravind-comments-on-his-nephew-ram-charan-movies-game-changer-chirutha-magadheera-spark-anger-among-mega-fans-196941" target="_blank" rel="noopener">చిరుత ఏవరేజా... ఏంటిది అల్లు మామ? అప్పుడు మెగాస్టార్ మీద కృతజ్ఞత... ఇప్పుడు మేనల్లుడి మీద ప్రేమా... ఎందుకీ అసూయ?</a></strong></p>
9 months ago
8 
