<p><strong>Pawan Kalyan's OG Movie First Ticket Sale Record Price In Choutuppal: </strong>ప్రస్తుతం ఎక్కడ చూసినా పవర్ స్టార్ <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a> 'OG' ఫీవర్ నడుస్తోంది. అటు సోషల్ మీడియాతో పాటు ఇటు 'ఓజీ' ప్రదర్శితం కాబోయే థియేటర్ల వద్ద సందడి నెలకొంది. ఇప్పటికే ఆన్ లైన్‌లో టికెట్స్ బుకింగ్స్ షురూ కాగా రిలీజ్ చేసిన నిమిషాల్లోనే హాట్ కేకుల్లా సేల్ అయ్యాయి. తాజాగా... తెలంగాణలోని ఓ థియేటర్ వద్ద ఫస్ట్ టికెట్‌ను పవన్ అభిమాని లక్ష రూపాయలకు పైగా వేలంలో కొనుగోలు చేశాడు. దీనికి సంబంధించిన వీడియో వైరల్ అవుతోంది.</p>
<p><strong>టికెట్ కాస్ట్ @ రూ.1,29,999</strong></p>
<p>యాదాద్రి భువనగిరి జిల్లా చౌటుప్పల్‌లోని శ్రీనివాసా థియేటర్‌లో 'OG' బెనిఫిట్ షో ఫస్ట్ టికెట్‌కు ఫ్యాన్స్ వేలం నిర్వహించారు. ఈ కార్యక్రమానికి జబర్దస్త్ ఫేం వినోదిని ముఖ్య అతిథిగా హాజరయ్యారు. ఈ వేలంలో పవన్ ఫ్యాన్స్ పెద్ద సంఖ్యలో సందడిగా పాల్గొన్నారు. పోటీ పడి మరీ టికెట్ దక్కించుకునేందుకు యత్నించారు. చివరకు లక్కారం గ్రామానికి చెందిన అభిమాని ఆముదాల రమేష్ ఏకంగా రూ.1,29,999 పెట్టి టికెట్ సొంతం చేసుకున్నారు. దీంతో ఆ ఫ్యాన్ ఆనందానికి అవధుల్లేకుండా పోయింది. వేలం ద్వారా వచ్చిన మొత్తాన్ని జనసేన పార్టీకి విరాళంగా ఇవ్వనున్నట్లు అభిమానులు తెలిపారు.</p>
<blockquote class="twitter-tweet">
<p dir="ltr" lang="en">Choutuppal First ticket Auction Sold At 1,29,999 /- 💥🎫<a href="https://twitter.com/hashtag/TheyCallHimOG?src=hash&ref_src=twsrc%5Etfw">#TheyCallHimOG</a> <a href="https://twitter.com/PawanKalyan?ref_src=twsrc%5Etfw">@PawanKalyan</a> <a href="https://t.co/4gykLSr89N">pic.twitter.com/4gykLSr89N</a></p>
— KARNATAKA PawanKalyan FC™ (@KarnatakaPSPKFC) <a href="https://twitter.com/KarnatakaPSPKFC/status/1969670566044172755?ref_src=twsrc%5Etfw">September 21, 2025</a></blockquote>
<script src="https://platform.twitter.com/widgets.js" async="" charset="utf-8"></script>
<p>అటు, శనివారం చిత్తూరు నియోజకవర్గంలో 'OG' మూవీ ఫస్ట్ టికెట్‌ను ఓ అభిమాని లక్ష రూపాయలకు సొంతం చేసుకున్నాడు. ఈ డబ్బును గ్రామాల అభివృద్ధికి ఉపయోగపడేలా <a title="జనసేన" href="https://telugu.abplive.com/topic/Janasena" data-type="interlinkingkeywords">జనసేన</a> పార్టీ ఆఫీస్‌కు పంపించేందుకు థియేటర్ యాజమాన్యం సిద్ధమైంది. పవర్ స్టార్ మూవీ టికెట్స్‌ను ఇలా వేలం వేసి ఆ డబ్బులను అభివృద్ధి కార్యక్రమాలకు ఉపయోగించడం అభినందనీయం అంటూ నెటిజన్లు ప్రశంసలు కురిపిస్తున్నారు. అటు పవన్ క్రేజ్ అంటే మామూలుగా ఉండదు అంటూ ఆయన ఫ్యాన్స్ సోషల్ మీడియాను హోరెత్తిస్తున్నారు.</p>
<p><strong>Also Read: <a title="మోహన్ లాల్ @ 'ది కంప్లీట్ యాక్టర్' - మలయాళం To తెలుగు... యాక్టర్ నుంచి సింగర్ వరకు ఈ విషయాలు తెలుసా?" href="https://telugu.abplive.com/entertainment/cinema/dadasaheb-phalke-award-2023-winner-mohanlal-movies-career-awards-names-full-details-need-to-now-220960" target="_self">మోహన్ లాల్ @ 'ది కంప్లీట్ యాక్టర్' - మలయాళం To తెలుగు... యాక్టర్ నుంచి సింగర్ వరకు ఈ విషయాలు తెలుసా?</a></strong></p>
<p> </p>
2 months ago
3 
