<p><strong>Nuvvunte Naa Jathaga Serial Today Episode </strong>కాత్యాయిని భోం చేశావా.. ఓరేయ్ అఖిల్ ఇదేమీ పాటరా అంటూ సూర్యకాంతం రీల్స్ చేస్తుంది. ఇంతలో సుందరీ నేనే నువ్వుంటా అని శ్రీరంగం పాటలు పాడుతూ మల్లెపూలు తీసుకొచ్చి పాటపాడుతాడు. కాంతం రంగంతో నువ్వు ఎప్పుడూ ఆ పాటలే పాడుతావ్ నీ వయసు మీద అనుమానంగా ఉందని అంటుంది. మనం యూత్ అని అందరికీ తెలియాలి అంటే ట్రెండ్‌లో ఉన్న రీల్స్ చేయాలి అని ఇద్దరూ రీల్స్ చేస్తారు. </p>
<p>శారద చూసి మీకు బుద్ధి ఉందా.. మీకు పెళ్లి అయిందని గుర్తుందా అని తిట్టి బతుకమ్మ చేద్దాం రండి అని పిలుస్తుంది. శారద, మిథున, కాంతం, రంగం కూర్చొని బతుకమ్మ పేర్చుతారు. బతుకమ్మ ఎందుకు చేస్తారు అని మిథున అడిగితే శారద చెప్తుంది. తర్వాత వంట గదిలో పని ఉంది నువ్వు బతుకమ్మ పేర్చు అని శారద వెళ్తుంది. మిథున పువ్వులు పట్టుకొని ఎలా పేర్చాలి అని అనుకుంటుంది. కాంతం వాళ్లది చూసి అలా చేయాలి అనుకుంటుంది. రంగంతో బావగారు పూలు కాస్త మెల్లగా పేర్చండి నేను మిమల్ని చూసి పేర్చుతా అంటుంది. దానికి కాంతం, రంగం నవ్వి నీకు పద్ధతి తెలీదు అనుకుంటా బతుకమ్మని భర్త పేర్చాలి.. భార్య పట్టుకొని ఆడాలి తర్వాత నీళ్లలో వదలాలి అని చెప్తుంది. అయినా నీ భర్త నిన్ను భార్యగా చూస్తే కదా నీ పక్కనే కూర్చొని పేర్చడానికి.. భర్త ఎలాంటి వాడు అయినా ప్రేమ ఉంటే కదా జీవితం బాగుండేది.. ఈ విషయంలో నేను అదృష్టవంతురాల్ని నా భర్త నా వెనకే ఉంటాడు. నీకు అంత అదృష్టం లేదు కానీ ఇక వెళ్లు అంటుంది. మిథున మనసులో ఎందుకమ్మా నాకు ఈ అదృష్టం దూరం చేస్తున్నావ్ అని మిథున బాధ పడి లేచి వెళ్లిపోతుంటే శారద వచ్చి ఆపుతుంది.</p>
<p>దేవాని తీసుకొచ్చి బతుకమ్మ పేర్చరా నాకు చేతులు వణుకుతున్నాయి అని అంటుంది. పురుషోత్తం అన్న దగ్గరకు వెళ్లాలి అని దేవా అంటే నాకంటే నీకు అన్న ఎక్కువ అయిపోయాడా.. నువ్వు బతుకమ్మ పేర్చకపోతే నా మీద ఒట్టు అంటుంది. నీకు ప్రతీది సెంటిమెంట్‌తో కొట్టడం అలవాటు అయిపోయింది అని దేవా బతుకమ్మ పేర్చడానికి కూర్చొంటాడు. కాంతం దేవాకి అది మిథున బతుకమ్మ బతుకమ్మ అని చెప్పబోతే శారద కళ్లతోనే కాంతాన్ని భయపెడుతుంది. ఇక మిథున దేవా కలిసి బతుకమ్మ రెడీ చేస్తారు. <br /> <br />శారద దేవాతో నీ చేతులతో మిథునకు ఆ బతుకమ్మ ఇవ్వు అంటుంది. ఏంటమ్మా ఇది అని దేవా అంటే కొడుకు జీవితం బాగుండాలి అంటే అమ్మ ఇలాగే చేయాలి అంటుంది. మిథున దేవా కాళ్లకి మొక్కి బతుకమ్మ అందుకోవడానికి రెడీ అవుతుంది. దేవా మిథున తల మీద బతుకమ్మ పెడతాడు. రంగం కూడా కాంతం తల మీద బతుకమ్మ పెడతాడు. </p>
<p>ఆదిత్య పురుషోత్తాన్ని కలుస్తాడు. ఎమ్మెల్యే అవ్వాలి అని గట్టిగా అనుకుంటున్నారు.. మీకు పార్టీ టికెట్ రావాలి.. ఓట్లు పడాలి అంటే చాలా డబ్బు కావాలి.. మీ అపొజేషన్ ఇంకా బలంగా ఉన్నాడు.. ఈ ఎలక్షన్‌లో మీరు గెలిచే ఛాన్స్ చాలా తక్కువగా ఉంది అని ఆదిత్య అంటాడు. ఈ ఎలక్షన్‌లో నువ్వు గెలిచే ప్లాన్ నా దగ్గర ఉంది అని ఆదిత్య అంటాడు. ఏంటి అని పురుషోత్తం అంటే దేవాని చంపేయాలి అంటాడు ఆదిత్య. పురుషోత్తం షాక్ అయిపోతాడు. ఏం మాట్లాడుతున్నావ్.. వాడు నా తమ్ముడు నా కుడి భుజం ఆ మాట అన్నందుకు ముందు నిన్ను చంపేస్తా అని ఆదిత్య కాలర్ పట్టుకుంటాడు. పదవి కావాలి అంటే సింపథీ వాడాలి.. దేవాని చంపేసి అపోజేషన్ మీద నెట్టేయ్.. గల్లీ గల్లీకి తిరిగి సింపథీ వాడు అని అంటాడు. నువ్వు ఎమ్మెల్యే వరకు లీగల్‌గా నేను సపోర్ట్ చేస్తా పాత కేసులు నీ మీదకు రాకుండా చేస్తా అంటాడు. ఇన్నాళ్లు నా కోసం దేవా చాలా చేశాడు అని పురోషోత్తం అంటే రాజకీయం కావాలి అంటే తప్పదు. మీరు దేవాని ఇప్పుడు చంపకపోయినా మిథున దేవాని మీ నుంచి దూరం చేస్తుంది అని చెప్తాడు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/rishab-shetty-kantara-chapter-1-pre-release-business-telugu-states-ap-telangana-222059" width="631" height="381" scrolling="no"></iframe></p>
<p>దేవా, మిథున అందరూ బతుకమ్మ తీసుకొని వెళ్తారు. అక్కడ భాను శారద వాళ్లని విష్ చేస్తుంది. మిథునకు బతుకమ్మ శుభాకాంక్షలు చెప్పి ఈ బతుకమ్మ నువ్వే పేర్చావా నీకు అంత సీను లేదులే మా అత్తో లేదంటే మా కాంతం అక్క పేర్చుంటుందని అంటుంది. మిథున భానుతో నా బతుకమ్మ దేవానే పేర్చాడని చెప్తుంది. భాను షాక్ అయిపోతుంది. ఈ పట్నం పిల్లకి నువ్వు సాయం చేశావు అంటే నువ్వు భార్యగా ఒప్పుకున్నావా అని అంటుంది. ఇక శారద మిథునతో బతుకమ్మ అక్కడ పెట్టి మనసులో కోరిక కోరుకోమని చెప్తుంది. నా భర్త క్షేమంగా ఉండాలి.. మేం కలకాలం కలిసి ఉండాలి అని మిథున కోరుకుంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
2 months ago
3 
