<p><strong>Nuvvunte Naa Jathaga Serial Today Episode </strong>రిషి దేవా తల్లిదండ్రుల్ని తీసుకొచ్చి తన తల్లిదండ్రుల స్థానంలో కూర్చొని నిశ్చితార్థం తాంబూలం జరిపిస్తారని హరివర్థన్ వాళ్లతో చెప్తాడు. పంతులు కూడా వేల మందికి విద్యాబుద్ధులు నేర్చిన మాష్టారు ఆయన చేతి మీద జరగడం మంచిదే అని చెప్తారు. దాంతో రిషికి తల్లిదండ్రులుగా దేవా తల్లిదండ్రులు కూర్చొంటారు. </p>
<p>మిథున తన తల్లిదండ్రులతో పాటు కూర్చొంటుంది. సత్యమూర్తి మాష్టారు వాళ్లతో మిథున తల్లిదండ్రులు తాంబూలం ఇచ్చిపుచ్చుకుంటారు. మిథున దేవాని చూస్తూ ఉంటుంది. దేవా కూడా మిథునని చూస్తూ బాధ పడతాడు. రాత్రి హరివర్థన్ ఆరు బయట జరిగిన తంతు గుర్తు చేసుకొని ఆలోచిస్తూ కూతురి నిశ్చితార్థం అవ్వడంతో సంతోషంగా ఉంటాడు. మిథున పెళ్లి కూడా అంతే సంతోషంగా జరగాలి అనుకుంటాడు. ఇంతలో ఆదిత్య హరివర్థన్ దగ్గరకు వస్తాడు. ఏంటి అంకుల్ ఇలా చేశారు.. మిథునకు నాకు రెండు రోజుల్లో పెళ్లి అనగా ఆ దేవా మిథున మెడలో తాళి కట్టాడు.. మిథున ఎప్పుడు వస్తుంది.. అని మిథున కోసం నేను వెయిట్ చేస్తుంటే నా బాధ తెలిసి కూడా మీరు మిథునకు వేరే ఎవరితో పెళ్లి ఫిక్స్ చేయడం కరెక్ట్ కాదు అంకుల్ అని అంటాడు. </p>
<p>ఆదిత్య నా బాధ చెప్తా విను అని హరివర్థన్ ఆదిత్యతో చెప్తాడు. మిథున ఇక్కడే ఉంటే ఆ దుర్మార్గుడు కట్టిన తాళి తలచుకొని వాడి వల్ల ఇబ్బంది పడుతుంది అందుకే మిథునని రిషికి ఇచ్చి పెళ్లి చేసి యూఎస్‌ పంపేయాలని అనుకున్నా అంటాడు. మిథున కంటే నాకు ఏదీ ఎక్కువ కాదు అంకుల్ నేనే మిథునని పెళ్లి చేసుకొని ఫారెన్ వెళ్లిపోయే వాడిని కదా అంటాడు. దానికి జడ్జి మిథునని నా చెల్లి అయితే చక్కగా చూసుకుంటుంది. నీకు నేను ఓ మంచి సంబంధం చూసి నేను పెళ్లి చేస్తా నువ్వు మనసులో ఏం బాధ పెట్టుకోకు సరేనా అని చెప్పి వెళ్లిపోతాడు. </p>
<p>ఆదిత్య కోపంతో రగిలిపోతూ మిథునకు నాతో కాకుండా వేరే వాడితో ఎలా పెళ్లి చేస్తావో నేను చూస్తా మిథున నాది మాత్రమే.. నాకు దక్కని మిథున వేరే ఎవరికీ దక్కకుండా చేస్తా అని అనుకుంటాడు. మిథున దేవాతో పెళ్లి ఆ ఇంటికి వెళ్లడం ఇలా అన్నీ గుర్తు చేసుకొని కన్నీరు పెట్టుకుంటుంది. మిథున బాధ పడటం రిషి చూసి మిథున దగ్గరకు వెళ్తాడు. ఏమైంది మిథున.. ఎందుకు అలా ఉన్నావ్ అని అడుగుతాడు. ఏం లేదు అని మిథున అంటుంది. దాంతో రిషి ఈ పెళ్లి నీకు ఇష్టం లేదు కదా అని అడుగుతాడు. మిథునతో పాటు దూరంగా ఉన్న మిథున తల్లిదండ్రులు కూడా షాక్ అయిపోతారు. </p>
<p>రిషి మిథునతో పెళ్లి అనగానే ఏ ఆడపిల్ల అయినా సంతోషంగా ఉంటుంది. కానీ మన పెళ్లి అనగానే నీలో దిగులు తప్ప నాకు మనస్ఫూర్తిగా నవ్వు కనిపించడం లేదు.. నీ మనసులో బాధకి కారణం ఏంటి అని రిషి అడుగుతాడు. ఇంతలో హరివర్థన్ వచ్చి ఏం లేదు రిషి ఆ చెత్త వెధవ తాళి కట్టడం వల్ల తనని ఇంకా ఆ బాధే వెంటాడుతుంది అని చెప్తాడు. లలిత కూడా అది చిన్న విషయం కాదు కదా బాబు.. ఆ దిగులు ఎవరికైనా ఉంటుంది కదా.. అంతే తప్ప మిథునకు ఈ పెళ్లి మనస్ఫూర్తిగా ఇష్టమే బాబు అని అంటుంది.</p>
<p>రిషి హరివర్థన్‌తో ఇప్పటి వరకు మిథునకు ఈ పెళ్లి అంటే ఇష్టం లేదు అనే భయం ఉండేది కానీ ఇప్పుడు కారణం తెలిసింది.. ఆ చెత్త వెధవ మీద కోపం వస్తుంది.. ఎవడు మామయ్య వాడు మిథున మెడలో బలవంతంగా తాళి కట్టిన ఈ ఇడియట్ ఎవడు.. చెప్పండి అని అడుగుతాడు. త్రిపుర చెప్పబోతే రాహుల్ ఆపుతాడు. హరివర్థన్ రిషితో మేం కోరుకునేది మీ ఇద్దరి పెళ్లి అంతే కానీ గొడవలు కాదు.. వారం ఆగితే మీ ఇద్దరూ హ్యాపీగా ఉంటారు. మధ్యలో లేనిపోని గొడవలు తీసుకురాకు అని అంటాడు. రిషి మిథునతో నీ కళ్లలో బాధ నా గుండెల్లో అగ్నిపర్వతంలా తగులుతుంది.. నా కాబోయే భార్య కన్నీటికి కారణమైన వాడిని అంత ఈజీగా వదలను.. వాడు ఎవడో నేనే తెలుసుకుంటా.. వాడి అంతు చూస్తా నీ బాధ పొగొడతా అని రిషి అంటాడు.</p>
<p>రిషి మాటలకు మిథున కూలబడిపోతుంది. మరో వైపు దేవా కూడా మిథున గురించి ఆలోచిస్తూ కన్నీరు పెట్టుకుంటాడు. దేవా దగ్గరకు శారద వచ్చి నీలో నువ్వే బాధ పడుతున్నావ్ నీ బాధకి కారణం ఏంటి నాన్న అని అడుగుతుంది. దాంతో దేవా తల్లిని పట్టుకొని ఏడుస్తాడు. ప్రమోదిని కూడా అక్కడికి వస్తుంది. శారద కూడా ఏడుస్తూ రేయ్ ఏమైందిరా.. నీ మనసులో దుఃఖానికి కారణం ఏంట్రా అని అడుగుతుంది. దేవా ఏం చెప్పకుండా ఏడుస్తూ వెళ్లిపోతాడు. ప్రమోదిని శారదతో దేవా బాధకి కారణం మీకు ఇంకా అర్థం కావడం లేదా అత్తయ్యా.. దేవా మిథునని మర్చిపోలేక తనలో తానే నరకం చూస్తున్నాడని అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
18 hours ago
1 
