<p><strong>Nuvvu leka Neanu Lenu Serial Today Episode</strong>: స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఎపిసోడ్ ఆసక్తిగా సాగుతుంది.గుడికి వెళ్లి విక్కీని కలవడం వెనక ఆంతర్యమేంటని రాధను రామచంద్ర నిలదీస్తాడు.నువ్వు నిజంగా విక్కీని ప్రేమిస్తున్నావా అని నిలదీస్తాడు.దీంతో ఆమె ఏం సమాధానం చెప్పకపోవడంతో రామచంద్ర తల్లి అడ్డుకుని రాధను ఇబ్బంది పెట్టొద్దని చెప్పి పంపిస్తుంది. రాధను తీసుకుని రామచంద్ర జైలుకు బయలుదేరగా...భవానీశంకర్‌ రౌడీలను పంపించి దాడి చేయిస్తాడు.ఇంతలో విక్కీ వచ్చి వాళ్లను కాపడతాడు.<br />రాధను నిలదీసిన రామచంద్రం<br /> రాధ గుడికి వెళ్లి విక్కీని కలిసిందని ప్రియా చెప్పడంతో ఇంట్లో అందరూ రాధను తిడతారు.అసలు విక్కీని ఎందుకు కలిశావో చెప్పమంటూ రాధను గురూజీ నిలదీస్తాడు. నిజంగా నీకు విక్కీపై ప్రేమ ఉందా అని అడుగుతాడు.వెంటనే అడ్డుపడిన దమయంతి..అగ్రిమెంట్ పెళ్లిచేసుకుని ఏడాది తర్వాత వెళ్లిపోవడానికి వచ్చిన దానిని పట్టుకుని విక్కీని ప్రేమిస్తున్నావా అని అడగడం ఏంటని అంటుంది. అసలు రాధను ఇంట్లో నుంచి వెళ్లగొట్టాల్సిందిపోయి విక్కీని పంపించారని అంటుంది. రామచంద్రం ఆమె మాటలను అడ్డుకుని రాధను మరోసారి ప్రశ్నిస్తాడు.అసలు విక్కీ మనసులో ఏం ఉందో తెలుసుకోకుండా నేను విక్కీని ప్రేమిస్తున్నానని చెబితే...తర్వాత వీళ్లందరి ముందు చులకన అయిపోతానని రాధ ఆలోచిస్తుండగా...రామచంద్రం తల్లి అడ్డుపడుతుంది. ఓ ఆడపిల్లను అందరి ముందు నిలబెట్టి ఇలా అడుగుతారా అని మండిపడుతుంది. తను మౌనంగా ఉందంటేనే అర్థం కావడం లేదా అని అందరిని అక్కడి నుంచి పంపిస్తుంది. జైలుకు వెళ్లి మీనాన్నను కలుద్దామని రామచంద్రం చెప్పడంతో రాధ ఆనందపడిపోతుంది.<br />దమయంతి కుట్రలు<br /> రామచంద్రం జైలుకు వెళ్లి శివయ్యను కలిస్తే నిజం తెలిసిపోతుందని...నా రాజకీయ జీవితం ముగిసిపోతుందని దయమంతి భయపడిపోతుంది.అలాగే మనం చేసిన తప్పులన్నీ బయటపడతాయని భవానీశంకర్‌తో అంటుంది. అదే జరిగితే మనం జైలుకు వెళ్లడం ఖాయమని హెచ్చరిస్తుంది. అయితే జైలుకు వెళ్లే దారిలోనే ఇద్దరినీ పైకి పంపిస్తానని భవానీశంకర్‌ అంటాడు. రౌడీలను పురమాయిస్తాడు. మార్గమధ్యలో గురూజీతో మాట్లాడుతూ రాధ మానాన్నకు మా అగ్రిమెంట్ పెళ్లిగురించి చెప్పొద్దని అంటుంది. విక్కీ నన్ను బాగా చూసుకుంటున్నారని ఆయన ఆనందపడిపోతున్నారని ఇప్పుడు ఈ విషయం చెప్పి ఆయన దృష్టిలో విక్కీని చెడ్డవాడిని చేయవద్దని అంటుంది. విక్కీపై రాధకు ఉన్న ప్రేమ రామచంద్రానికి అర్థమవుతుంది. <br />రౌడీలు దాడి...కాపాడిన విక్కీ<br /> రామచంద్రం కారును రౌడీలు అడ్డగించి దాడి చేస్తారు.దోపిడీ దొంగల్లా మెడలో ఉన్న బంగారం మొత్తం ఇవ్వమని బెదిరిస్తారు. రాధ మాత్రం నల్లపూసలు మాత్రం ఇవ్వనని ఎదురుతిరుగుతుంది.గురూజీ ఇచ్చేయమని చెప్పినా...ఇది నా ప్రాణమని దీన్ని ఇవ్వనని తెగేసి చెబుతుంది.విక్కీ కట్టిన తాళికి ఇంత గౌరవం ఇస్తుందంటే ఖచ్చితంగా రాధ మనసులో విక్కీ ఉన్నాడని గురూజీ అనుకుంటాడు. మాకు కావాల్సింది కూడా నీ ప్రాణాలే అంటూ రౌడీలు కత్తితో రాధను పొడవబోతుండగా విక్కీ అక్కడికి వస్తాడు. రౌడీలను కొట్టి రాధ, రామచంద్రాన్ని కాపాడతాడు. నీకు శత్రువులు ఎవరు ఉన్నారో చెప్పు అని రాధను అడుగుతాడు. నువ్వు మంచిగా ఉండి ఉంటే రాధకు శత్రువులు ఎక్కడి నుంచి వస్తారురా అని కోప్పడి రాధను తీసుకుని జైలుకు వెళ్తాడు. ఈ విషయం తెలిసిన భవానీశంకర్‌, దమయంతి ఇక మన పని అయిపోయిందని అనుకుంటారు. ఖచ్చితంగా ఆ శీనయ్య నిజాలు మొత్తం చెప్పేస్తాడని భయపడతారు.</p>
1 month ago
3 
