<p>బాలీవుడ్ సినిమాల్లో స్పెషల్ సాంగ్స్, క్యారెక్టర్స్ చేసే పాపులర్ డ్యాన్సర్ నోరా ఫతేహి (Nora Fatehi). తెలుగు ప్రేక్షకులకూ ఆమె తెలుసు. ప్రభాస్ 'బాహుబలి' సినిమాలోని 'మనోహరి...' పాటలో కనిపించిన ముగ్గురు అందాల భామల్లో ఆమె ఒకరు. ఎన్టీఆర్ 'టెంపర్' సహా మరికొన్ని తెలుగు సినిమాల్లో ఐటమ్ సాంగ్స్ చేశారు. ఇప్పుడు ఆమెపై ఓ చార్టెడ్ ఫ్లైట్ కంపెనీ పరువునష్టం దావా వేసింది. అది కూడా తమ కంపెనీకి మూడు కోట్ల రూపాయలు కట్టాలని. అసలు వివాదం ఏమిటి? నోరా మీద పరువు నష్టం దావా ఎందుకు వేశారు? వంటి వివరాల్లోకి వెళితే...</p>
<p><strong>చార్టెడ్ ఫ్లైట్‌పై కామెంట్స్... బుకింగ్స్ డ్రాప్</strong><br />గత ఏడాది (2025) డిసెంబర్ నెలలో ముంబై నుంచి జైపూర్ వెళ్ళారు నోరా ఫతేహి. అది ఫ్లైట్ జర్నీ. సెస్నా సైటేషన్ సీజే2 (Cessna Citation CJ2) చార్టర్డ్ ఫ్లైట్‌లో ఆమె వెళ్లారు. విమానం లోపల వీడియోలు రికార్డ్ చేసి తన ఇన్‌స్టాగ్రామ్ అకౌంట్‌లో షేర్ చేశారు. అందులో తప్పు ఏమీ లేదు. కానీ, పోస్ట్ చేసినప్పుడు ఆ విమానాన్ని చిన్న బొమ్మ, ఆట వస్తువు, లెగో విమానం అంటూ కామెడీ చేశారు.</p>
<p>Also Read<strong>: <a title="Ranabaali Teaser - రేపే 'రణబాలి' టీజర్ రిలీజ్... విజయ్ దేవరకొండకు సిసలైన పాన్ ఇండియా ఎంట్రీ" href="https://telugu.abplive.com/entertainment/cinema/ranabaali-teaser-tomorrow-vijay-deverakonda-rashmika-periodic-pan-india-action-drama-set-to-make-big-impact-258356" target="_self">Ranabaali Teaser - రేపే 'రణబాలి' టీజర్ రిలీజ్... విజయ్ దేవరకొండకు సిసలైన పాన్ ఇండియా ఎంట్రీ</a></strong></p>
<p>చిన్న బొమ్మ అంటూ నోరా ఫతేహి చేసిన కామెంట్స్ వల్ల ఆ చార్టెడ్ ఫ్లైట్‌ను బుక్ చేసుకోవడం మానేశారు కొందరు. అదేమిటి? అంటే... నోరా ఫతేహికి సోషల్ మీడియాలో 4.6 కోట్లకు పైగా ఫాలోవర్లు ఉన్నారు. అటువంటి అందాల భామ చిన్న బొమ్మ అని కామెంట్ చేయడంతో తమ విమానాల బుకింగ్స్ దాదాపు 15 నుంచి 20 శాతం వరకు పడిపోయాయని, బుకింగ్స్ చేసుకున్న తర్వాత క్యాన్సిల్ చేసుకునే కస్టమర్ల సంఖ్య పెరిగిందని డ్యూన్స్ ఏవియేషన్ (Dunes Aviation) సంస్థ పేర్కొంది. నోరా ఫతేహికి ఎటువంటి సాంకేతిక పరిజ్ఞానం లేదని, ఆమె దగ్గర ఎటువంటి ఆధారాలు లేకుండా వ్యాఖ్యలు చేశారని ఏప్రిల్‌లో కోర్టులో ఓ పిటిషన్ దాఖలు చేశారు.</p>
<p>Also Read<strong>: <a title="Toxic OTT - 'టాక్సిక్' టీమ్‌కు ఓటీటీ షాక్... చావుదెబ్బ కొట్టిన యష్ ఓవర్‌ కాన్ఫిడెన్స్" href="https://telugu.abplive.com/entertainment/ott-webseries/toxic-ott-rights-deal-shock-yash-decision-backfires-150-crore-offer-rejected-now-zee5-offers-30cr-only-reports-258355" target="_self">Toxic OTT - 'టాక్సిక్' టీమ్‌కు ఓటీటీ షాక్... చావుదెబ్బ కొట్టిన యష్ ఓవర్‌ కాన్ఫిడెన్స్</a></strong></p>
<p>తమ ప్రైవేట్ చార్టర్డ్ విమానాన్ని 'లెగో విమానం' / 'చిన్న బొమ్మ' అంటూ నోరా ఫతేహి సోషల్ మీడియాలో చేసిన వ్యాఖ్యలపై డూన్స్ ఏవియేషన్ సంస్థ తీవ్ర ఆగ్రహం వ్యక్తం చేసింది. గుజరాత్‌లోని గాంధీనగర్ కోర్టులో మూడు కోట్ల రూపాయల పరువు నష్టం దావా వేసింది. తమ విమానం ప్రయాణానికి పూర్తిగా సురక్షితమైనదని, డైరెక్టరేట్ జనరల్ ఆఫ్ సివిల్ ఏవియేషన్ నిబంధలకు లోబడి ఉందని పేర్కొంది. </p>
<p>తమకు నోరా ఫతేహి మూడు కోట్ల రూపాయల నష్ట పరిహారం చెల్లడించడంతో పాటు తమ ఫ్లైట్ గురించి చేసిన సోషల్ మీడియా పోస్టులు అన్నిటినీ వెంటనే తొలగించాలని డ్యూన్స్ ఏవియేషన్ డిమాండ్ చేసింది. ఈ కేసును ఈ నెల (సెప్టెంబర్) 25వ తేదీన గాంధీనగర్ కోర్టు సీనియర్ సివిల్ జడ్జి ఆర్. అగర్వాల్ విచారించనున్నారు అదీ సంగతి.</p>
<p>Also Read<strong>: <a title="Samantha Visits Isha Foundation With Baby Bump - పెళ్ళి చేసుకున్న గుడికి బేబీ బంప్‌తో వెళ్ళిన సమంత... 'సద్గురు'తో స్టార్ హీరోయిన్" href="https://telugu.abplive.com/photo-gallery/entertainment/cinema-samantha-visits-lingabhairavi-devi-temple-with-baby-bump-meets-sadhguru-at-isha-foundation-258258" target="_self">Samantha Visits Isha Foundation With Baby Bump - పెళ్ళి చేసుకున్న గుడికి బేబీ బంప్‌తో వెళ్ళిన సమంత... 'సద్గురు'తో స్టార్ హీరోయిన్</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/actress-nora-fathehi-special-songs-in-tollywood-195137" width="631" height="381" scrolling="no"></iframe></p>
1 month ago
3 
