<p><strong>Stop Eating Added Sugar for 30 Days :</strong> మీరు 30 రోజులు స్వీట్స్(షుగర్స్) మానేస్తే.. దాని ప్రభావం కేవలం బరువుపై మాత్రమే కాదు.. శరీరంలోని అనేక భాగాలపై కూడా కనిపిస్తాయి. నిపుణుల ప్రకారం అధికంగా చక్కెర తీసుకోవడం వల్ల ఊబకాయం, టైప్ 2 డయాబెటిస్, గుండె జబ్బులు, ఫ్యాటీ లివర్ వంటి అనేక తీవ్రమైన సమస్యల ప్రమాదం పెరుగుతాయి. అందుకే ఈ రోజుల్లో చాలా మంది నో షుగర్ ఛాలెంజ్ తీసుకుంటున్నారు. దీనిలో భాగంగా కొన్నిరోజులు తమ ఆహారం నుంచి అదనపు చక్కెరను తీసేస్తున్నారు. </p>
<h3>నో షుగర్స్ అంటే తినకూడని ఫుడ్స్ ఇవే.. </h3>
<p>నో స్వీట్, నో షుగర్ అంటే కొందరికి సరైన అవగాహన ఉండదు. కానీ దాని అర్థమేమిటంటే సహజంగా దొరికే తియ్యని ఫ్రూట్స్, కూరగాయలు లేదా పాలను వదులుకోవడం కాదు. కూల్డ్రింక్స్, మిఠాయిలు, క్యాండీ, కేకులు, కుకీలు, షుగర్ డ్రింక్స్, ఫ్లేవర్డ్ పెరుగు, ప్యాక్ చేసిన జ్యూస్‌లు, వివిధ రకాల సాస్‌ల వంటి అదనపు చక్కెర ఉన్న ఆహారాలకు దూరంగా ఉండాలి. వీటికి తాజా పండ్లు, ఆకుకూరలు, తృణధాన్యాలు, పప్పులు, గుడ్లు, చేపలు, చికెన్, నట్స్, సమతుల్యమైన ఇంట్లో వండిన ఆహారాన్ని తినాలి.</p>
<p><strong>Also Read : <a href="https://telugu.abplive.com/lifestyle/doctor-seshi-kiran-shares-important-food-tips-to-control-blood-sugar-and-blood-pressure-248575" target="_blank" rel="noopener">బీపీ, షుగర్ కంట్రోల్ కావాలంటే ఏమి తినాలి? ఏవి మానాలి? డాక్టర్ ఇస్తోన్న సూచనలు ఇవే</a></strong></p>
<h3>నో షుగర్ డైట్ వల్ల కలిగే లాభాలు</h3>
<p>హెల్త్‌లైన్ అనే ఆరోగ్య సమాచార వెబ్‌సైట్ ప్రకారం.. మీరు వరుసగా 30 రోజులు అదనపు చక్కెరను మానేస్తే దాని మొదటి ప్రయోజనం మీ రక్తంలో చక్కెర స్థాయిలపై కనిపిస్తుంది. తరచుగా తీపి పదార్థాలను తినడం వల్ల రక్తంలో చక్కెర స్థాయిలు వేగంగా పెరిగి.. కాలక్రమేణా ఇన్సులిన్ నిరోధకత, టైప్ 2 డయాబెటిస్ వచ్చే ప్రమాదం పెరుగుతుంది. అందువల్ల చక్కెరను తగ్గించడం రక్తంలో చక్కెరను నియంత్రించడంలో సహాయపడుతుంది.</p>
<h3>ఎవరికి మంచిది?</h3>
<p>నో షుగర్ డైట్ బరువు తగ్గాలనుకునే వారికి చాలా ప్రయోజనకరంగా ఉంటుంది. చక్కెర అధికంగా ఉండే ఆహారాలలో కేలరీలు ఎక్కువగా ఉండి.. పీచుపదార్థం, ప్రోటీన్లు తక్కువగా ఉంటాయి. స్వీట్స్ తగ్గించడం వల్ల అదనపు కేలరీల వినియోగాన్ని తగ్గి.. బరువును అదుపులో ఉంచుకోవచ్చు. దంత ఆరోగ్యంపై కూడా సానుకూల ప్రభావం ఉంటుంది. స్వీట్స్ తింటే నోటిలోని బ్యాక్టీరియా చక్కెరను విచ్ఛిన్నం చేసి.. ఆమ్లాలను ఏర్పరుస్తుంది. ఇవి దంతాలను దెబ్బతీస్తాయి. చక్కెర వినియోగాన్ని తగ్గించడం వల్ల దంత క్షయం, పళ్లు పుచ్చిపోయే ప్రమాదం తగ్గుతుంది.</p>
<p><strong>Also Read : <a href="https://telugu.abplive.com/lifestyle/real-causes-of-diabetes-beyond-sugar-myths-sweets-insulin-explained-246494" target="_blank" rel="noopener">స్వీట్స్ మానేస్తే డయాబెటిస్ రాదా? షుగర్ రావడానికి అసలు కారణాలు ఇవే అంటోన్న నిపుణులు</a></strong></p>
<h3>కాలేయ, గుండె ఆరోగ్యం..</h3>
<p>ఫ్రక్టోజ్ అధికంగా ఉండే ఆహారాలు(స్వీట్స్) ఫ్యాటీ లివర్ ప్రమాదాన్ని పెంచుతాయి. అధిక చక్కెర వినియోగం వల్ల అధిక కొలెస్ట్రాల్, ట్రైగ్లిజరైడ్స్ పెరిగి, అధిక రక్తపోటు వంటి సమస్యలు వస్తాయి. ఇవి గుండె జబ్బుల ప్రమాదాన్ని మరింత పెంచుతాయి. అలాంటప్పుడు చక్కెరను తగ్గించడం వల్ల.. గుండె, కాలేయానికి మేలు జరుగుతుందని కొన్ని పరిశోధనలు తెలిపాయి. అలాగే స్వీట్స్ తినడం వల్ల వచ్చే ఎనర్జీ తక్షణమే తగ్గిపోయి, అలసటకు దారితీస్తుందని నిపుణులు చెప్తున్నారు.</p>
<p><strong><a href="https://telugu.abplive.com/lifestyle" target="_blank" rel="noopener">ఆరోగ్యం, ఇంటి చిట్కాల గురించిన మరిన్ని ఇంట్రెస్టింగ్ ఆర్టికల్స్ కోసం దీనిని క్లిక్ చేయండి.</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/lifestyle/nighttime-habits-for-better-sleep-252105" width="631" height="381" scrolling="no"></iframe></strong></p>
<div>
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
</div>
<p> </p>
4 months ago
9 
