<p><strong>Nindu Noorella Saavasam Serial Today Episode: </strong>బుజ్జమ్మ శక్తులు వశం చేసుకోవాలన్న ప్రచండను అమర్‌ పోలీసులకు పట్టిస్తాడు. తర్వాత మనోహరి చెప్పిన మాటలు గుర్తు చేసుకుని అనుమానిస్తాడు. ఇంకా నిండు నూరేళ్ల సావాసం సీరియల్‌ ఇవాళ్టీ ఏపిసోడ్‌లో ఏం జరిగిందో ఇప్పుడు తెలుసుకుందాం.</p>
<p><strong>ప్రచండను పోలీసులకు పట్టించిన అమర్‌</strong></p>
<p>ప్రచండ మంత్రాలు చివరి దశకు చేరుకోగానే బుజ్జమ్మ స్పృహ తప్పి పడిపోతుంది. అప్పుడే అమర్‌ బంగ్లాను కనిపెట్టి లోపలికి వెళ్తాడు. కాద్రాను బెదిరించి అందరిని అక్కడి నుంచి కాపాడతాడు. ప్రచండ పూజలు చేస్తున్న రూంలోకి వెళ్లి అంతా పగులగొడతాడు. ప్రచండ మంత్రదండాన్ని నేలకేసి కొట్టి పూజ మొత్తాన్ని చిందవందర చేస్తాడు. ప్రచండ కోపంతో రగిలిపోతుంటే ప్రచండను కొడతాడు అమర్‌. అప్పుడే పార్థు పోలీసులను తీసుకుని అక్కడకు వెళ్లి ప్రచండను పోలీసులకు పట్టిస్తాడు. ప్రచండ కోపంగా ఒరేయ్‌ అమరేంద్ర ఇంతటితో అయిపోయింది అనుకోకు నేను బయటకు వచ్చాక నాకు కావాల్సింది దక్కించుకునేంత వరకు వదిలిపెట్టను అంటూ వార్నింగ్ ఇస్తుంటే.. అమర్‌ కోపంగా ఈ పిచ్చి వెదవను తీసుకెళ్లి మెంటల్‌ హాస్పిటల్‌ లో వేయండి.. తాంత్రిక పూజల పేరుతో పిచ్చిగా బిహేవ్‌ చేస్తున్నాడు అంటూ పోలీసులకు చెప్పగానే.. పోలీసులు ప్రచండను తీసుకెళ్తారు.</p>
<p><strong>అందరినీ తీసుకుని బస్సు దగ్గరకు వెళ్లిన అమర్‌</strong></p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p>భాగీ, బుజ్జమ్మ, రాథోడ్‌ అదే రూంలోకి వస్తారు. భాగీ గారు మీకేం కాలేదు కదా అని పార్థు అడిగితే ఏం కాలేదని సమయానికి అమర్‌ వచ్చి సేవ్‌ చేశాడని చెప్తుంది. అమర్‌ తనకు హనుమాన్‌ దారి చూపించాడని చెప్తాడు. అప్పుడు మిస్సమ్మ అవును హనుమాన్‌ ఎక్కడ అని వెతుకుతుంది. ఆంజనేయస్వామి దారి చూపించి వెళ్లాడు అంతా ఆయన మహిమ అంటాడు రాథోడ్‌. అప్పుడే పార్థు అవును మీరంతా ఉన్నారు మనోహరి ఎక్కడ అంటాడు. భాగీ భయంగా తను ఇక్కడకు వచ్చిందా..? అని అడిగితే… వచ్చిందని తను మీకోసం ఈ అడవిలో వెతికింది.. ఎక్కడో అడవిలో చిక్కుకునిపోయి ఉంటుంది అని చెప్పగానే.. అయితే నేను మనోహరిని వెతికి తీసుకొస్తాను మీరంతా బస్సు దగ్గరకు వెళ్లండి అంటూ అందరినీ బస్సు దగ్గరకు పంపించి పార్థు మనోహరి దగ్గరకు వెళ్తాడు.</p>
<p><strong>మనోహరిని కాపాడిన పార్థు</strong></p>
<p>ముళ్ల పొదల్లో చిక్కుకుపోయిన మనోహరిని చూసిన పార్థు దగ్గరకు వెళ్లి సేవ్‌ చేస్తాడు. నువ్వు ఇక్కడికి ఎలా వచ్చావు అని అడిగితే.. బస్సు ప్రాబ్లమ్‌ అయింది. వాళ్లను వెతుక్కుంటూ నేను అమర్‌ వచ్చాము అని చెప్తుంది. భాగీ వాళ్లు ఎలా ఉన్నారు అని మనోహరి అడగ్గానే.. వాళ్లంతా సేఫ్‌ గానే ఉన్నారు అని పార్తు చెప్పగానే.. మనోహరి షాక్‌ అవుతుంది.</p>
<p><strong>మనోహరిని అనుమానించిన అమర్‌</strong></p>
<p>బస్సు దగ్గర అమర్‌ పిల్లలను బస్సులోకి ఎక్కించండి అని చెప్తాడు. అందరూ బస్సు ఎక్కినా అమర్‌ మాత్రం కింద నిలబడి మనోహరి చెప్పిన మాటలు గుర్తు చేసుకుని ఆలోచిస్తుంటాడు. రాథోడ్ వచ్చి ప్రమాదం తప్పిపోయింది కదా సార్‌ పిల్లలు, మిస్సమ్మ అందరూ సేఫ్‌గానే ఉన్నారు. పైగా ప్రచండ కూడా అరెస్ట్‌ అయ్యాడు అని చెప్తుంటే.. భాగీ మీరు దేని గురించి ఆలోచిస్తున్నారు అని అడగ్గానే.. అమర్‌ మనోహరి గురించి అని చెప్తాడు. అందరూ షాక్‌ అవుతారు. ఫారెస్ట్‌లో ఉన్న పార్థు నీకు ఏమైందోనని నేను చాలా టెన్షన్‌ పడ్డాను మను ఆరోజు అలా జరిగింది. ఈరోజు ఇలా అసలు నువ్వు ఇక్కడికి ఎందుకు వచ్చావు.. అని అడుగుతాడు. బస్సు దగ్గర ఉన్న అమర్‌ అనుమానంగా ఇంటి దగ్గర షాపింగ్‌ కు అని చెప్పిన మనోహరి ఇక్కడకు ఎందుకు వచ్చింది అనగానే.. భాగీ తనను చంపడానికి వచ్చింది అని మనసులో అనుకుంటుంది. మనోహరిని నేను అడిగితే మరీ పొంతన లేని ఆన్సర్స్‌ చెప్పింది. మిమ్మల్ని వెతకాలి కదా అని అప్పుడు వదిలేశాను అని చెప్తాడు.</p>
<p><strong>మనోహరిని బస్సు దగ్గరకు తీసుకెళ్లిన పార్థు</strong></p>
<p>అటువైపు మనోహరి దగ్గర ఉన్న పార్థు అమర్‌ నిన్ను ఫాలో చేస్తున్నాడు అని తెలిశాక కొంచెం రిలీఫ్‌ గా ఫీలయ్యాను అని చెబితే.. మనోహరి కోపంగా అమర్‌ను నా వెనకాల పంపించింది నువ్వేనా పార్థు అని అడుగుతుంది. లేదు తనే ఫాలో అయ్యాడు నేను ఫోన్‌ చేస్తే చెప్పాడు పద అంటూ మనోహరిని తీసుకుని వెల్తాడు. బస్సు దగ్గర ఉన్న అమర్‌ మిమ్మల్ని వెతుక్కుంటూ నేను ఆ బంగ్లా వైపు వచ్చాను కానీ బంగ్లాను చూడలేదు.. అప్పుడే మనోహరి నా వైపు వచ్చి అటువైపు మీరు లేరని చెప్పి నన్ను వేరే వైపు పంపించింది. తను ఎందుకు అలా చేసింది అంటూ అడుగుతుంటే.. మమ్మల్ని మీరు కాపాడకూడదని అలా చేసింది అని రాథోడ్ మనసులో అనుకుంటే.. భాగీ చెవిలో సరస్వతి మేడం అమ్మా ఇప్పటికైనా మనోహరి గురించి నిజం సార్‌కు చెప్పు అనగానే.. లేదు మేడం కాలమే అన్నింటికీ సమాధానం చెప్పాలి అనగానే.. అమర్‌ మాత్రం నిన్నటి నుంచి మనోహరి బిహేవియర్‌ చాలా మిస్టరీగా ఉంది అందుకు కారణం ఏంటి..? అని అడుగుతే.. నిన్నటి నుంచి కాదు సార్‌ తను మొదటి నుంచి అలాగే ఉంది అని రాథోడ్‌ మనసులో అనుకుంటాడు. అప్పుడే మనోహరిని తీసుకుని పార్థు వస్తాడు.</p>
<p>అమర్‌ బాగీ గారితో పాటు మను కూడా పెద్ద ప్రమాదంలో చిక్కుకుంది. నేను వెళ్లే సరికి తను ఒక చోట ముళ్లపొదల్లో చిక్కుకుపోయింది అని చెప్పగానే.. రాథోడ్ కోపంగా తను అక్కడే చావాల్సింది. అనవసరంగా కాపాడి తీసుకొచ్చారు అని మనసులో అనుకుంటాడు. ఇంతలో ఇవాళ్టీ నిండు నూరేళ్ల సావాసం సీరియల్‌ ఏపిసోడ్‌ అయిపోతుంది. </p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p> </p>
1 month ago
3 
