<p><strong>Nindu Noorella Saavasam Serial Today Episode: </strong> కారు డిక్కీలో ఉండిపోయిన రణవీర్‌ను ఎలాగైనా బయటకు తీసుకురావాలని ఇంట్లో అందరూ పడుకున్నాక మనోహరి బయటకు వెళ్లి అతి కష్టం మీద కారు డిక్కీ ఓపెన్‌ చేస్తుంది. అప్పుడే అమర్‌ బాల్కనీలోకి వచ్చి చూస్తుంటాడు. అమర్‌ ను చూడగానే.. మనోహరి భయంతో కారు పక్కనే నక్కి కూర్చుంటుంది. అటూ ఇటూ చూసిన అమర్‌ మళ్లీ వెళ్లి పడుకున్నాక మనోహరి, రణవీర్‌ను తీసుకుని తన రూంలోకి వెళ్లిపోతుంది. రూంలోకి వెళ్లగానే గబగబా మంచినీళ్లు తాగుతాడు రణవీర్‌.</p>
<p><strong>రణవీర్‌:</strong> నిజంగా చచ్చిపోయాను అనుకున్నాను బతికించావు మనోహరి</p>
<p><strong>మను:</strong> నిన్ను ఎలాగైనా కాపాడతానని చెప్పాను కదా</p>
<p><strong>రణవీర్‌:</strong> కానీ ఇంత రిస్క్‌ చేసి ఇంట్లోకి రావడం కన్నా డిక్కీలోనే ఉండటం బెటర్‌ అనిపించింది</p>
<p><strong>మను:</strong> అయితే మళ్లీ డిక్కీలోకి పంపిచేయనా</p>
<p><strong>రణవీర్‌:</strong> వద్దు పర్వాలేదు.. ఇక్కడే ఉంటాను.. అవును ఈ బాంబు ఏంటి మళ్లీ ఇక్కడికి తీసుకొచ్చావు</p>
<p><strong>మను:</strong> టెన్షన్‌ పడకు రేపు నాకు దీంతో పని ఉంది</p>
<p><strong>రణవీర్‌:</strong> ఏం పని మనోహరి</p>
<p><strong>మను:</strong> రేపు నువ్వే చూస్తావు కదా</p>
<p>అని మనోహరి చెప్పగానే రణవీర్‌ మాత్రం భయం భయంగా చూస్తుటాడు. తర్వాత బయట ఎవ్వరూ లేరని నిర్దారించుకున్న తర్వాత రణవీర్‌ అక్కడి నుంచి వెళ్లిపోతాడు. మరుసటి రోజు ఉదయం రాథోడ్‌ కారు క్లీన్‌ చేస్తుంటాడు. రామ్మూర్తి, మంగళ వస్తారు.</p>
<p><strong>రాథోడ్‌:</strong> రండి సార్‌ రండి అమ్మా..</p>
<p><strong>రామ్మూర్తి:</strong> ఏమయ్యా రాథోడ్‌ అప్పుడే వచ్చేశావా నువ్వు</p>
<p><strong>రాథోడ్‌:</strong> పొద్దున్నే వచ్చేశాను సార్‌.. మిస్సమ్మ సీమంతాన్ని నేను మిస్‌ అవ్వనని చెప్పాను కదా.. ఆ బ్యాగులు ఇలా ఇవ్వండి సార్‌ మళ్లీ లోపలికి ఎందుకు..? ఏయ్‌ తిరుపతి ఈ బ్యాగులు కారు డిక్కీలో పెట్టు..</p>
<p><strong>రామ్మూర్తి:</strong> రాథోడ్‌, భాగీ అల్లుడు గారు పిల్లలు రెడీ అవుతున్నారా..?</p>
<p><strong>రాథోడ్‌:</strong> అవుతున్నారు సార్‌ లగేజీ సర్దుతున్నారు</p>
<p><strong>రామ్మూర్తి:</strong> అయ్యో ఇంకా రెడీ అవుతున్నారా..? గంటలో రాహు కాలం వస్తుంది త్వరగా బయలుదేరాలి</p>
<p><strong>రాథోడ్‌:</strong> అంత సేపు ఏం కాదు సార్‌ ఇక బయలుదేరుతాము.. మీరు లోపలికి వెళ్లి హడావిడి చేయండి</p>
<p>రామ్మూర్తి, మంగళ లోపలికి వెళ్తారు. మంగళ హాల్లో నిలబడి మనోహరి రూం వైపు చూస్తుంది.</p>
<p><strong>రామ్మూర్తి:</strong> ఏంటో అక్కడకు చూస్తున్నావు.. పద అమ్మాయి దగ్గరకు</p>
<p><strong>మంగళ:</strong> మీరు వెళ్లండి నాకు కొంచెం పనుంది</p>
<p><strong>రామ్మూర్తి:</strong> ఏంటే ఆ మనోహరితో ముచ్చట పెట్టుకోవాలా..? దుష్టులకు దూరంగా ఉండమని ఎన్ని సార్లు చెప్పాను</p>
<p><strong>మంగళ:</strong> నాకు మనోహరిని కలవడం తప్పా వేరే పని ఉండదా..? ఎప్పుడూ అదే అనుమానం</p>
<p><strong>రామ్మూర్తి:</strong> చూడు శుభమాని ఊరెలుతున్నాం. ఏదైనా తేడా జరిగిందో చంపేస్తాను జాగ్రత్త</p>
<p>అని చెప్పి రామ్మూర్తి, భాగీ దగ్గరకు వెళ్తాడు. భాగీ బట్టలు సర్దుతుంది.</p>
<p><strong>రామ్మూర్తి:</strong> అమ్మా భాగీ..</p>
<p><strong>భాగీ:</strong> నాన్న వచ్చేశారా పిన్ని ఎక్కడ</p>
<p><strong>రామ్మూర్తి:</strong> కింద ఉందమ్మా.. అమ్మా ఈ టైంలో నువ్వు ఈ పనులు చేస్తున్నావా..? నువ్వు కూర్చో నేను చేస్తాను</p>
<p><strong>భాగీ:</strong> నాన్న ఈ పనులన్నీ మీకు ఎందుకు</p>
<p><strong>రామ్మూర్తి:</strong> తప్పేం ఉందమ్మా.. ఎప్పుడెప్పుడు ఊరు వెళ్దామా…? ఎప్పుడెప్పుడు ఊర్లో వాళ్లందరినీ పలకరిద్దామా..? ఎప్పుడెప్పుడు నీ సీమంతం చేద్దామని చాలా ఆత్రుతగా ఉందమ్మా.. రాత్రంతా నాకు అసలు నిద్ర పట్టలేదు అమ్మ.. రేపు ఈ పాటికి నా కల తీరిపోతుంది అమ్మ.. నాకు చాలా సంతోసంగా ఉంది తెలుసా..?</p>
<p><strong>భాగీ:</strong> అవును నాన్న నాకు కూడా ఎన్నో రోజుల తర్వాత మన ఊరు వెళ్తున్నందుకు చాలా సంతోషంగా ఉంది</p>
<p>అని చెప్తూ అనీ సర్దుకుని అందరూ బయలుదేరుతుంటే.. అమర్‌ వచ్చి నేను వెనక వస్తాను మీరు బయలుదేరండి అని చెప్తాడు. సరే అంటూ అందరూ కార్లలో వెళ్తుంటారు. అదే దారిలో రణవీర్‌ మనుషులు భాగీని వాళ్లను చంపేందుకు రోడ్డుకు అడ్డంగా రాళ్లు పెడతారు. రాథోడ్‌ కారు ఆపి రాళ్లు చూస్తుంటాడు. రౌడీలు పక్కనే చెట్ల చాటు నుంచి చూస్తుంటారు. ఇంతలో ఇవాళ్టీ ఏపిసోడ్‌ అయిపోతుంది.</p>
<p><a title="ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self">ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
1 week ago
1 
