<p><strong>Nindu Noorella Saavasam Serial Today Episode: </strong>భాగీ ఆరును గుర్తు చేసుకుని తలుచుకుంటుంది. ఆ పిలుపు యమలోకంలో ఉన్న ఆరుకు వినిపించి వెంటనే ఆరు ఎమోషనల్‌ అవుతుంది. చెల్లి ఇప్పుడే వస్తున్నాను అంటూ మంత్రం చదివినా ఆరు అక్కడే ఉంటుంది. దీంతో ఆరు యముడిని తిట్టుకుంటుంది. ఇంతలో అక్కడకు నారదుడు వస్తుంటాడు.</p>
<p><strong>ఆరు:</strong> ఈ నారదుల వారిని అడ్డుపెట్టుకుని భూలోకానిక జంప్‌ అయి భాగీ డెలివరీ అయ్యే వరకు తన పక్కనే ఉండాలి</p>
<p>నారదుడు ఆరు దగ్గరకు వస్తాడు.</p>
<p><strong>నారదుడు:</strong> ఏమిటి ఇంద్రజ నువ్వు ఇంకను ఈ నరక లోకమునే ఉంటివి.. మీ ఇంద్రపురికి వెళ్లలేదా..? నువ్వు మీ జనకుడిపై ఎప్పుడు అలిగినా కొద్ది రోజులే కదా..? ఇప్పుడు ఎందుకు ఇన్ని రోజులు అలక పాన్పు ఎక్కితివి</p>
<p><strong>ఆరు:</strong> మీరు అసలు నారదుల వారేనా..?</p>
<p><strong>నారదుడు:</strong> అదేం ప్రశ్న తల్లి</p>
<p><strong>ఆరు:</strong> నాకు తెలియక అడుగుతాను మీరు నిజంగా నారదుల వారేనా..? లేక నా లాగా మారు వేషంలో వచ్చారా..?</p>
<p><strong>నారదుడు:</strong> అనుమానంగా నువ్వు మారు వేషంలో ఉంటివా..?</p>
<p><strong>ఆరు:</strong> అవును నేను ఇంద్రజను కాదు ఇంద్రుని కూతురిని కూడా కాదు.. నా పేరు అరుంధతిని నేను మామూలు మనిషిని</p>
<p><strong>నారదుడు:</strong> అసత్యం అడకుము తల్లి.. మాతో పరాచకాలు వలదు</p>
<p><strong>ఆరు:</strong> మీతో అబద్దం చెప్పింది. పరాచికాలు ఆడింది ఆ రాజుల వారు చిత్రగుప్తుల వారు.. నేను నిజంగా మనిషినే చచ్చి పైకి వచ్చాను</p>
<p><strong>నారదుడు:</strong> అంటే నీవు చెప్పినది సత్యమేనా..? యమధర్మరాజుల వారు మాతో అసత్యం ఆడెనా..?</p>
<p><strong>ఆరు:</strong> ఎస్‌ అవును..</p>
<p><strong>నారదుడు:</strong> సమవర్తి మమ్ములనే వంచన చేసితిరా..? మరి ఇందులో ఎటువంటి సందేహం లేదు కదా..?</p>
<p><strong>ఆరు:</strong> కచ్చితంగా ఎటువంటి సందేహం లేదు..</p>
<p><strong>నారదుడు:</strong> మరి నువ్వు కూడా ఇంద్రజవు అని చెప్పితివి కదా</p>
<p><strong>ఆరు:</strong> ఆ రాజు గారు గుప్త గారు చెప్పమన్నారు.. నేను మీతో అబద్దం చెప్పాను సారీ ఇప్పుడు నిజం చెప్తున్నాను.. నేను దేవ కన్యను కాదు మానవ కాంతను</p>
<p><strong>నారదుడు:</strong> ఇది అసంభవం బాలిక ఒక మానవ కాంత ఇన్ని దినములు నరకమున ఉండుట అసాధ్యం</p>
<p><strong>ఆరు:</strong> ఎందుకు అసాధ్యం</p>
<p><strong>నారదుడు:</strong> నీవు మరణించి వచ్చిన మానవ కాంత అయినచో నీకు ఇచ్చట శిక్ష అయిన వేయవలెను.. లేనిచో మరు జన్మకు అయిన పంపవలెను ఇవి రెండు చేయలేదు అనిన ఏదో తిరకాసు ఉన్నది బాలిక అది ఏమిటో పోయి యమధర్మరాజునే అడిగెదను</p>
<p>అని నారదుడు వెళ్లిపోతాడు.. ఆరు ఆలోచనలో పడిపోతుంది. కింద మనోహరి, చంభా ఇద్దరు కలిసి రణవీర్‌ దగ్గరకు వచ్చి హెల్ఫ్ అడుగుతారు.</p>
<p><strong>రణవీర్:</strong> ఇరవై నాలుగు గంటలు మీరు ఆ ఇంట్లోనే ఉంటారు. మీ వల్ల కానిది నా వల్ల ఏమౌతుంది. మైసూర్‌ బజ్జీలో మైసూర్‌ ఎంతో మీరు వేసే ప్లాన్స్‌ అంతే.. నన్ను ఇన్వాల్వ్‌ చేయకండి</p>
<p><strong>మను:</strong> మేము ఆ ఇంట్లో ఏమీ చేయకుండా ఖాళీగా అయితే ఏం లేము.. కలకత్తాలో మీ ఇంటిని ఆస్థులను వెయిటింగ్‌ లో పెట్టి నువ్వు ఇక్కడ ఎంటీగా ఉన్నావన్న విషయం మర్చిపోకు</p>
<p><strong>రణవీర్:</strong> నా పాప నాకు దక్కితేనే కదా నా ఆస్తి నాకు దక్కేది. పాప లేకుండా నేనేం చేసేది. పాపను చూపిస్తానని ఆశ పెట్టి అబద్దం చెప్పి నీ ప్లాన్‌ కోసం నన్ను వాడుకున్నావు..</p>
<p><strong>మను:</strong> అవును భాగీ దాని బిడ్డ చస్తే నా పని నెరవేరుతుందని నీతో అలా చెప్పాను. కానీ భాగీ బతికిపోయింది. దాని బిడ్డ ఓ పది రోజుల్లో బయటికి రాబోతుంది</p>
<p><strong>రణవీర్:</strong> నీ అవసరానికి ఏమైనా చెప్తావు.. ఇక నుంచి నీ చావు నువ్వు చావు</p>
<p><strong>మను:</strong> ఆ బిడ్డ బయటకు వస్తే.. నాకే కాదు మనందరికి ప్రమాదమే</p>
<p><strong>చంభా:</strong> అవును రణవీర్‌.. ఆ బిడ్డ మనందరికి గండం తెస్తుంది</p>
<p><strong>రణవీర్:</strong> మరి ఏం చేయాలి</p>
<p>అంటూ రణవీర్‌ అడగ్గానే.. ఏం చేయాలో చంభా చెప్తుంది. కాలా ను ప్రయోగించి ఆ భాగీనికి చంపేద్దాం అని చెప్తుంది. దీంతో ముగ్గురు ప్లాన్‌ చేస్తారు. అనుకున్నట్టుగానే కాలాను అమర్‌ ఇంట్లోకి తీసుకొస్తారు. భాగీ హాల్లో కూర్చుని ఉండగా కాలా వెళ్లి కాటేయబోతుంది. ఇంతలో ఇవాళ్టీ ఏపిసోడ్‌ అయిపోతుంది.</p>
<p><a title="ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self">ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
2 weeks ago
2 
