<p><strong>Nindu Noorella Saavasam Serial Today Episode: </strong>ఆరు ఫోటో విషయంలో మనోహరి కలగజేసుకోవద్దని అమర్‌ చెప్పడంతో మనోహరి షాక్‌ అవుతుంది. అమర్‌ తనకు ఆర్డర్స్‌ వేయడం ఏంటని ఆలోచిస్తుంది. ఇంకా ఇవాళ్టీ నిండు నూరేళ్ల సావాసం సీరియల్‌ లో ఏ జరిగిందో ఇప్పుడు తెలుసుకుందాం.</p>
<p><strong>మనోహరికి వార్నింగ్‌ ఇచ్చిన అమర్‌</strong></p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p>హాల్లో కూర్చున్న అమర్‌ దగ్గరకు ఆరు ఫోటో తీసుకొచ్చి చూపిస్తుంది మనోహరి.ఈ ఫోటోలో ఉన్నది ఎవరో గుర్తు పట్టావా..? అని అడుగుతుంది. దీంతో అమర్‌ ఆ ఫోటో చూస్తుండిపోతాడు. అప్పుడే మనోహరి అనుమానంగా అమర్‌కు గతం గుర్తుకు వచ్చిందా ఏంటి చంభా అని మెల్లగా అడుగుతుంది. చంభా మాత్రం భయంగా చూస్తుంటుంది. అమర్‌ ఫోటో చూసిన ఎవరు ఈవిడ అని అడగుతాడు. దీంతో మనోహరి ఊపిరి పీల్చుకుంటుంది. హమ్మయ్య అమర్‌కు గతం గుర్తుకు రాలేదు అని మనసులో అనుకుని ఆ ఫోటో తీసుకెళ్లి స్టోర్‌ రూంలో పెడతానంటుంటే.. అమర్‌ వద్దని దేవతలా ఉన్న ఈవిడ ఫోటోను ఇక్కడే హాల్లో పెడతానని అంటాడు అమర్‌.</p>
<p>అమర్‌ మాటలకు మనోహరి షాక్‌ అవుతుంది. భాగీ, రాథోడ్‌, పిల్లలు హ్యాపీగా ఫీలవుతారు. మనోహరి మాత్రం ఆ ఫోటో ఇక్కడ ఎందుకు అమర్‌ స్టోర్‌ రూంలో పెడతానంటుంది. దీంతో అమర్‌ కోపంగా మనోహరిని తిట్టి ఫోటో హాల్లో పెడతాడు. రాథోడ్‌కు చెప్పి పూలదండ తెప్పించి ఆరు ఫోటోకు దండ వేస్తాడు. అంతా చూస్తున్న మనోహరి భయంతో వణికిపోతుంది.</p>
<p><iframe title="YouTube video player" src="https://www.youtube.com/embed/U_pYFVX6sRU?si=uyU6MTY8bVX_oAea" width="560" height="315" frameborder="0" allowfullscreen="allowfullscreen"></iframe></p>
<p><strong>మనోహరికి వార్నింగ్‌ ఇచ్చిన భాగీ </strong></p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p>అమర్‌ తనను ఫోటో విషయంలో కలగజేసుకోవద్దని చెప్పడంతో మనోహరి కోపంతో రగిలిపోతుంది. తన రూంలోకి వెళ్లి చంభాతో కోప్పడుతుంది. తననే కల్పించుకోవద్దంటాడా..? అమర్‌ అనుకుంటూ ఇరిటేట్‌గా ఫీలవుతుంటే.. అప్పుడే లోపలికి భాగీ, రాథోడ్‌ వస్తారు. చూశావా మనోహరి ఇక నీ బ్యాడ్‌ టైం స్టార్ట్‌ అయింది అంటుంది భాగీ. ఇది నీ పతనానికి ఫస్ట్‌ స్టెప్‌ మనోహరి నీ డౌన్‌ ఫాల్‌ స్టార్ట్‌ అయింది అంటూ చెప్పగానే.. మనోహరి కోపంగా ఏయ్‌ ఏం వాగుతున్నావు భాగీ.. నా పతనం ఏంటి..? అనగానే.. పతనం అంటే తెలియదా..? మనోహరి గారు .. తమరికి పోయేకాలం దాపరించింది అని అర్థం అంటాడు. రాథోడ్‌ మాటలకు మనోహరి కోపంగా తిడుతుంది. మాటలు జాగ్రత్త రాథోడ్‌.. నువ్వు ఈ మనోహరితో మాట్లాడుతున్నావని గుర్తు పెట్టుకో అనగానే.. భాగీ కోపంగా మనోహరిని తిడుతుంది. ఆయన పరిస్థితి అడ్డుగా పెట్టుకుని వాడుకోవాలనుకున్నావు.. కానీ ఆ దేవుడి ఆట వేరుగా ఉంది మనోహరి అంటూ చెప్పగానే.. బుజ్జమ్మగా పుట్టిన అరుంధతి మేడం ఇంకా తన ఆట మొదలు పెట్టలేదు.. అదే జరిగితే కొంత మందిని మెడ పట్టి బయటక గెంటేయడం ఖాయమని రాథోడ్‌ అంటే.. నన్నెందుకు గెంటేస్తుంది. నేనేం తప్పు చేశాననని అంటూ మనోహరి అడుగుతుంది. దీంతో భాగీ గుమ్మడి కాయల దొంగ అంటే భుజాలు తడుముకుంటావేంటి మనోహరి. రాథోడ్‌ నిన్ను గెంటేస్తామని అనలేదు కదా..? అంటుంది. ఇక రాథోడ్‌ స్టోర్‌ రూంలో ఉన్న అరుంధతి మేడం ఫోటోను సార్‌ హాల్లోకి తీసుకొచ్చారు. హాల్లో ఫోటోలో ఉన్న అరుంధతి మేడం బయటకు వస్తే ఉంటుంది దబిడిదిబిడే..అనగానే.. ఇక నువ్వు రోజులు లెక్కపెట్టుకో మనోహరి అంటూ భాగీ వార్నింగ్‌ ఇచ్చి ఇద్దరూ అక్కడి నుంచి వెళ్లిపోతారు.</p>
<p><strong>చంభాను తిట్టిన మనోహరి</strong></p>
<p>వాళ్లు వెళ్లిపోయాక మనోహరి వెటకారంగా నవ్వుతూ అదేంటి చంభా నాకే వార్నింగ్‌ ఇస్తుంది. అసలు నా గురించి వాళ్లు ఏం అనుకుంటున్నారు అంటే చంభా మాత్రం ఈరోజు నీ టైం అసలు బాగాలేదు మనోహరి. పొద్దున్నే లేచి ఎవరి ముఖం చూశావో ఏంటో అనగానే మనోహరి కోపంగా చంభా ముఖం చూస్తుంటుంది. ఉదయం కాఫీ తీసుకొచ్చి నన్ను నిద్ర లేపింది నువ్వే పొద్దున్నే నేను చూసింది నీ దరిద్రపు ముఖాన్నే అంటుంది మనోహరి.. దీంతో చంభా షాక్‌ అవుతుంది. ఇంతలో ఇవాళ్టీ ఏపిసోడ్‌ అయిపోతుంది.</p>
<p><a title="ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self">ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
1 week ago
2 
