<p><strong>Nindu Manasulu Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 2న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>అతన్నే పెళ్లి చేసుకుంటా..</strong></p>
<p>ఐశ్వర్య నువ్వు మొండిగా ఆలోచిస్తున్నావ్ నీకు ప్రేమ గురించి తెలీదు అని రాజశేఖరం చెప్తే నా ప్రేమ గురించి మీకు తెలీదు నాన్న.. వదిలేయండి.. నా మనసు మార్చాలని చూడొద్దు అని ఐషూ అంటే ఇందిర కూతుర్ని కొడుతుంది. మన కళ్ల ముందే ఇది ఇలా ప్రవర్తిస్తుందని ఇందిర అంటే.. నువ్వు నన్ను కొట్టినా చంపినా నా సమాధానం మారదు.. నేను రంజిత్ గారిని ప్రేమిస్తున్నా ఆయన్నే పెళ్లి చేసుకుంటా అని అంటుంది. ఆయన చేసిన సాయానికి మనం రుణపడాలి కానీ ఇలా ప్రేమించడం ఏంటే అని ఇందిర అంటే అంత గొప్ప మనిషిని ప్రేమిస్తే ఇలా అంటావేంటి అని ఐషూ అంటుంది. చెప్తే అర్థం చేసుకునే స్థితి దాటిపోయావ్ ఎందుకు ఇలా చేశావే అని ఇందిర అడుగుతుంది. మనసులో ఒకరు ఉంటే వేరే వాళ్లని పెళ్లి చేసుకోలేను అయినా అతన్ని వదిలేయడానికి ఒక్క కారణం చెప్పండి వదిలేస్తా అని ఐశ్వర్య అంటుంది. ప్రేమ ఇద్దరికి సంబంధించినది ఒక్కరు కావాలి అనుకుంటే అది ప్రేమ అవ్వదు అని ఇందిర అంటుంది.</p>
<p><strong>ప్రేరణ ఫెయిల్... </strong></p>
<p>ప్రేరణ సివిల్స్ రిజల్ట్స్‌ వస్తాయని అందరూ హాల్‌లో కూర్చొని ఉంటారు. సిద్ధూ ల్యాప్‌టాప్ చూస్తూ ఉంటాడు. ప్రేరణ పాస్ అవ్వకూడదు అని విజయానంద్, గణ మనసులో మొక్కుకుంటూ ఉంటారు. ఇక సిద్ధూ రిజల్ట్స్‌ చూసి షాక్ అయిపోయి ల్యాప్ టాప్ ప్రేరణకు ఇస్తాడు. ప్రేరణ షాక్ అయిపోతుంది. ఏమైంది అని అందరూ అడిగితే సివిల్స్ అయితే పూర్తి చేసింది కానీ ప్రేరణ ఐఏఎస్‌కి సెలక్ట్ కాలేదు తనకి వచ్చిన ర్యాంక్‌తో ఐపీఎస్‌కి సెలక్ట్ అయ్యిందని అంటాడు. అందరూ షాక్ అయిపోతారు. ఐపీఎస్‌ కూడా మంచిదే కదా అని మంజుల ధైర్యం చెప్తుంది. </p>
<p><strong>నీ పోస్ట్ తనకి వెళ్లిందా..</strong></p>
<p>ప్రేరణ ఐఏఎస్‌ అవ్వాలి అనుకుంటే ఐపీఎస్‌ అయ్యిందా.. నువ్వు కోరుకున్న ఐపీఎస్ తనకి వచ్చిందా అని విజయానంద్ అంటాడు. ప్రేరణ వల్లే సిద్ధూ కల నెరవేరలేదు అని అంటాడు. సిద్ధూ తండ్రి మీద అరుస్తాడు. నేను ఇంటర్వ్యూకి వెళ్లకపోవడానికి ప్రేరణకి ఏం సంబంధం లేదు అని అంటాడు. ప్రేరణ ఏం మాట్లాడకుండా వెళ్లిపోతుంది. తను ఒకటి కావాలి అనుకుంది అది రాకపోయినా ఇది రావడం మంచిదే కదా మీరు బాధ పడొద్దు అని మంజుల అందరికీ చెప్తుంది. మీ అన్నయ్యా సాధించలేనిది ప్రేరణ సాధించింది అని విజయ్ సాహితిని అంటే ఎప్పుడూ పక్కవాళ్లని ఏదో ఒకటి అంటారా అని సాహితి తండ్రి మీద కోప్పడి వెళ్లిపోతుంది. పిల్లల్ని బాధ పెట్టడం కరెక్ట్ కాదు అని మంజు వెళ్లిపోతుంది. <br /> <br /><strong>నమ్మకం ఉండేది.. </strong></p>
<p>నువ్వు కోరుకున్నది నేను కాలేదు అని ప్రేరణ సిద్ధూ దగ్గర ఏడుస్తుంది. నువ్వు ఐపీఎస్ అవ్వడం కూడా నాకు ఇష్టమే అని సిద్ధూ అంటాడు. అంత మందిలో ఈ అవకాశం నీకు వచ్చింది అంటే నువ్వు చేయాల్సింది ఏదో ఉందని దేవుడు నీకు ఈ అవకాశం ఇచ్చాడు.. వచ్చిన అవకాశం సద్వినియోగం చేసుకో అని సిద్ధూ ప్రేరణకు ధైర్యం చెప్తాడు. ఇక రంజిత్ దగ్గరకు రాజశేఖరం వెళ్లే ప్రేరణ గురించి మాట్లాడి గర్వంగా ఉందని రంజిత్ అంటాడు. తర్వాత ఐశ్వర్య గురించి మాట్లాడి మీరే తనని అర్థం చేసుకోకపోతే ఇంకెవరు అర్థం చేసుకుంటారు. ఇప్పుడు తను అర్థం చేసుకోకపోయినా ముందు ముందు అర్థం చేసుకుంటుంది అని రంజిత్ అంటాడు. ఇక విజయానంద్ ప్రేరణని పిలిచి ఈ రోజు నువ్వు సాధించింది గెలుపా ఓడమా అని అడుగుతాడు. దీంతో ఇవాళ్టి ఎపిసోడ్ పూర్తయిపోతుంది. <br /> <br /><a title="ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి." href="https://telugu.abplive.com" target="_self">ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</a></p>
1 month ago
4 
