<p><strong>Nindu Manasulu Serial Today Episode </strong>ప్రేరణ, సిద్ధూ కాఫీ తాగడానికి వెళ్తారు. గణతో పాటుగా తండ్రి తనకు గుర్తింపు ఇచ్చాడన్న సంతోషంతో ప్రేరణ సిద్ధూతో కలిసి కాఫీ తాగడానికి వెళ్తుంది. ఎప్పుడూ కస్సుబుస్సులాడే ప్రేరణ చాలా చాలా సంతోషంగా ఉండటం చూసి సిద్ధూ ఆశ్చర్యానికి గురవుతాడు. ప్రేరణ స్వయంగా బేరర్‌తో కాఫీ ఎలా చేయాలో చెప్పి ఇద్దరి కోసం తీసుకురమ్మని చెప్తుంది. </p>
<p>సిద్ధూ ప్రేరణలో ఇంత గొప్ప వ్యక్తితో ఇన్నాళ్లు ట్రావెల్ చేశానా గ్రేట్ మేడం మీరు అని అంటాడు. ఇంతలో కాఫీ వస్తే చాలా బాగుందని అంటాడు. మళ్లీ మళ్లీ ఇలాంటి కాఫీ దొరకదు అనుభవిస్తూ తాగు అని ప్రేరణ అంటే మొత్తం తాగేయాలా రేపటికి ఉంచుకోవాలా అని సిద్ధూ సెటైర్ వేస్తాడు. ఇంతలో ప్రేరణ బిల్ తీసుకొని రమ్మని చెప్తుంది. బిల్ 80 అనగానే ప్రేరణ షాక్ అయిపోతుంది. అంత ఎందుకు అంటే మీరు చెప్పినట్టే చేశా నీలు కూడా కలపలేదని అంటాడు. ప్రేరణ బ్యాగ్ మొత్తం వెతికితే 20 రూపాయలు మాత్రమే ఉన్నాయని సిద్ధూకి సైగ చేస్తుంది. సిద్ధూ నేను చూసుకుంటా అని పర్స్ చూస్తే సిద్ధూ దగ్గర కూడా 20 రూపాయలే ఉంటాయి. మరీ ఇంత బ్యాడ్ పొజిషన్‌లో ఉన్నానా అని సిద్ధూ అనుకుంటాడు. మా ఫ్రెండ్ వస్తున్నాడు తర్వాత రా అని బేరర్‌ని పంపేస్తాడు. </p>
<p>డబ్బులు లేనప్పుడు కాఫీ అలా చేయ్ఇలా చేయ్ అని ఆర్డర్లు ఇవ్వడం అవసరమా అని సిద్ధూ ప్రేరణని అడుగుతాడు. నార్మల్ కాఫీ తాగి ఉంటే 20, 20 సరిపోయేది.. అనవసరంగా బిల్డప్‌.. మమల్ని కాపాడే వాడే లేదా అని అనుకుంటారు. ఇంతలో వచ్చేశా అని పరాంకుశం వస్తాడు. ఎందుకు వచ్చావ్ ఇప్పుడు నీకేం కావాలి అని ప్రేరణ అడుగుతుంది. హాట్ కాఫీ తాగాలని వచ్చా వెళ్లిపోతా అని పరాంకుశం అంటే ఇద్దరూ పరాంకుశంతో బిల్ కట్టించాలని ప్లాన్ చేసి పరాంకుశం గారు అని పక్కనే కూర్చొపెట్టుకుంటాడు సిద్ధూ. </p>
<p>ప్రేరణ, సిద్ధూలను ఇద్దరూ బిస్క్‌ట్ చేసి కాఫీ ఇప్పించి పరాంకుశం కాఫీ తాగుతుంటే సిద్ధూ ప్రేరణకి కాల్ చేస్తాడు. ప్రేరణ కాల్ మాట్లాడాలి అని వెళ్లిపోతుంది. సిద్ధూబిల్ తెమ్మని చెప్పి ఫోన్ ఉందని చెప్పి వెళ్లిపోతాడు. బేరర్ వచ్చి పరాంకుశానికి బిల్ ఇవ్వమని అంటాడు. పరాంకుశం దగ్గర కూడా డబ్బులు ఉండవు.. మీ బొమ్మ వేస్తే ఎంత ఇస్తారు అని అడుగుతాడు. నేల మీద వేద్దురు గానీ అని తీసుకెళ్లి ఫ్లోర్ తుడిపిస్తారు. సిద్ధూ, ప్రేరణ నవ్వుకుంటారు.</p>
<p>ఈశ్వరి గణపై కోప్పడుతుంది. మన ముందు నిలబడటానికి పనికిరాని ఆడది నిన్ను వణికిస్తుంది. దాని ముందు డబ్బు కోసం దేహి అంటున్నావ్ అంటే దాని ధైర్యం అనుకోవాలా.. నీ చేతకాని తనం అనుకోవాలా అని అడుగుతుంది. కాస్త టైం ఇవ్వు అమ్మ దాని సంగతి చెప్తా అని గణ అంటాడు. ఇలాగే జరిగితే రాజశేఖరం పిల్లలం అని ప్రపంచానికి చెప్తుంది. దాని తల్లిని తీసుకొచ్చి నాకు సవతిని చేస్తుంది. మీ నాన్నని తన్నుకుపోతుంది. అప్పుడు నా పరిస్థితి ఏంట్రా అని అడుగుతుంది. అలాంటి రోజు ఎప్పటికీ రాదు అని గణ అరుస్తాడు. నాన్న దానికి నాన్న అని ఊహలో బతుకుతుంది. దానితో ఈ సంతకాలు పెట్టించకపోతే దాని ఊహ నిజమవుతుంది అందుకే ఈ సంతకాలు అమ్మ అని అంటాడు. దాని అస్థిత్వమే లేకుండా వాళ్లు రాజశేఖరం పిల్లలే కాదని చెప్పాలి అనుకుంటే ఆస్తి పేపర్ల మీద దాని పేరు కనిపించింది.. ఇప్పుడు దానితో సంతకం పెట్టించకపోతే ఈ ఒక్క ఆధారంతో అది మొత్తం ఆడిస్తుంది. మన తండ్రికి సక్రమ సంతానం అని నిరూపిస్తుంది అందుకే దానితో బేరం పెట్టుకుంటున్నా అని గణ అంటాడు. </p>
<p>గణ నువ్వేం చేస్తావో నాకు తెలీదు.. ఎంత ఖర్చు అయినా పర్లేదు.. వాళ్లకంటూ ఏ ఆధారం ఉండకూడదు అని ఈశ్వరి చెప్తుంది. నువ్వేం టెన్షన్ పడకు అమ్మా నేను చూసుకుంటా అని గణ చెప్తాడు. గణ మరో అమ్మాయికి కాల్ చేసి నీకు ఓ ఫొటో పంపిస్తా నువ్వు నాకు ఓ పని చేసి పెట్టాలని చెప్తాడు. ప్రేరణ సిద్ధూ కోచింగ్‌కి వెళ్తారు. విశ్వనాథం ఇద్దరి పరీక్ష పేపర్లు చూసి ఏమైంది ఇద్దరూ వీక్లీ టెస్ట్‌లో సరిగా రాయలేదు.. అని అడుగుతారు. నేను సరిగా చెప్పడం లేదా.. అని అడుగుతారు. లేదు సార్ అని ఇద్దరూ అంటారు. ప్రాబ్లమ్ ఏంటి మీ మైండ్ ఇంకా లేదు ఏమైంది అని అడుగుతారు. పర్సనల్‌గా కొన్ని ప్రాబ్లమ్స్ ఉన్నాయి సార్ అని అంటారు. అందరికీ సమస్యలు ఉంటాయి.. కానీ ఫోకస్ ముఖ్యం.. ముందు ప్రాబ్లమ్స్ పరిష్కరించుకోండి అని చెప్తారు.</p>
<p>సిద్ధూ, ప్రేరణ బయటకు వెళ్లి నా పరిస్థితి, నీ పరిస్థితి రెండూ ఒక్కటే మన ఇద్దరం డబ్బు సమస్యలో ఉన్నాం.. ఈ సమస్య పోవాలి అంటే మనకి ఏదైనా జాబ్ కావాలి అనుకుంటారు. అసలు మనకు టైమే లేదు జాబ్ చేస్తే కోచింగ్‌ ఎలా అవుతుంది అని ప్రేరణ అంటే మనకు టైం కావాలి అంటే జాబ్ కాదు బిజినెస్ చేద్దాం అని సిద్ధూ అంటాడు. ఏం బిజినెస్ అని ప్రేరణ అంటే అద్భుతమైనా కాఫీ షాప్ పెట్టుకుందాం అని ప్రేరణ కాఫీ పెట్టడం గురించి చెప్తాడు. మనం కాఫీ పెట్టడం ఏంటి అది జరగదు అని ప్రేరణ అంటే సిద్ధూ ప్రేరణతో మనం స్పెషల్‌గా ఏదైనా పెడితే సక్సెస్ అవుతాం అని అంటాడు. ఐడియా ఒకే కానీ అని ప్రేరణ అంటుంది. ఇద్దరూ విశ్వనాథ్ గారికి తమ ఐడియా చెప్పాలి అనుకుంటారు. విశ్వనాథ్ దగ్గరకు వెళ్లి మేం డబ్బు సమస్యల్లో ఉన్నామని కాఫీ షాప్ ఐడియా చెప్తారు. విశ్వనాథ్ సరే అని చెప్తారు కానీ స్పెషల్‌గా ఉండేలా చూసుకోమని అంటారు. దీంతో ఇవాళ్టి ఎపిసోడ్ పూర్తయిపోతుంది. </p>
2 months ago
3 
