<p><strong>Nindu Manasulu Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 17న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. <br /> <br /><strong>రాజశేఖరం మీద నెట్టేసిన డ్రైవర్..</strong></p>
<p>సిద్ధూ డ్రైవర్‌ని నిలదీయడంతో శరత్ గారిని చంపిది ఈ రాజశేఖరమే సార్.. ఆఫీస్‌లో ఏదో ప్రాబ్లమ్ వస్తే మధ్యలో కారు ఆపి మీ నాన్నకి కత్తితో పొడిచేశాడు.. అడ్డు వచ్చిన నన్ను కొట్టాడు. ఎవరికీ అనుమానం రాకుండా అక్కడి నుంచి పారిపోయి రెండో పెళ్లి చేసుకున్నాడు. ఇప్పుడు కూడా నన్ను ఇంట్లో వాళ్లు అడిగితే విజయానంద్ గారి పేరు చెప్పమన్నాడు అని డ్రైవర్ చెప్తాడు. రాజశేఖరంతో పాటు అందరూ షాక్ అయిపోతారు. రేయ్ నేను చంపానా అని రాజశేఖరం డ్రైవర్ కాలర్ పట్టుకొని నిలదీస్తాడు. </p>
<p><strong>ఇదీ వీడి నిజస్వరూపం..</strong></p>
<p>రాజశేఖరం నిలదీస్తూ ఉంటే విజయానంద్ చూశావా మంజు ఎంత పని చేశాడో.. ఇన్ని రోజులు వీడి మీద నాకు అనుమానం మాత్రమే ఉండేది. ఇప్పుడు నిజం అని తేలింది.. ఇన్ని రోజులు వీళ్లంతా నన్ను అనుమానించారురా.. పిన్ని గారు వీడే మీ కొడుకుని చంపేశాడు. ఈ పాపాత్ముడు కన్న కూతురినే నీ మనవడు పెళ్లి చేసుకున్నాడు. మంజు నీ శరత్‌ని చంపేసింది వీడే.. వాడి మీద అనుమానం రాకుండా వాడి కూతుర్ని ఇచ్చి నీ కొడుకుకి పెళ్లి చేశాడు. సిద్ధూ నిజం తెలిసింది కదా ఇక ఏం చేస్తావో నీ ఇష్టం.. కానీ వీడిని వీడి కుటుంబాన్ని వదలొద్దు అంటాడు. రాజశేఖరం విజయానంద్ కాలర్ పట్టుకొని నువ్వు చంపేసి నా మీద తోసేస్తావా నిన్ను చంపేస్తారా అని ఒకర్ని ఒకరు కాలర్ పట్టుకుంటారు. ప్రేరణ, గణ తమ తండ్రిని వదలమని అంటారు. </p>
<p><strong>రాజశేఖరాన్ని కాల్చేసిన సిద్ధూ..</strong></p>
<p>విజయానంద్, రాజశేఖరం గొడవ పడుతూ ఉంటే సిద్ధూ గన్ తీసుకొని వస్తాడు. సిద్ధూ రాజశేఖరం మీద గన్ గురి పెట్టి చివరి అవకాశం ఇస్తున్నా నీకు మా నాన్నని చంపింది నువ్వే అని ఒప్పుకో లేదంటే ఇక్కడే చంపేస్తా అని అంటాడు. వద్దు అని మంజుల వాళ్లంతా సిద్ధూకి చెప్తారు. ఇంతలో ప్రేరణ తండ్రి ముందుకు వచ్చి సిద్ధూ మా నాన్నని చంపాలి అంటే ముందు నన్ను చంపాలి.. నువ్వు నిజాన్ని తప్పుగా అర్థం చేసుకున్నావ్.. ఈ విజయానందే మీ నాన్నని చంపాడు అర్థం చేసుకో అంటుంది. అత్తయ్యా మీరు అయినా చెప్పండి అని ప్రేరణ అంటే ఏం చెప్పాలి ప్రేరణ సిద్ధూ తండ్రిని చంపిన వాడి కడుపులో నువ్వు పుట్టావ్ అని అంటుంది. సిద్ధూ ప్రేరణని నెట్టేసి రాజశేఖరాన్ని కాల్చేస్తాడు. అందరూ బిత్తరపోతారు. సిద్ధూ గన్ కాల్చినట్లు ఉంటుంది కానీ తన గన్‌ నుంచి బులెట్ రాలేడు అన్నట్లు అనుమానంగా ఎవరైనా ఉన్నారా అన్నట్లు సిద్ధూ మొత్తం చూస్తాడు. ప్రేరణ, గణ, ఇందిర ఏడుస్తూ కుప్పుకూలిపోయిన రాజశేఖరం దగ్గరకు వెళ్తారు. గణ వెంటనే అంబులెన్స్‌కి కాల్ చేసి రాజశేఖరాన్ని హాస్పిటల్‌కి తీసుకెళ్తారు. <br /> <br /><strong>తిండి పెట్టి కాల్చేశాడు..</strong></p>
<p>ఐశ్వర్య, రంజిత్ అక్కడికి వచ్చి ఏమైంది అంటే సిద్ధూ ఆవేశానికి ఇలా అయింది.. కడుపునిండా భోజనం పెట్టినట్లే పెట్టి కాల్చేశాడు అని ప్రేరణ అంటుంది. సిద్ధూ అలా తొందరపడే మనిషి కాదు అని రంజిత్ అంటాడు. ఇప్పుడు సిద్ధూ గురించి ఆలోచించాల్సిన అవసరం లేదు.. నాన్నే మాకు ముఖ్యం అని ప్రేరణ అంటుంది. వాళ్ల సంగతి చెప్దాం పద అక్కా అని ఐశ్వర్య అంటే వాళ్లకి సాక్ష్యాలు కావాలి ఐషూ అని ఇందిర అంటుంది. తర్వాత విజయానంద్ డ్రైవర్‌ని కలిసి డ్రైవర్‌ని పొగిడేస్తారు. ఇక రాజశేఖరం బతికితే మనకే కష్టంరా.. నీకు ఎంత ఇచ్చినా తక్కువే నువ్వు ఊహించిన దానికంటే ఎక్కువ ఇస్తా అని డబ్బు ఇస్తాడు. ఈ విజయానంద్ అంటే ఏంటో ఇప్పటికైనా తెలిసిందా రాజశేఖరం అని విజయానంద్ అనుకుంటాడు. </p>
<p><strong>సిద్ధూ అరెస్ట్.. </strong></p>
<p>గణ సిద్ధూని అరెస్ట్ చేసి జైలులో పెడతాడు. గణ సిద్ధూతో అసలు నువ్వు ఎంతపెద్ద నేరం చేశావో నీకు తెలుసా? అయినా ఒక మనిషిని చంపాలని ఎలా అనుకున్నావు? అంత కోపం ఏంటి నీకు? అని అంటే దానికి సిద్ధూ నేనే తప్పు చేయలేదు. ఎవన్నీ కాల్చలేదు అని అంటాడు. మరి మేము చూసిందంతా ఏంటి? నువ్వు ఆవేశపడతావని నాకు తెలుసు. కానీ మనుషుల్ని చంపేంత ఆవేశం ఉందని నాకు తెలియదు అని గణ అంటే గణా నేను హండ్రెడ్ పర్సెంట్ మీ నాన్నను చంపాలనుకోలేదు. కేవలం నిలదీయాలి అనుకున్నా అంతే దాన్ని మీరు తప్పుగా అర్థం చేసుకుంటున్నారు నేను కాల్చేలేదు అని సిద్ధూ అంటాడు. ఆ సమయంలో అక్కడ నేను కూడా ఉన్నాను. నా సాక్ష్యం చెల్లుతుందో లేదో పక్కన పెట్టు. నువ్వు మాత్రం ఈ కేసు నుంచి బయటికి రావడం అసాధ్యం. అక్కడ మా నాన్న ప్రాణాలతో కొట్టుమిట్టాడుతున్నాడు. ఆయనకి ఏమైనా అయితే మాత్రం నేను నిన్ను వదలను. </p>
<p><strong>మీరే చెప్పండి.. చూశారు కదా.. </strong></p>
<p>మంజుల ఏడుస్తూ సిద్ధూ కోసం వస్తుంది. ఏంటి నాన్నా ఇది? నిన్ను అరెస్ట్ చేయడమేంటి? అని మంజు అంటే నేను ఎంత చెప్పినా ఈ గణ వినిపించకోట్లేదమ్మా. నేను గన్తో కాల్చానని అనుకుంటున్నాడు. అని సిద్ధూ అంటాడు. దానికి మంజు గణ సిద్ధూ చెప్తున్నాడు కదా రాజశేఖరాన్ని షూట్ చేయలేదని అయినా ఎందుకు అరెస్ట్ చేశారు? అని అడుగుతుంది. దానికి గణ మేడమ్ ఇలా అంటున్నానని ఏం అనుకోకండి. ఇదంతా నా కళ్లముందే జరిగింది. నేను అక్కడే ఉన్నాను.. మీరు అక్కడే ఉన్నారు. ఈరోజు సిద్ధూ చేసినది మాత్రం చాలా పెద్ద తప్పు. మీరే నిజం చెప్పండి గన్ ఎవరి చేతిలో ఉంది? సిద్ధూ చేతిలో ఉంది. కాల్చాల్సిన అవసరం ఎవరికుంది? సిద్ధూకే ఉంది. అక్కడ ఆవేశపడింది ఎవరు? సిద్ధూనే. రాజశేఖరమనే వ్యక్తిని ఇంటికి పిలిచింది ఎవరు? అది కూడా సిద్ధూనే. మరి కాల్చింది ఎవరు? అని అడుగుతాడు. మంజు ఏడుస్తూ సైలెంట్ అయిపోతుంది. సిద్ధూ తప్పు చేస్తే ఒప్పుకుంటాడు.. తను ఆవేశపరుడే కానీ ఒక మనిషిని చంపేంత చెడ్డవాడు కాదు అని మంజు అంటుంది. విజయానంద్ వచ్చి సిద్ధూని అరెస్ట్ చేయడం తప్పు అని అంటాడు. ఇక గణ వాళ్లు హాస్పిటల్కి వెళ్లి సిద్ధూని అరెస్ట్ చేశామని చెప్పడంతో ప్రేరణ వాళ్లు షాక్ అవుతారు. దీంతో ఇవాళ్టి ఎపిసోడ్ పూర్తయిపోతుంది.<br /> <br /><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
1 month ago
3 
