<p><strong>Nindu Manasulu Serial Today Episode </strong>మినిస్టర్ ప్రేరణ వాళ్ల దగ్గరకు వచ్చి మా అమ్మాయి వెనక ఈ మధ్య ఒకబ్బాయి పడుతున్నాడు.. మా అమ్మాయి కూడా ఎవరినైనా ప్రేమిస్తుందా నీకు ఏమైనా తెలుసా అని అడుగుతాడు. ప్రేరణ కుమార్‌ గురించి చెప్పాలి అనుకుంటే సిద్ధు ఆపుతాడు.</p>
<p>ప్రేరణ నిజం చెప్తా అంటే అన్ని సందర్భాల్లో నిజం పని చేయదు అని సిద్ధూ అంటాడు. నువ్వు నిజం నిజం అనుకుంటే అంకుల్ ఇంకేదో అనుకుంటాడు. కానీ నిజానికి వాడు డబ్బు కోసమో నగలు కోసమో వచ్చుంటాడు అని అంటాడు. సిద్ధూ మినిస్టర్‌ని కన్ఫ్యూజ్ చేస్తాడు. మీకు తెలిస్తే చెప్పండి లేదంటే తెలుసుకొని చెప్పండి రెండు రోజులు టైం ఇస్తున్నా.. రెండు రోజుల్లో నాకు కొత్త విషయం తెలియాలి.. అది మీరే చెప్పాలి అని అంటాడు. తప్పకుండా అంకుల్ అని కుమార్ అంటే నువ్వు నన్ను అంకుల్ అని పిలవొద్దురా నాకు నచ్చడం లేదు అని మినిస్టర్ అంటాడు. దాంతో కుమార్ సరే సార్ అని అంటాడు. ఇక మినిస్టర్ వెళ్తూ వెళ్తూ కుమార్‌తో నువ్వు ఒకసారి మంకీ క్యాప్ వేసుకొని కనిపించు అని అంటాడు. కుమార్ వణికిపోతాడు. </p>
<p>ఈశ్వరి గణతో నేను చూసింది కలా నిజమారా.. ఆ అమ్మాయి ఉన్నంత సేపు నువ్వు అన్నీ నీ చేతితో చేయడం.. నీ ముఖం వెలిగిపోవడం.. ఇంతకు ముందు ఎప్పుడూ నిన్ను ఇలా చూడలేదురా.. ఈ గాయం కూడా అమ్మాయిని కాపాడినప్పుడు జరిగిందా.. ఆ అమ్మాయికి ఇచ్చే కాఫీ కూడా నాకు ఇవ్వమన్నావ్ అది ఎందుకు అని అడుగుతుంది. దానికి గణ కాబోయే కోడలు కదా.. మొదటి సారి అత్తింటికి వచ్చింది.. అత్త చేత కాఫీ ఇప్పిస్తే గుర్తుంటుంది.. ఆ అమ్మాయిని నేను పెళ్లి చేసుకుంటానమ్మా అని అంటాడు. ఎవరు ఆ అమ్మాయి అని అడిగితే ద గ్రేట్ బిజినెస్ మెన్ విజయానంద్ కూతురు అని చెప్తాడు. అందుకే పెళ్లి చేసుకోవాలి అనుకుంటున్నా అని అంటాడు.</p>
<p>ప్రేరణ సిద్ధూ వాళ్లతో నిజం చెప్తే ఎందుకు అడ్డుకున్నారని కోప్పడుతుంది. నేను మీకు ఫ్రెండే కదా అని కుమార్ అంటే అంత ధైర్యం లేకపోయిన వాడివి నీకు ప్రేమ ఎందుకు అని అంటుంది. ఇప్పుడే మీ ప్రేమ గురించి చెప్తే ఓ పని అయిపోయేది కదా అని అంటుంది. వాడు ఇప్పుడు భయపడుతున్నాడు ఓకే కానీ వాడు ప్రేమించినప్పుడు శైలు తండ్రి మినిస్టర్ అని వాడికి తెలీదు కదా కొంచెం సెట్ అయిన తర్వాత నిజం చెప్తాడులే అని సిద్ధూ అంటాడు. ఇప్పుడు దాచేస్తున్నారు కానీ నిజం తెలిశాక ఎలా ఉంటుందో మీకు తెలీదు అని ప్రేరణ కోప్పడుతుంది. మినిస్టర్ మనల్ని నిలదీసే పరిస్థితి రాకూడదు.. ఓ ఆడపిల్ల తండ్రి బాధపడే పరిస్థితి రాకూడదు అని అంటుంది. </p>
<p>సుధాకర్, ఇందిరలు సాహితి జీవితాన్ని గణ నాశనం చేసేస్తాడని జరిగిన విషయం తలచుకొని బాధ పడతారు. ఇంతలో ప్రేరణ రాగానే ఇద్దరూ ప్రేరణతో గణ సాహితిని టార్గెట్ చేశాడు.. అమ్మాయితో అదోలా మాట్లాడటం.. గొప్పలు పోవడం.. వాడిలో చాలా దరిద్రాలు చూశామే.. అని ఇద్దరూ ప్రేరణతో మొత్తం విషయం చెప్తారు. వాడి ప్రవర్తన కరెక్ట్‌గా లేదు.. ఆ అమ్మాయి వాడిని నమ్మేస్తుంది. నువ్వు ఈ విషయం సిద్ధూ బాబుకి చెప్పు అని అంటే థ్యాంక్స్ చెప్పడానికి వచ్చింది కదా వదిలేయ్ అని ప్రేరణ అంటుంది. దాంతో ఇందిర నాకు తెలీదా.. వాడు ఆ అమ్మాయిని ఆకట్టుకోవాలని చూస్తున్నాడు..అస్సలు నాకు కరెక్ట్ అనిపించడం లేదు సిద్ధూ బాబుకి విషయం చెప్పు అనిఅంటుంది. సుధాకర్ కూడా చెప్పమని అంటాడు. </p>
<p>ప్రేరణ సిద్ధూకి కాల్ చేసి సాహితి గణ ఇంటికి వెళ్లిందని చెప్తుంది. మొత్తం విషయం చెప్తుంది. సాహితి విషయంలో వాడు ఏదో ప్లాన్ చేస్తున్నాడు.. వాడు నీచుడు అని సాహితికి తెలీక అక్కడికి వెళ్లింది.. నువ్వు సాహితికి వాడి మెంటాలిటీ గురించి మొత్తం చెప్పు అని అంటుంది. ఇప్పుడే మాట్లాడుతా అని సిద్ధూ వెళ్తాడు. </p>
<p>సిద్ధూ వాళ్లు భోజనాలు చేస్తుంటారు. ఈరోజు ఎక్కడికి వెళ్లావమ్మా అని అడుగుతాడు. ఏంటి అన్నయ్య కొత్తగా అడుగుతున్నావ్ అంటే క్లారిటీ కోసం అమ్మా అని సిద్ధూ అంటాడు. సాహితికి మనం ఫ్రీడం ఇస్తాం కదా సిద్ధూ వెళ్లని అంటే ఫ్రీడం ఒకే కానీ రాంగ్ ప్లేస్‌లోకి వెళ్లడం మంచిది కాదు కదా అని అంటాడు. దాంతో సాహితి గణ ఇంటికి వెళ్లానని చెప్తుంది. విజయానంద్ కోపంగా ఎందుకు వెళ్లావ్ నీకు అక్కడికి వెళ్లాల్సిన అవసరం ఏంటి అని అడుగుతాడు. థ్యాంక్స్ చెప్పడానికి వెళ్లాను అని సాహితి చెప్తుంది. తప్పా ఒప్పా అని కాదు నువ్వు అందరికీ జాలి చూపులు చూస్తావ్ అది మార్చుకో.. మన చుట్టూ ఉన్న వాళ్లు అంతా మంచోళ్లగా కనిపిస్తారు. అందరిలో స్వార్థం ఉంటుంది. ముఖ్యంగా గణ మంచోడు కాదు.. అని అంటాడు. అది నువ్వు చూసే దాని బట్టి ఉంటుంది అన్నయ్యా అని సాహితి అంటే సాహితి అన్నయ్య చెప్పింది నిజం అని విజయానంద్ అంటాడు. దీంతో ఇవాళ్టి ఎపిసోడ్ పూర్తయిపోతుంది. </p>
3 weeks ago
2 
