<p><strong>Nindu Manasulu Serial Today Episode </strong>ప్రేరణ, సిద్ధూ, గణ అందరూ కలిసి సాహితికి కాపాడి ఇంటికి తీసుకెళ్తారు. మంజుల కూతుర్ని పట్టుకొని ఏడుస్తుంది. నీకు ఏమైనా జరిగుంటే నేను మీ నాన్న బతికే వాళ్లం కాదు అని మంజు ఏడుస్తుంది. నేను క్షేమంగా ఇలా మీ ముందు ఉన్నాడు అంటే దానికి కారణం అన్నయ్యే అని సాహితి చెప్తుంది.</p>
<p>సాహితి తనకు క్రెడిట్ ఇవ్వలేదు అని గణ రగిలిపోతాడు. సాహితి తల్లితో అన్నయ్య సమయానికి అక్కడికి వచ్చి నన్ను, నాన్నని ప్రేరణ గారిని కాపాడాడు అని చెప్తుంది. నాకు క్రెడిట్ రాలేదు అంతా వృథానా అని గణ అనుకుంటాడు. ఇక సాహితి తల్లితో రౌడీల నుంచి మమల్ని అన్నయ్యా కాపాడిన నా ప్రాణాలు కాపాడింది మాత్రం ఈ సీఐ గారు అని చెప్తుంది. ఇది చాలు నాకు అని గణ అనుకుంటాడు. </p>
<p>సిద్ధూ గణతో మీకు కిడ్నాపర్లు డబ్బు తీసుకురమ్మని చెప్పిన ప్లేస్ వేరే కదా.. నా చెల్లిని కిడ్నాపర్లు దాచిన ప్లేస్ కూడా వేరే కదా.. మీరు సరిగ్గా ఆ టైంలోనే ఎవరో చెప్పినట్లు అక్కడికి ఎలా వచ్చారు అని గణని అడుగుతాడు. నేను పోలీస్‌ని నాకు చాలా నెట్‌వర్క్ ఉంటుంది.. అని అంటాడు. మరి అంత నెట్వర్స్‌ ఉంటే మరి నిన్న ఎందుకు కనిపెట్టలేదు అని అడుగుతాడు. దాంతో గణ డబ్బులో జీపీఎస్‌ ట్రాకర్ పెట్టాను అని అంటాడు. సిద్ధూ వల్లే ఇదంతా అయింది లేదంటే ఈ రచ్చ జరగకుండా మేం కాపాడేవాళ్లం అని గణ అంటే మిమల్ని కాపాడింది కూడా సిద్ధూనే లేదంటే మీ ప్రాణాలు కూడా పోయేవి అని ప్రేరణ అన్నని అంటుంది. </p>
<p>మంజు కొడుకుతో అసలు మిమల్ని అక్కడికి ఎవరు వెళ్లమని చెప్పారురా.. మీకు ఏమైనా అయింటే.. నాకొడుకు ప్రమాదంలో పడుంటే నా పరిస్థితి ఏంటి అని కోప్పడుతుంది. అమ్మా ప్రేరణ వల్లే సాహితిని కాపాడగలిగాం అని సిద్ధూ చెప్తాడు. తనేం చేసినా నీకు తప్పుగా అనిపించదు అని మంజు అంటుంది. ఒక వైపు మీ చెల్లి ప్రమాదంలో ఉంది.. ఇంకో వైపు మీ నాన్న ప్రమాదం వెతుక్కుంటూ వెళ్లారు.. నువ్వు వెళ్లావు నీకు ఏమైనా అయితే నేను తట్టుకోగలనా నీకేం తెలుసురా ఈ కన్నతల్లి ప్రేమ అని అంటుంది. </p>
<p>ప్రేరణ హర్ట్ అయి వెళ్లిపోతుంది. సిద్ధూ వెనకాలే వెళ్లి సారీ ప్రేరణ.. మా అమ్మ నీకు థ్యాంక్స్ చెప్తుంది అనుకున్నా.. కానీ నిన్ను ఇలా అంటుంది అనుకోలేదు.. మా ఇంట్లో వాళ్ల వల్లే నీకు ఏదో ఒకటిఅవుతుంది. ఇక నుంచి ఇలా జరగకుండా చూసుకుంటా అని అంటాడు. మీ అమ్మ స్థానంలో ఎవరు ఉన్నా ఇలాగే అంటారు. కూతురి ప్రమాదంలో ఉంటే కొడుకుకి కూడా ఏమైనా అవుతుందా అని టెన్షన్ పడింది అని అంటుంది. ఇక ఇద్దరూ నవ్వుకుంటూ వెళ్తారు. </p>
<p>గణ సుధాకర్‌తో నువ్వు ఏంటి, సిద్ధూ ప్రేరణలతో కలిసి వచ్చావ్ అని అడుగుతాడు. ఎక్కడ మొదలు పెట్టకూడదో అక్కడే మొదలు పెట్టాడు వెధవ అని తిట్టుకుంటూ సిద్ధూ వాళ్ల చెల్లి కిడ్నాప్ గురించి చెప్పాడని ఇద్దరూ కాలు చేతులు పట్టుకొని బతిమాలారు అని అందుకే సాయం చేశా అని అంటాడు. ఆ రోజు ప్రేరణ ఇళ్లు ఎక్కడ ఉందో కనిపెట్టమన్నా ఏరియా కూడా కనిపెట్టలేదు.. అలాంటి ఆఫ్ బ్రెయిన్ గాడివి నీకు ఎలా తెలిసింది అంటే కిడ్నాపర్ల ఉన్న ఏరియా సిద్ధూ కనిపెట్టాడు.. నాకు తోడు రమ్మన్నాడు అంతే అని అంటాడు. గణ గన్‌ తీసి నీకు ఏమీ తెలీదు అంటావ్ అంతే కదా అని అంటాడు. </p>
<p>ఇందిర, ఐశ్వర్యలకు ప్రేరణ జరిగింది అంతా చెప్తుంది. ఇక గణ ఏ కేసులో లేనట్లు ఈ కేసులో ఎక్కువ ఉత్సాహం చూపించాడని.. గణకి తెలియని ప్లేస్‌కి గణ ఎలా వచ్చాడు అని జరిగింది చెప్తుంది. ఇంకా నువ్వు ఇన్వెస్టిగేషన్ ఆపలేదా తల్లీ అని సుధాకర్ అంటాడు. సాయం చేయమని చెప్పి నన్ను ఇరికించేశావ్.. తృటిలో నా చావు తప్పిపోయింది. ప్రేరణ ఎవరు.. సిద్ధూ నీకు ఎలా తెలుసు అని చంపేశాడు నాకు అని చెప్తాడు. </p>
<p>సిద్ధూ కుమార్ కలిసి బీర్ తాగుతారు. సిద్ధూ కుమార్‌తో ఈ రోజు నాకు చాలా హ్యపీగా ఉంది అని అంటాడు. ఎందుకు హ్యపీగా ఉందో చెప్పరా.. నీ అయ్య కానీ అయ్య విజయానందూ చెప్పరా అని అంటాడు. రేయ్ ఇంత హ్యాపీ మూమెంట్‌లో ఆ పచ్చనోటు గురించి ఎందుకురా అని అంటాడు. నువ్వు ఎందుకు హ్యాపీగా ఉన్నావ్‌రా అని అడిగితే నేను నా చెల్లిని కాపాడుకున్నానురా అని అంటాడు. నా చెల్లిని కాపాడటానికి ప్రేరణ తీసుకున్న రిస్క్ సూపర్‌రా ప్రేరణ దేవతరా అని అంటాడు. అంత చేసిన మా అమ్మ ప్రేరణని తిట్టింది నాకు చాలా బాధేసిందిరా అని అంటాడు. ప్రేరణ లాంటి అమ్మాయి ఉండదురా ప్రేరణ గ్రేట్ అని అంటాడు. దీంతో ఇవాళ్టి ఎపిసోడ్ పూర్తయిపోతుంది. </p>
3 weeks ago
2 
