<p>Nindu Manasulu Serial Today Episode రాజశేఖరం ప్రేరణ వాళ్లని తన వాళ్లు కాదు అని చెప్పడంతో ప్రేరణ, ఇందిర, ఐశ్వర్య ఏడుస్తూ వెళ్లిపోతారు. తర్వాత సిద్ధూని కూడా గణ వెళ్లిపోమని చెప్తే కొందరితో తేల్చుకోవాల్సినవి కొన్ని ఉన్నాయని సిద్ధూ రాజశేఖరాన్ని గది లోపలికి తీసుకెళ్లి డోర్ లాక్ చేస్తాడు. బయట నుంచి గణ కంగారు పడి సిద్ధూ మానాన్నని ఏం చేస్తావ్ నిన్ను వదలనురా అని అరుస్తూ ఉంటాడు. ఈశ్వరి కూడా సిద్ధూ తన భర్తని ఏం చేస్తాడా అని కంగారు పడుతుంది. </p>
<p>రాజశేఖరం సిద్ధూతో ఎవరు బాబు నువ్వు అని అడిగితే నువ్వు అసలు మనిషివేనా.. అసలు నీది ఒక బతుకేనా.. తెలిసినా తెలియదు అని చెప్పడానికి నీకు సిగ్గు లేదా అని అడుగుతాడు. బయట నుంచి గణ అరుస్తుంటే సిద్ధూ కోపంగా మాట్లాడుతున్నా కదరా.. అని వీడికి ఇలా కాదు.. అని స్పీడ్‌గా వెళ్లి డోర్ తీస్తాడు. దాంతో గణ కింద పడిపోతాడు. ఏం చేస్తున్నావురా నువ్వు అని గణ అంటే మీ నాన్న బంధాలనే కాదు.. మేలు చేసిన వాళ్లని కూడా మర్చిపోయాడు.. అందుకే గుర్తు చేస్తున్నా అని అంటాడు. ఈయన సంగతి చెప్పే వెళ్తాను.. మధ్యలో ఎవరు వచ్చినా మర్యాదగా ఉండదు చెప్తున్నా అని.. ప్రేరణ వాళ్లు నీకు పిల్లలు కాదా.. ఆవిడ నీ భార్య కాదా.. నీకు వీళ్లు మాత్రమే గుర్తున్నారా.. వీళ్లు గుర్తున్నప్పుడు వాళ్లు ఎందుకు గుర్తు లేరు.. ఎందుకు అబద్ధం చెప్పావ్ అని అడుగుతాడు. బాబు నేను నిజం చెప్తున్నా అని రాజశేఖరం అంటే ఆ మాట అన్నందుకు ప్రేరణ నీ కాలర్ మాత్రమే పట్టుకుంది.. నాకు మాత్రం నిన్ను చంపాలి అన్నంత కోపం ఉంది.. కానీ నువ్వు ప్రేరణ తండ్రివి అన్న కారణంతో ఆగిపోతున్నా.. వాళ్లపై లేనిపోని ప్రేమలు ఆప్యాయతలు చూపించి నువ్వో గొప్పోడిలా కవరింగ్ ఇచ్చావ్.. ఇంత చేసిన వాడిని నీ కోసం వాళ్లు అంత ప్రేమగా వస్తే నీకు తెలీదు అంటావా.. అసలు ఆ మాట అనడానికి నీకు మనసు ఎలా వచ్చింది అని అడుగుతాడు. </p>
<p>బాబు నువ్వు ఎవరో తెలీదు అన్నా ఎందుకు వాళ్ల కోసం ఇంతలా చెప్తున్నావ్ అని రాజశేఖరం అంటే నేను ఎవరో తెలీదా.. ఆ రోజు యాక్సిడెంట్ అయి ప్రాణాలతో కొట్టు మిట్టాడుతుంటే నిన్ను హాస్పిటల్‌లో చేర్చి కాపాడింది నేనే అని అంటాడు. అవునా బాబు చాలా థ్యాంక్స్ అని రాజశేఖరం అంటే సుధాకర్ మనసులో వామ్మో బావ నటన మామూలుగా లేదే అని అనుకుంటాడు. మా నాన్నకి వాళ్లకి ఏం సంబంధం లేదు కదా వెళ్లు అని గణ అంటే వెళ్లండి బాబు అని అంటాడు. ప్రేరణ చూసి తను నీ మీద పెంచుకున్న ప్రేమ చూసి నువ్వు చాలా గొప్పోడివి అనుకున్నా.. కానీ నువ్వు నీ కొడుకులా కాదు కాదు కొడుకు కంటే చాలా మోసగాడివి.. ప్రేరణ నీ కోసం చాలా కష్టపడింది.. కానీ నువ్వు వీళ్లు మాత్రమే తెలుసు అని తన ఆశల్ని నాశనం చేశావ్.. నువ్వు వీడు ఒక్కటే అని నిరూపించుకున్నావ్.. ప్రేరణని బాధ పెట్టాలి అని చూడొద్దు.. కన్నతండ్రిగా నువ్వు కాదు అన్నా.. తనకి నేను అండగా ఉంటాను.. తనకి ఏ కష్టం రాకుండా నేను చూసుకుంటా.. త్వరలోనే నిజానిజాలు బయట పెట్టి తను ఎవరు అనేది నీ నోటితోనే బయట పెట్టేలా చేస్తా.. వస్తా అని సిద్ధూ చెప్పి వెళ్లిపోతాడు. </p>
<p>ప్రేరణ, ఐశ్వర్య, ఇందిర ముగ్గురు మూడు వైపుల కూర్చొని రాజశేఖరం మాటలు తలచుకొని ఏడుస్తూ ఉంటారు. ఇంతలో రంజిత్ అక్కడికి వచ్చి ఏంటి మీ నాన్నకి బాగైంది ఇక మీ కష్టాలు తీరిపోయాయి అని ఆనందంగా వెళ్లారు.. మరి ఏమైంది.. ఎందుకు అలా ఉన్నారు అని అడుగుతాడు. ఐషూ ఎందుకు ఏడుస్తున్నారు,, ఏమైంది.. ప్రేరణ ఏమైంది అని అడుగుతాడు. మీ నాన్న ఏం అన్నారు అని అడుగుతాడు. మేం ఎవరో తెలీదు అన్నారు అని ప్రేరణ ఏడుస్తుంది. రంజిత్ షాక్ అయిపోతాడు. ఏమన్నావ్ అంటే మీరు విన్నది నిజమే.. ఆయన మేం ఎవరో తెలీదు అన్నారు.. మేం పరిచయం లేని వాళ్లలా మనల్ని చూశారు.. అని ఏడుస్తుంది. </p>
<p>రాజశేఖరం గదిలో ఒక్కడే కూర్చొని ప్రేరణ వాళ్లని గుర్తు చేసుకొని వెక్కి వెక్కి ఏడుస్తాడు. నన్ను క్షమించు ఇందిర.. మీరు ఎంతో ప్రేమతో వస్తే నేను మీరు ఎవరో తెలీదు అన్నాను.. దానికి ఒక కారణం ఉంది.. ఇన్నాళ్లు నాలో చలనం లేదు కానీ.. నాకు అన్నీ వినిపించాయి.. కనిపించాయి.. గణ వాళ్లకి మీ గురించి నిజం చెప్పాలి అనుకున్నా కానీ ఎప్పుడైతే గణ ప్రేరణని చంపాలి అనుకున్నాడో అప్పుడే నేను నిజం చెప్తే వాడు మిమల్ని ఏమైనా చేస్తాడు అని భయంతో మిమల్ని చంపుకునే సాహసం చేయకుండా అబద్ధం చెప్పాను.. అలా అయినా మీరు ప్రాణాలతో ఉంటారు అనే ఆశ అని ఏడుస్తాడు. రేయ్ పెద్దోడా,, మీ నాన్న మంచోడేరా కానీ మిమల్ని కాపాడుకోవడానికి చెడ్డోడు అయిపోయాడురా.. మీరంతా నన్ను అర్థం చేసుకోండిరా.. వీలైతే నన్ను క్షమించండిరా అని అంటాడు.</p>
<p>గణ మంజుల వాళ్ల ఇంటికి వెళ్లి తన ఇంట్లో జరిగింది అంతా మంజుల, విజయానంద్‌కి మొత్తం వీడియో చూపిస్తాడు. నేను చెప్పింది అంతా అబద్ధం అని ప్రేరణ చెప్పిందే నిజం అని సిద్దూ కూడా మీకు చెప్పాడు. కదా కానీ ఇప్పుడైనా తెలిసిందే ప్రేరణ ఫేక్ అని గణ అంటాడు. రాజశేఖరం మీ నాన్న అయితే ఇప్పుడేంటి అని విజయానంద్ అంటాడు. మీకు వచ్చిన క్లారిటీ మీ అబ్బాయి రావడం లేదు.. ప్రేరణ వాళ్లు ఎలాంటి వాళ్లో మీకు చెప్పాను.. అటు మీ అబ్బాయి ఇటు మీరు నా మాట వినడం లేదు.. మీ వాడు మా నాన్నని ఎలా బెదిరించాడో చూశారు కదా.. మా నాన్నని బెదిరించడానికి మీవాడు ఎవరండీ.. నేను తలచుకుంటే మీ వాడిని లోపల వేయడం నాకు ఎంత సేపు.. మీ అబ్బాయిని మీరు ఆపకపోతే ఆ ప్రేరణ మీ అబ్బాయిని దూరం చేస్తుంది. జాగ్రత్త అని గణ చెప్పి వెళ్లిపోతాడు. </p>
<p>సిద్ధూ ప్రేరణ వాళ్ల ఇంటికి వెళ్తాడు. అనుకోనివి జరిగినప్పుడే మనం ధైర్యంగా నిలబడాలి.. వాటికి తల వంచితే మనం కన్నీళ్లకి మనమే కారణం అవుతాం. అయినా ఆయన మిమల్ని కాదు అన్నంత మాత్రానా ఆయన మీ భర్త కాకుండా పోతారా.. మీ తండ్రి కాకుండా పోతారా.. నిజం త్వరలోనే తెలుస్తుంది.. ధైర్యంగా ఉండండి.. అని ప్రేరణని పక్కకి పిలుస్తాడు. దీంతో ఇవాళ్టి ఎపిసోడ్ పూర్తయిపోతుంది.</p>
3 weeks ago
2 
