<p><strong>Nindu Manasulu Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జూన్‌ 5వ తేదీన) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<h2><strong>సాహితి ఇంకా రాకపోవడం ఏంటి..</strong></h2>
<p>సిద్ధూ వద్దని చెప్పినా సాహితిని విజయానంద్ పార్టీకి పంపిస్తాడు. ఉదయం మినిస్టర్ కొడుకుతో సాహితి పెళ్లి చూపులకు విజయానంద్, విశ్వాసంతో చెప్పి ఏర్పాట్లు చేయిస్తాడు. సాహితి గురించి విజయానంద్ అడిగితే ఇంకా ఇంటికి రాలేదు అని విశ్వాసం అంటాడు. విజయానంద్ షాక్ అయిపోతాడు. సిద్ధూ, ప్రేరణ వచ్చి సాహితి గురించి అడిగితే ఇంకా రాలేదు వచ్చేస్తుందని అంటాడు. ఏంటి రాత్రి నుంచి సాహితి ఇంటికి రాలేదా.. అని షాక్ అయి అడుగుతారు. వచ్చేస్తుందిలే అని విజయానంద్ అంటాడు. నిజానికి విజయానంద్ సాహితి ఇంకా రాలేదని చాలా టెన్షన్ పడుతూ ఉంటాడు. ఒకటి రెండు సార్లు ఫోన్ చేస్తే సాహితి ఫోన్ స్విచ్ ఆగిపోవడంతో ఇంకా టెన్షన్ పడతాడు కానీ సిద్ధూ వాళ్ల ముందు తన భయం బయట పడకుండా జాగ్రత్త పడతాడు. </p>
<p><strong>ALSO READ: <a title="ఇల్లు ఇల్లాలు పిల్లలు: ధీరజ్‌ అరెస్ట్ రామరాజు ఇంట్లో గొడవలకు కారణం అవుతుందా! ప్రేమకి పుట్టింటి వాళ్ల మీద అనుమానం వచ్చిందా!" href="https://telugu.abplive.com/entertainment/tv/illu-illalu-pillalu-serial-today-june-5th-2026-written-update-in-telugu-in-star-maa-jio-hotstar-249522" target="_self">ఇల్లు ఇల్లాలు పిల్లలు: ధీరజ్‌ అరెస్ట్ రామరాజు ఇంట్లో గొడవలకు కారణం అవుతుందా! ప్రేమకి పుట్టింటి వాళ్ల మీద అనుమానం వచ్చిందా!</a></strong></p>
<h2><strong>నీకు కొంచెం అయినా బుద్ధి ఉందా.. </strong></h2>
<p>మంజుల వచ్చి సాహితి రెడీ అయిందా అని విజయానంద్‌ని అడిగితే విజయానంద్ సాహితి గురించి చెప్పకుండా.. స్వీట్స్ లేవు అని అంటాడు. సిద్ధూ కోపంగా నీకు కొంచెం అయినా బుద్ధి ఉందా.. సాహితి రాత్రి నుంచి ఇంటికి రాలేదని మేం ఇంత టెన్షన్ పడుతుంటే అప్పుడొస్తుంది.. ఇప్పుడొస్తుందని అంటావేంటి అని సిద్ధూ అరుస్తాడు. </p>
<h2><strong>నా కూతురు నా బాధ్యత..</strong></h2>
<p>సిద్ధూ నీకు ముందే చెప్పాను నా కూతురు నా బాధ్యత.. తనని నేను పంపాను.. తను వస్తుంది.. పది నిమిషాల్లో తను ఇక్కడ ఉంటుంది. నన్ను విసిగించొద్దు అని అంటాడు. స్వీట్స్ తెస్తా అని విజయానంద్ అంటే మేం తెస్తాం అని ప్రేరణ సిద్ధూని తీసుకెళ్తుంది. అదేంటి ప్రేరణ సాహితి ఇంకా ఇంటికి రాలేదని టెన్షన్ పడుతుంటే బయటకు తీసుకొచ్చేశావ్ అని సిద్ధూ అడుగుతాడు. ఇంకా అక్కడే ఉంటే ఆయన నిన్ను ఏదో ఒకటి అని బ్యాడ్ చేయాలని చూస్తాడు.. అయిన తన కూతురి బాధ్యత తనదే అన్నాడు కదా వదిలేయ్ అని అంటుంది. </p>
<p><strong>ALSO READ: <a title="కార్తీక దీపం వంటలక్క 'ప్రేమి విశ్వనాథ్'.. ఈ కేరళ కుట్టి తెలుగు వాళ్లకు ఎలా దగ్గరైందంటే?" href="https://telugu.abplive.com/entertainment/tv/karthika-deepam-star-premi-viswanath-from-kerala-to-highest-paid-telugu-serial-actress-249257" target="_self">కార్తీక దీపం వంటలక్క 'ప్రేమి విశ్వనాథ్'.. ఈ కేరళ కుట్టి తెలుగు వాళ్లకు ఎలా దగ్గరైందంటే?</a></strong></p>
<h2><strong>పెళ్లి వాళ్లు వచ్చేశారు..</strong></h2>
<p>సాహితిని చూసుకోవడానికి మినిస్టర్ ఫ్యామిలీ ఇంటికి వస్తుంది. సాహితి ఇంకా రాలేదు అని మంజు, విజయానంద్ టెన్షన్ పడతారు. మా కోడలు ఎక్కడ త్వరగా రమ్మని చెప్పండి అని మినిస్టర్ అంటాడు. సాహితి ఇంట్లో లేదని చెప్తే ఏం అనుకుంటారో అని గుడికి వెళ్లిందని విజయానంద్ చెప్తాడు. ఇందాక నుంచి అదే చెప్తున్నారు ఎప్పుడొస్తుంది అని పెళ్లి కొడుకు తల్లి అడుగుతుంది. </p>
<h2><strong>పెళ్లి చేసుకొని వచ్చేసిన సాహితి..</strong></h2>
<p>వచ్చేస్తుందండీ అని విజయానంద్ చెప్పి గుమ్మం వైపు చూసి బిత్తరపోతాడు. అప్పుడే సాహితి గణని పెళ్లి చేసుకొని ఇంటికి వస్తుంది. సాహితి, గణలను చూసి అందరూ షాక్ అయిపోతారు. బిత్తరపోయి నిల్చొండిపోతారు. మరోవైపు సిద్ధూ, ప్రేరణలు స్వీట్స్ తీసుకొని ఇంటికి వస్తుంటారు. సాహితి వచ్చిందో లేదో అని సిద్ధూ టెన్షన్ పడతాడు. సాహితి పార్టీకి వెళ్లడం కరెక్ట్ కాదు.. దానికి ఆయన సపోర్ట్ చేయడం కరెక్ట్ కాదు.. నాకు ఏదో నిన్నటి నుంచి కీడు శంకిస్తుంది.. అని అంటాడు. ఏం జరుగుతుందని నీ బాధ సిద్ధూ ఎందుకు ఇలా మాట్లాడుతున్నావ్,, ఎక్కువ ఆలోచిస్తున్నావ్ సిద్ధూ ఏం కాదు అని ప్రేరణ అంటుంది.</p>
<h2><strong>గుడికి వెళ్లింది అన్నారు... </strong></h2>
<p>మినిస్టర్ విజయానంద్‌తో మీ కూతురు బంగారం అన్నారు.. గుడికి వెళ్లింది అన్నారు.. ఇలా పెళ్లి చేసుకొని వచ్చింది.. అని పెళ్లి వాళ్లు విజయానంద్, మంజులని చాలా తిడతారు. మీరు మంచోళ్లు అనుకున్నాం క్యారెక్టర్ లేదు అని తిడతారు. మాకు ఏం తెలీదు తప్పుగా అనుకోవద్దు.. తను కూడా పెళ్లి ఇష్టమే అంది.. అని మంజు ఏడుస్తుంది. నాకు తెలీకుండా జరిగిన ఈ పెళ్లిని నేను ఒప్పుకోను.. ఏం జరిగిందో తెలుసుకునే వరకు ఉండండి.. పెద్ద మనసు చేసుకొని అర్థం చేసుకోండి అని విజయానంద్ అంటే నువ్వేం తండ్రివి అని మినిస్టర్ తిట్టి వెళ్లిపోతాడు. సిద్ధూ, ప్రేరణలు చూసి ఏమైంది అప్పుడే వెళ్లిపోతున్నారు అని అంటే మేం మీ అంత మంచోళ్లం కాదు అని చెప్పి పెళ్లి వాళ్లు వెళ్లిపోతారు.</p>
<p><strong>ALSO READ: <a title="Nindu Manasulu Serial Today June 4th: ప్రేరణను ఇంటి నుంచి పంపడానికి విజయానంద్ వేసిన ఎత్తు ఏంటి..? సిద్ధూ ఇచ్చిన వార్నింగ్ ఏంటి..?" href="https://telugu.abplive.com/entertainment/tv/nindu-manasulu-serial-today-june-4th-2026-eepisode-written-update-in-telugu-249426" target="_self">Nindu Manasulu Serial Today June 4th: ప్రేరణను ఇంటి నుంచి పంపడానికి విజయానంద్ వేసిన ఎత్తు ఏంటి..? సిద్ధూ ఇచ్చిన వార్నింగ్ ఏంటి..?</a></strong></p>
<h2><strong>ఏంటి సాహితి ఇదీ!</strong></h2>
<p>సాహితి, గణ ఇంట్లోకి వస్తుంటే విజయానంద్ ఆపుతాడు. అప్పుడే సిద్ధూ ప్రేరణ ఇంట్లోకి వస్తారు. సిద్ధూ, ప్రేరణ సాహితి గణల్ని పెళ్లి బట్టల్లో చూసి షాక్ అయిపోతారు. సిద్ధూ చేతిలో ఉన్న స్వీట్ బాక్స్‌లు పడేస్తాడు. గణని కొట్టడానికి వెళ్తే సాహితి ఆపుతుంది. సాహితి ఏంటి ఇది.. ఈ అవతారం ఏంటి.. ఈ పెళ్లి బట్టలు ఏంటి.. ఈ దండలు ఏంటి.. నువ్వు ముందు బయటకు వెళ్లరా అని సిద్ధూ అంటాడు. దానికి సాహితి అన్నయ్యా మేం ఇష్టపడే ఈ పెళ్లి చేసుకున్నాం అని అంటుంది. రేయ్ ఏం మాయ చేశావురా అని విజయానంద్ అడుగుతాడు. అంతా నా ఇష్టప్రకారమే జరిగింది అని సాహితి అంటుంది. ఏంటే జరిగేదే ముఖం పగలగొడతా అని విజయానంద్ అరుస్తాడు. ఈ విషయం మీకు చెప్పడానికి బయపడ్డా.. చెప్తే ఒప్పుకుంటారా లేదా అని భయపడ్డా అని అంటుంది. మంజుల ఏడుస్తూ ఏంటి సాహితి ఇలా చేశావ్.. నువ్వు ఇలా చేస్తావని ఊహించలేదు.. ఎందుకమ్మా ఇలాంటి పని చేశావ్.. నువ్వు ఒప్పకుంటే కదా పెళ్లి చూపులు ఏర్పాటు చేసింది.. ఎందుకు ఇలా మోసం చేశావ్.. నిన్ను నమ్మే కదా మీ నాన్న బయటకు పంపింది అని ఏడుస్తుంది. </p>
<h2><strong>తప్పంతా ఈయనదే..</strong></h2>
<p>అసలు తప్పంతా ఈయనదే.. సాహితిని బయటకు పంపొద్దు అని చెప్పినా వినకుండా పంపాడు అని సిద్ధూ అరుస్తాడు. సిద్ధూ నువ్వు మాట్లాడాల్సింది.. ఒంటరిగా సాహితిని పంపడం గురించి కాదు.. అయినా నా కూతురి గురించి నేను చూసుకుంటా అని విజయానంద్ అంటే సిద్ధూ అరుస్తాడు. ప్రేరణ సిద్ధూతో నువ్వు మామయ్య గొడవ పడటం కాదు.. ఈ గణగాడు సాహితిని ఎలా పెళ్లి చేసుకున్నాడో అది తెలుసుకోకుండా.. మీలో మీరు కొట్టుకుంటున్నారు.. అని అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><strong>సాహితిని గణ పార్టీలో చూసి తన తండ్రి విజయానంద్ గురించి నిజం చెప్పి సిద్ధూకి చెప్పేస్తా అని బెదిరించి పెళ్లి చేసుకొని ఉంటాడా.. తండ్రిని కాపాడటం కోసం సాహితి ఈ పెళ్లి చేసుకుందా.. పార్టీలో సాహితిని ఏదైనా కేసులో ఇరికిస్తా అని బెదిరించి గణ పెళ్లి చేసుకొని ఉంటాడా.. గణ, విజయానంద్ ప్లాన్ చేసి ఇలా పెళ్లి జరిగేలా చేసుంటారా.. <a title="అసలు సాహితి, గణల పెళ్లికి కారణమేంటి? అసలేం జరిగింది.. ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి." href="https://telugu.abplive.com/entertainment/tv/chinni-serial-today-april-30th-episode-written-update-in-telugu-245886" target="_self">అసలు సాహితి, గణల పెళ్లికి కారణమేంటి? అసలేం జరిగింది.. ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</a></strong></p>
16 hours ago
1 
