<p><strong>Nindu Manasulu Serial Today Episode:</strong> అందమైన ప్రేమకథకు కుటుంబ బంధాలు తోడవ్వడంతో స్టార్‌మా ఛానెల్‌లో ప్రసారమవుుతన్న నిండు మనసులు సీరియల్‌ బుల్లితెర అభిమానులకు ఎంతో దగ్గరైంది. ఇవాల్టి ఏపిసోడ్‌లో సిద్ధూతో విజయానంద్ మద్యం తాగించి ఆ నెపం ప్రేరణపై నెట్టేస్తాడు. మాటఇచ్చి తప్పాడని సిద్దూను మంజుల వద్ద అపరాధిగా నిలబెట్టడతాడు.ఇదంతా చేసింది వాళ్ల మామయ్యేనని తెలుసుకున్న ప్రేరణ....ఇంతకు ఇంతకు బదులు తీర్చుకుంటానని విజయానంద్‌తో శపథం చేయడంతో ఇవాల్టి ఏపిసోడ్ రసవత్తరంగా సాగుతుంది.</p>
<p><br /><strong>అందరితో శభాష్‌ అనిపించుకున్న సిద్ధూ</strong><br /> ఆఫీసుకు తల్లిని పిలిచిన సిద్ధూ...మన కంపెనీలో పెట్టుబడులు పెట్టి నష్టపోయిన వారందరినీ చూపిస్తాడు. వీళ్లంతా మనల్ని నమ్ముకుని డబ్బులిచ్చారని చెబుతాడు. నష్టాలొస్తే ఇప్పుడు ఏం చేయమంటావని విజయానంద్ అంటాడు. మనం చేసిన తప్పునకు వాళ్లను బలిచేయడం తప్పని సిద్ధూ అంటాడు. కాబట్టి వాళ్ల డబ్బు వాళ్లకు తిరిగి ఇచ్చేయాలని అంటాడు.ఇప్పటికిప్పుడు అంత డబ్బు ఎలా సర్దుబాటు చేయగలమని అంటే...అవన్నీ నేను చూసుకుంటానని చెప్పి చెక్కులు రెడీ చేయించి తల్లితో ఇప్పిస్తాడు. నష్టమొచ్చినా డబ్బులు తిరిగి ఇచ్చిన కొడుకుని అందరూ మెచ్చుకుంటుంటే మంజుల ఎంతో సంతోషిస్తుంది.</p>
<p><iframe title="YouTube video player" src="https://www.youtube.com/embed/jsO6XBEOXsU?si=txZt7d5p7pNkM8m-" width="560" height="315" frameborder="0" allowfullscreen="allowfullscreen"></iframe></p>
<p><br /><strong>పార్టీ పేరిట నాటకం</strong><br /> కంపెనీ పేరు నిలబెట్టినందుకు అందరికీ చిన్న పార్టీ ఇస్తున్నట్లు విజయానంద్ అంటాడు. మంజులను కూడా ఉండమని చెబితే....తాను వెళ్లిపోతానంటూ వెళ్లిపోతుంది. ఇంతలో తన ఛాంబర్‌కు వెళ్లి కూర్చున్న సిద్ధూ దగ్గరకు వచ్చిన ప్రేరణ..చాలా మంచి పనిచేశావ్‌ సిద్ధూ అంటూ పొగడ్తలతో ముంచెత్తుతుంది.ఇంతలో విశ్వాసం వచ్చి పార్టీ స్టార్ట్ అవుతుందని మీరు కూడా రావాలని అంటుంది. దీంతో ప్రేరణ సిద్ధూ ఈ కంపెనీకి యజమాని అని నీలాంటి వాళ్లు వచ్చి పిలిస్తే రారాని అంటుంది.</p>
<p>ఇంతలో విజయానంద్ పరుగెత్తుకుంటూ వచ్చి నేనే పిలవాలని అనుకున్నానని....ఇంతలోవీడు వచ్చాడని చెప్పి<br />పార్టీకి రమ్మని ఆహ్వానిస్తాడు. అయినా సిద్ధూ మందుతాగనని వాళ్ల అమ్మకు ప్రమాణం చేశాడు కదా అని ప్రేరణ అంటుంది.ఇది మందుపార్టీ కాదని కేవలం జ్యూస్ అని చెబుతాడు.సరే వస్తానని చెప్పడంతో విజయానంద్‌ జ్యూస్‌లో వోడ్కా కలిపి తీసుకొచ్చి ప్రేరణ చేతికి ఇస్తాడు. అది తీసుకెళ్లి ప్రేరణ సిద్దూ ఇవ్వడం మొత్తాన్ని విజయానంద్ ఫోన్‌లో రికార్డు చేస్తాడు.అలాగే మరో రెండు, మూడు జ్యూస్‌లో తాగించి విజయానంద్ వెళ్లిపోతాడు.</p>
<p><strong>Also Read : <a title="Ram Charan : ఫ్యాన్స్ కోసం రక్తం చిందిస్తా... పెద్ది ఆడలేదు పోరాడాడు - రామ్ చరణ్ స్పీచ్ హైలెట్స్" href="https://telugu.abplive.com/entertainment/cinema/ram-charan-emotional-speech-in-peddi-pre-release-event-249186" target="_self">Ram Charan : ఫ్యాన్స్ కోసం రక్తం చిందిస్తా... పెద్ది ఆడలేదు పోరాడాడు - రామ్ చరణ్ స్పీచ్ హైలెట్స్</a></strong></p>
<p><strong>మంజుల వద్ద ఇరికించిన విజయానంద్‌</strong><br /> చీకటిపడినా సిద్ధూ ఇంటికిరాకపోవడంతో మంజుల కంగారుపడుతుంది.ఇంత రాత్రి అయినా రాకపోవడం ఏంటని అంటుంది.ఇంతలో విజయానంద్‌ విశ్వాసాన్నిఅడుగుతాడు. సిద్ధూగారు ఎప్పుడో ఆఫీసు నుంచి వెళ్లిపోయారని చెబుతాడు.మరి ఇప్పటి వరకు ఏమైనట్లు అని మంజుల,ప్రేరణ కంగారుపడుతుండగా...ఆఫీసు స్టాప్‌ తూలుతూ పడిపోతున్న సిద్ధూను ఇంటికి తీసుకొస్తారు.వెంటనే విజయానంద్ కల్పించుకుని అదేంటి...సిద్ధూ అలా తాగిన వాడిలా తూలుతున్నాడేంటని అంటాడు. అయినా మందుతాగనని నీమీద ఒట్టు వేశాడు కదా మళ్లీ ఇలా ఎందుకు తాగాడని నాటకం ఆడతాడు. ప్రేరణ సిద్ధూను పట్టుకుని ఏమైందని అడుగుతుంది.ఇంకా ఏం కావాలి తాగి ఇంటికి వస్తే కనిపించడం లేదా అని అంటాడు. ఎక్కడో ఏదో పొరపాటు జరిగిందని సిద్ధూ ఒకసారి మాటఇస్తే తప్పడని చెబుుంది.</p>
<p><strong>ప్రేరణపై నెట్టిన తప్పు</strong><br /> సిద్ధూతో మందుతాగించింది ప్రేరణేనని విజయానంద్ అంటాడు.దీంతో ప్రేరణ మండిపడుతుంది.నేను ఆధారాలు లేకుండా మాట్లాడనని చెప్పి సెల్‌ఫోన్‌లో వీడియో తీసి మంజులకు చూపిస్తాడు. నేను ఇచ్చింది జ్యూసు అని చెప్పగా...అందులో ఏం కలిపావోనని అంటాడు. అది చూసిన మంజుల ప్రేరణను అసహ్యించుకుంటుంది.వాడితో మందు తాగించనని నాతో చెప్పి ఇద్దరూ నాటకమాడారని చెప్పి వెళ్లిపోతుంది. ఇదంతా వాళ్ల మామయ్యే చేయించాడని తెలుసుకున్న ప్రేరణ...విజయానంద్‌కు గట్టి వార్నింగ్ ఇచ్చి సిద్ధూను తీసుకుని వెళ్లిపోతుంది.</p>
3 days ago
2 
