<p><strong>Nindu Manasulu Serial Today Episode </strong>సిద్ధూకి నిద్రలో ఎక్కిళ్లు రావడంతో ప్రేరణ లేచి నీరు తాగిస్తుంది. సిద్ధూని చూసి నా వల్లే నువ్వు తాగావని నాకు తెలుసు సారీ సిద్ధూ అని అనుకుంటుంది. ఇక నీళ్లు అయిపోవడంతో తీసుకురావడానికి కిచెన్‌కి వెళ్తుంది. అక్కడ విజయానంద్ ఎవరూ చూడకుండా భోజనం చేస్తుంటాడు. ప్రేరణని చూసిన విజయానంద్‌కి కంగారులో ఎక్కిళ్లు వస్తాయి. ఆ సౌండ్‌కి ప్రేరణ మామని చూస్తుంది. వాటర్ ఇవ్వమని విజయానంద్ సైగ చేస్తాడు. </p>
<h3><span style="color: #e03e2d;"><a style="color: #e03e2d;" title="మరిన్ని ఆసక్తికరమైన వెబ్‌స్టోరీ కోసం ఈ లింక్‌పై క్లిక్ చేయండి" href="https://telugu.abplive.com/web-stories" target="_self">మరిన్ని ఆసక్తికరమైన వెబ్‌స్టోరీ కోసం ఈ లింక్‌పై క్లిక్ చేయండి</a></span></h3>
<p>ప్రేరణ నీరు తీసుకెళ్తుంది కానీ ఇవ్వదు.. దాంతో విజయానంద్ లాక్కుంటాడు.. ఏంటి చేతిలో నీరు పెట్టుకొని ఇవ్వడం లేదు నన్ను చంపేయాలి అనుకుంటున్నావా.. అని అడుగుతాడు. దానికి ఇంకా టైం ఉంది అని ప్రేరణ అంటుంది. ఏంటి అని విజయానంద్ అంటే అత్తయ్యగారు తినకుండా తినను అన్నారు.. సిద్ధూ మాటలకు ఆకలి చచ్చిపోయింది అన్నారు అని అంటుంది. ఏది ఏమైనా నా ఆకలి చావదు.. అయినా ఏ మాటకి ఆ మాటే అమ్మా నువ్వు వంటలు బాగా చేస్తావ్,. ఇక్కడ కాకపోయినా వంటలు చేసుకొని అయినా ఎక్కడైనా బతికేస్తావ్ అని అంటాడు. నేను ఈ ఇంటికి వచ్చింది వంటలు చేయడానికి కాదు నా గోల్స్ కోసం అని అంటుంది. అబ్బో సివిల్స్ చేస్తా అది ఇదీ అన్నావ్ ఏమైంది అంటాడు. సిద్ధూని ఈ ఇంటికి తీసుకొచ్చావ్ వాడు నిన్ను భార్యగా ఒప్పుకుంటాడు అనుకున్నావా అది ఎప్పటికీ జరగదు అని విజయానంద్ అంటే ఒప్పుకోవడం కాదు ఒప్పుకున్నాడు.. కానీ పైకి చెప్పడం లేదు.. అని ప్రేరణ అంటుంది. విజయానంద్ ఎంత మాట్లాడినా ప్రేరణ సైలెంట్‌గా ఉండటం చూసి ఏమైంది ఏం మాట్లాడటం లేదు అని విజయానంద్ అడిగితే రోగి చెప్పేది వింటే కదా రోగం ఏంటో తెలుస్తుందని ప్రేరణ అంటుంది. దానికి విజయానంద్ ఏయ్ అని అరుస్తాడు. </p>
<p><iframe title="Allu Arjun 80 crore house చిరంజీవి ఉన్న ఏరియాకు షిప్ట్ అవుతున్న అల్లు అర్జున్, బాలకృష్ణ| ABP Desam" src="https://www.youtube.com/embed/DTLCat72ABg" width="919" height="517" frameborder="0" allowfullscreen="allowfullscreen"></iframe></p>
<p>ఉదయం సిద్ధూ లేచే సరికి ఎదురుగా మందు బాటిల్స్ ఉండటం చూసి షాక్ అయి ఎవరు పెట్టారు అనుకుంటాడు. కాస్త దూరంలో ప్రేరణ నిల్చొవడం చూసి నువ్వేంటి అలా నిల్చొన్నావ్ అంటే రాత్రి తాగింది దిగలేదు అనుకుంటా ఇప్పుడు మళ్లీ తాగుతావా అని అంటుంది. ఇంట్లో ఇదేంటి ఎవరైనా చూస్తారు అని కూడా లేదా అని సిద్ధూ అంటే బయట తాగితే తప్పులేదు ఇంట్లో తాగితే తప్పా అని ప్రేరణ అడుగుతుంది. ఈ మాటలు అన్నీ ఎందుకు తాగండి అని ప్రేరణ గ్లాస్‌లో పోయబోతే సిద్ధూ వద్దు అని అంటాడు. నేను చెప్పినట్లు వింటారా అని ప్రేరణ అడిగితే అది ఈ జన్మలో జరగదు అని సిద్ధూ అంటాడు. ఇప్పుడే జరుగుతుంది అని ప్రేరణ రాత్రి తీసిన వీడియో చూపిస్తుంది. రాత్రి ఇంత జరిగిందా అని సిద్ధూ నోరెళ్ల బెడతాడు. ఈ వీడియో రిలీజ్ చేస్తా నేను చెప్పింది వినకపోతే ఇది రిలీజ్ అయిపోతుందని అంటుంది. మీ అమ్మ మీ కోసం రాత్రి అంతా తినకుండా అలాగే ఉండిపోయింది.. ఎప్పుడు వస్తావా అని చూసి చూసి ఆకలి చంపుకుంది.. ఇప్పుడు కూడా నువ్వు కిందకి ఎప్పుడు వస్తావా అని ఎదురు చూస్తుందని అంటుంది. దాంతో సిద్ధూ కిందకి వెళ్తాడు. </p>
<h3><span style="color: #e03e2d;"><a style="color: #e03e2d;" title="మరిన్ని ఆసక్తికరమైన కథనాల కోసం ఈ లింక్‌ను ఫాలో అవ్వండి " href="https://telugu.abplive.com/entertainment/tv" target="_self">మరిన్ని ఆసక్తికరమైన కథనాల కోసం ఈ లింక్‌ను ఫాలో అవ్వండి</a></span></h3>
<p>సాహితి సిద్ధూతో అన్నయ్యా దిగిందా అంటే అంతగా ఏం తాగలేదు అని సిద్ధూ అంటాడు. తాగింది దిగడానికి మజ్జిగ ఇస్తున్నా తాగడం లేదు అని ప్రేరణ అంటుంది. గదిలో మందు తాగుతావా అని అడిగి ఇప్పుడు మజ్జిక అంటుంది భలే ప్లేట్ మార్చేసింది అని సిద్ధూ అనుకుంటే ప్లేట్ కాదు గ్లాస్ మార్చేశా అని ప్రేరణ అంటుంది. సిద్ధూ నీకు ఇప్పుడు ఎలా ఉంది.. తల నొప్పి అదీ ఇదీ ఉన్నాయి తగ్గడానికి ఏం చేయాలో చెప్తా అని విజయానంద్ అంటే మీకు తాగడంతో మంచి ఎక్స్‌పీరియన్స్ ఉందని ప్రేరణ అంటుంది. నువ్వు మధ్యలోకి రావొద్దు అని ప్రేరణని అంటాడు. సిద్ధూని నువ్వు అస్సలు పట్టించుకోలేదు హాయిగా తినేసి పడుకున్నావ్ అని విజయానంద్ అంటే మరి మీరు ఎవరు సిద్ధూని ఇంటికి తీసుకురాలేకపోయారు కదా అంటుంది. వెంటనే కుమార్‌కి కాల్ చేసి రాత్రి సిద్ధూని ఎందుకు తీసుకొచ్చావ్ అంటే మీరు కదా రెండు నిమిషాల్లో సిద్ధూ ఇక్కడ ఉండాలి అన్నారు.. అంటాడు. ప్రేరణ, విజయానంద్ ఇద్దరూ ఇదంతా నీ వల్లే అంటే నీ వల్లే అని అనుకుంటారు. కాసేపు సైలెంట్‌గా ఉండండి అని సిద్ధూ అరుస్తాడు.</p>
<p>సిద్ధూ మంజుల దగ్గరకు వెళ్లి సారీ చెప్తాడు. మంజుల చేయి పట్టుకుంటే చేయి తీసేస్తుంది. మనుషులకు బాధ వచ్చినప్పుడల్లా తాగాలి అంటే ఇక్కడ ఎవరూ మంచి నీళ్లు తాగరు అని అంటుంది. ఏ తల్లీ తన కొడుకుకి ఇలాంటి పరిస్థితి రాకూడదు అని అనుకుంటుంది. మేడం మీరు బాధ పడకండి ఈ రోజు ఆయన మందుకి ముగింపు పలుకుతారు అని ప్రేరణ మంజులతో చెప్పి హారతి పళ్లెం తీసుకొని వచ్చి సిద్ధూ ముందు పెట్టి ఇప్పుడు చెప్పండి.. ఇంకెప్పుడు ఎలాంటి బాధ వచ్చినా.. కష్టం వచ్చినా మందు ముట్టను అని అగ్ని సాక్షిగా ఒట్టు వేయమని అంటుంది. ఇది నా కోసం అడగటం లేదు మీ మీద ప్రాణాలు పెట్టుకున్న వాళ్ల కోసం అడుగుతున్నా అని అంటుంది. సిద్ధూ హారతి మీద ఒట్టేసి జీవితంలో ఇంకెప్పుడూ మందు తాగను అని అంటాడు. ఇంకెప్పుడూ తాగనమ్మా ఒట్టు అని అంటాడు. దాంతో మంజు టిఫెన్ చేయడానికి ఒప్పుకుంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/health/benefits-of-eating-raisins-in-summer-know-in-telugu-245076" width="631" height="381" scrolling="no"></iframe></p>
1 month ago
6 
