<p><strong>Nindu Manasulu Serial Today Episode </strong>కుమార్ ఇందిరతో ప్రేరణ సిద్ధూ వాళ్ల ఇంటికి వెళ్లిందని చెప్తాడు. ప్రేరణ వెళ్లిందా.. మంజుల, విజయానంద్ ఒప్పుకోరు కదా.. ఒకవేళ మంజుల ఒప్పుకున్నా.. విజయానంద్ ఒప్పుకోడు కదా అని ఇందిర అంటుంది. ఆయన ఒప్పుకోకపోయినా ప్రేరణ పక్కనే సిద్ధూ ఉంటాడు కదా.. పైగా ప్రేరణ కూడా తెలివైనది.. ఏం కాదు అని అంటాడు. అవును నిజమే సిద్ధూ బాబు పక్కనే ఉంటాడు అనుకో కానీ సిద్ధూ బాబుకి కోపం ఉంది కదా అని అంటాడు. </p>
<p>సిద్ధూ కోపం వర్షం, ప్రేమ సముద్రం సిద్ధూ ప్రేమ ప్రేరణకు శ్రీరామరక్ష అని కుమార్ అంటాడు. ప్రేరణ ఇంట్లో అడుగు పెట్టి ఇళ్లంతా చూస్తే విజయానంద్ చూసి ఏంటమ్మా ఇంటికి ఎలా నిప్పు పెట్టాలా అని చూస్తున్నావా అని అంటే అదేంటి మామయ్య ఈ ఇంటిని ఎలా చల్లగా చూసుకోవాలో అని ఆలోచిస్తున్నా అని అంటుంది. ఇంక చాలు నువ్వు కోరుకున్నది చాలు మేం చూసింది చాలు.. ఈ ఇంటికి రావొద్దు అన్నాను వచ్చేశావు.. ఇబ్బంది పెట్టొద్దు అని అంటున్నాను పెట్టేశావు అంటాడు. ఇప్పుడు నేను ఏం చేశాను అండీ.. అని ప్రేరణ మీద మీదకు వెళ్తుంది. నువ్వు ఏదైనా చెప్పాలి అనుకుంటే కాస్త డిస్టెన్స్ ఇచ్చి మాట్లాడు అని అంటాడు. ఇక నుంచి మీ పనులు అన్నీ మీ భార్యగా మామయ్యగారి కోడలిగా ఈ ఇంటి ఇలవేల్పుగా నేను చూసుకుంటా అంటుంది. అవసరం లేదు అని సిద్ధూ అంటాడు. లేదండీ ఇది నా ఆశయం అని ప్రేరణ అంటుంది. </p>
<p>మంజుల మేడ మీద నుంచి చూసి వెళ్లిపోతుంది. మామయ్య గారు ఆశీర్వదించండి అని విజయానంద్ కాళ్ల మీద పడుతుంది. ఇది సామాన్యురాలు కాదు.. అని అనుకుంటాడు. మొత్తానికి నా కొడుకుని నా ఇంటికి తీసుకొచ్చావ్ దానికి నాకు సంతోషంగా ఉందని అంటాడు. మీ ఆశీస్సులు ఉంటే ఏమైనా చేసేస్తా మామయ్యగారు అని ప్రేరణ అంటుంది. ఆల్రెడీ నువ్వు చేసింది చాలమ్మా ఇంకేం చూస్తాం అంటాడు. మామయ్య గారు నా దగ్గర ఓ ప్లాన్ ఉంది అని ప్రేరణ అంటుంది. ఏంటి ఆ ప్లాన్ అని విజయానంద్ అడుగుతాడు. </p>
<p>ప్రేరణ గురించి ఐశ్వర్య, ఇందిర, రంజిత్ మాట్లాడుకుంటారు. ఫోన్ చేసి అక్కతో మాట్లాడాలి కదమ్మా అని ఐశ్వర్య అంటే నా ఫోన్ లిఫ్ట్ చేయడం లేదు అని అంటుంది. మీ అక్క నీ అత్తారింటికి వెళ్లింది అనా.. నీకు చెప్పకుండా వెళ్లింది అనా అసలు నీ ప్రాబ్లమ్ ఏంటి అని రంజిత్ అడుగుతాడు. తప్పు చేసింది సరిదిద్దుకోవడానికి వెళ్లిందని ఇందిర అంటుంది. అక్క బట్టలు అన్నీ వదిలేసింది అన్నీ తీసుకెళ్తా అని ఐశ్వర్య అంటే అవసరం ఎక్కడికి వెళ్లాలో తెలిసిన దానికి ఎలా ఉండాలో తెలుసులే అని ఇందిర అంటుంది. </p>
<p>ప్రేరణ ఇంట్లో ఉన్న సీసీ కెమెరా ముందుకు వెళ్లి హాయ్ నేను ప్రేరణ.. ఇప్పటి వరకు మీరు నాలో ఒక్క యాగింల్ మాత్రమే చూశారు.. కానీ ఇక నుంచి అప్డేటెడ్‌ ప్రేరణని చూస్తారు. స పెర్ఫామ్మెన్స్ మామూలుగా ఉండదు.. ఇక నుంచి ఇంటర్నైన్మెంట్ మామూలుగా ఉండదు.. బాలీవుడ్.. కోలీవుడ్.. ఏ వుడ్ కాదు ఒక పాన్ ఇండియా మూవీ చూపిస్తా.. అస్సలు మిస్ చేసుకోకండి అని ప్రేరణ అంటుంది. విశ్వాసం ప్రేరణతో మేడం ఇందాక ఎవరికి వార్నింగ్ అంటే ఇక నుంచి నవరసాలు పండిస్తా అందులో హాస్యం రసం కొంచెం ఎక్కువగా ఉంటుంది రెడీగా ఉండండి.. మామయ్య మా ఆయన రూం ఎక్కడ అని అడుగుతుంది. పైన మేడం అని విశ్వాసం చెప్తే మామయ్య సైడ్ ప్లీజ్ అని వెళ్తుంది. విజయానంద్ చాలా ఫ్రస్టేట్ అయి విశ్వాసాన్ని వాయించేస్తాడు. </p>
<p>ఐశ్వర్య రంజిత్‌కి కాఫీ వచ్చి మీరు ఎవరినైనా ప్రేమించారా అని అడుగుతుంది. ఎందుకు అలా అడిగావ్ నా హెయిర్, గడ్డం చూశా అని అడుగుతాడు. ప్రేమలో గాయపడిన వారే ఎదుటి వాళ్లని బాగా అర్థం చేసుకుంటారు. మరి మీరు లవ్‌లో ఫెయిల్ అయ్యే మీ డాక్టర్‌ ఫ్రొఫెషన్ వదిలేసి వచ్చేశారు అనిపిస్తుంది నిజమేనా అని అడిగితే అవును నేను తనని ఎంతగా ప్రేమించాను అంటే నాకు ఇష్టమైన వృత్తికి దూరం అయి నాకు నేనే దూరం అయి బతుకుతున్నా.. సంపద, శ్రేయస్సు, రాజసం, గొప్పతనం అన్నీ ఉన్నా కూడా ఏదీ ఆశపడని ఐశ్వర్య అని అంటాడు. నేను ఇక్కడే ఉన్నాను సార్ నా పేరు కాదు నేను అడిగేది అని అంటే తన పేరు ఐశ్వర్య అని రంజిత్ ఇన్‌ డైరెక్ట్‌గా తను ప్రేమిస్తుంది ఐశ్వర్యనే అని చెప్పి వెళ్లిపోతాడు. ఐశ్వర్య అలా చూస్తూ ఉండిపోతుంది.</p>
<p>గణకి విశ్వాసం కాల్ చేసి మీకో ముఖ్యమైన ఇన్ఫర్మేషన్ సార్ అని చెప్తాడు. ఏంటి అది అంటే ప్రతీ దానికి ఒక రేటు ఉంటుంది సార్ అంటాడు. సిద్ధూ, ప్రేరణ ఇంట్లోకి వచ్చారు సార్ ఆ ఫొటోలు వీడియోలు ఉన్నాయి అంటాడు. పంపమని గణ అంటే 1000 అడుగుతాడు. తర్వాత వీడియో పంపిస్తాడు. ప్రేరణ సీసీ కెమెరా ముందు వార్నింగ్ ఇచ్చిన వీడియో చూసి గణ, ఈశ్వరి షాక్ అయిపోతారు. రాజశేఖరం చాటుగా చూసి వావ్ సూపర్ అదిరిపోయింది. ఇక నుంచి మీ అందరికీ సినిమా అదిరిపోతుంది అని అంటాడు. అమ్మా ఒకప్పుడు నాన్నేనా అని గణ అంటాడు. కూతుర్ని చూసి మురిసిపోతున్నారు అని ఈశ్వరి అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p> </p>
4 days ago
2 
