<p>భర్త విజయ్ దేవరకొండకు జంటగా నటిస్తున్న 'రణబాలి'లో పల్లెటూరి మహిళగా పీరియాడిక్ లుక్‌లో నేషనల్ క్రష్ సర్‌ప్రైజ్ చేశారు. ఇప్పుడు నేషనల్ క్రష్ నుంచి యాక్షన్ స్టార్‌గా మారారు రష్మికా మందన్న (Rashmika Mandanna). ఆమె టైటిల్ రోల్ చేస్తున్న పీరియాడిక్ యాక్షన్ డ్రామా 'మైసా' (Mysaa). పాన్ ఇండియా రిలీజ్ టార్గెట్‌గా తెరకెక్కుతున్న చిత్రమిది. రవీంద్ర పుల్లే దర్శకుడిగా పరిచయం అవుతున్న ఈ సినిమా తెలుగు టీజర్ తాజాగా విడుదల చేశారు.</p>
<p><strong>యుద్ధాన్ని నిర్ణయించేదీ... చేసేదీ... మైసా!</strong><br />'మైసా' సినిమాను అన్ ఫార్ములా ఫిల్మ్స్ భారీ స్థాయిలో నిర్మిస్తోందని టీజర్ చూస్తే అర్థం అవుతోంది. రవీంద్ర పుల్లేతో పాటు రాజ్‌కుమార్ కందముడి స్క్రీన్‌ ప్లే అందించిన ఈ సినిమాలో రష్మిక డేర్ డెవిల్ స్టంట్స్ చూపించారు. ఆమె పాత్ర ఎంత వీరోచితంగా పోరాడుతుందనేది పరిచయం చేశారు.</p>
<p>'మైసా' చిత్రాన్ని గోండ్ గిరిజన సంస్కృతి నేపథ్యంలో తెరకెక్కించారు. ఇందులో గోండ్ యువతిగా రష్మిక కనిపించనున్నారు. టీజర్ ప్రారంభంలో 'అలసిపోయాను, ఆగిపోయాను. ఓడిపోయాను' అంటూ రష్మిక చెప్పే మాట, ఆమె భావోద్వేగం చూస్తే... జీవితంలో అంతులేని విషాదాన్ని ఎదుర్కొన్నట్టు తెలుస్తుంది. ఆ బాధ నుంచి ఆవేశం, ఆక్రోశం బయటకు వచ్చాయి. ఆది తీవ్రమైన ఆగ్రహంగా మారి... ఆయుధం చేతబట్టి తమను అణచివేతకు గురి చేసిన వ్యక్తులపై, అవినీతి అధికారులపై పోరాటానికి తెర తీస్తుంది మైసా.</p>
<p>Also Read<strong>: <a title="Nayanthara Maldives Tour Photos Latest - చెప్పులు చేత్తో పట్టుకుని... నయనతార లేటెస్ట్ ఫారిన్ ట్రిప్ ఫోటోలు చూశారా?" href="https://telugu.abplive.com/photo-gallery/entertainment/cinema-nayanthara-maldives-tour-photos-lady-superstar-walks-barefoot-by-sea-259471" target="_self">Nayanthara Maldives Tour Photos Latest - చెప్పులు చేత్తో పట్టుకుని... నయనతార లేటెస్ట్ ఫారిన్ ట్రిప్ ఫోటోలు చూశారా?</a></strong></p>
<p>గోండ్ సంస్కృతి, సమాజ శ్రేయస్సు కోసం, రక్షణ కోసం మైసా సాగించిన పోరాటమే చిత్ర ఇత్రివృత్తం అని టీజర్ బట్టి తెలుస్తోంది. ఎంత మంది జనాన్ని అయినా సరే ఎదుర్కొనే ధైర్యవంతురాలిగా రష్మికను చూపించారు. 'మీకు ఇంకా అర్థం కావడం లేదు. యుద్ధానికి ఆయుధం అంటే భయం గానీ ఆయుధం ఏ యుద్ధానికి భయపడదు' అంటూ రావు రమేష్ చెప్పే డైలాగ్, రష్మిక షీరోయిజాన్ని ఎలివేట్ చేసింది. 'షీ ఈజ్ ద బ్లడీ వెపన్. హూ డిసైడ్స్ ద వార్' (ఆమె ఓ ఆయుధం. యుద్ధాన్ని డిసైడ్ చేసే ఆయుధం) అని రావు రమేష్ చేత మరో డైలాగ్ చెప్పించారు.</p>
<p>Also Read<strong>: <a title="Salman Khan Shirtless Bigg Boss 20 - చొక్కా విప్పిన సల్మాన్... ట్రోలర్లకు కౌంటర్... కత్రినాకు సపోర్ట్" href="https://telugu.abplive.com/entertainment/cinema/salman-khan-slams-trollers-mocking-katrina-kiaf-post-pregnancy-weight-shirtless-on-bigg-boss-20-259413" target="_self">Salman Khan Shirtless Bigg Boss 20 - చొక్కా విప్పిన సల్మాన్... ట్రోలర్లకు కౌంటర్... కత్రినాకు సపోర్ట్</a></strong></p>
<p><iframe title="MYSAA Teaser (Telugu) | Rashmika | Rawindra Pulle | Jakes Bejoy | UnFormula Films" src="https://www.youtube.com/embed/VAHvEV4ndYE" width="774" height="435" frameborder="0" allowfullscreen="allowfullscreen"></iframe></p>
<p>'మైసా' టీజర్‌లో యాక్షన్ సన్నివేశాలు హైలైట్‌ అయ్యాయని చెప్పడంలో ఎటువంటి సందేహం అవసరం లేదు. దట్టమైన అడవులు, బురద నేలలు, నదీ తీరంలో, నీటిలో (అండర్ వాటర్) యాక్షన్ సీక్వెన్సులు గూస్ బంప్స్ ఇచ్చేలా ఉన్నాయి. భయం అనేది తెలియని యోధురాలిగా రష్మిక ఎటువంటి సినిమా చేశారనేది థియేటర్లలో విడుదలైనప్పుడు తెలుస్తుంది.</p>
<p>'మైసా' సినిమాలో ఈశ్వరీ రావు, రాహుల్ రవీంద్రన్, సముద్రఖని, రావు రమేష్, శివ కందుకూరి, కార్తీక్ రంజిని, తారక్ పొన్నప్ప, నిధి సింగ్ ప్రధాన తారాగణం. శ్రేయాస్ కృష్ణ ఛాయాగ్రాహకుడిగా పని చేసిన ఈ చిత్రానికి జేక్స్ బిజోయ్ సంగీత దర్శకుడు. ఈ ఏడాది (2026) నవంబర్ 27న ప్రపంచ వ్యాప్తంగా థియేటర్లలో సినిమాను విడుదల చేయనున్నారు.</p>
<p>Also Read<strong>: <a title="Manasa Sharma Gets Emotional - స్టేజిపై ఏడ్చేసిన లేడీ డైరెక్టర్... మహేష్ కోసం మానస ఎమోషనల్" href="https://telugu.abplive.com/entertainment/cinema/manasa-sharma-gets-emotional-breaks-down-on-itlu-arjun-teaser-launch-stage-for-mahesh-uppala-259407" target="_self">Manasa Sharma Gets Emotional - స్టేజిపై ఏడ్చేసిన లేడీ డైరెక్టర్... మహేష్ కోసం మానస ఎమోషనల్</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/best-movies-of-rashmika-mandanna-in-telugu-189069" width="631" height="381" scrolling="no"></iframe></p>
1 month ago
3 
