<p>Most Selling Electric Cars In India | భారత్‌లో ఎలక్ట్రిక్ వాహనాల వినియోగం పెరుగుతోంది. కేంద్ర ప్రభుత్వం సైతం గ్రీన్ ఎనర్జీ, రెన్యూవబుల్ ఎనర్జీ, పెట్రోల్, డీజిల్ ప్రత్యామ్నాయాలపై ఫోకస్ చేస్తోంది. కంపెనీలకు సైతం ఇదే విధంగా దిశా నిర్దేశం చేస్తుంది. దాంతో ఆటో కంపెనీలు సైతం ఈవీలపై ఫోకస్ చేశాయి. ఈ క్రమంలో ఎల్ట్రిక్ కార్లకు మే 2026 ఒక అద్భుతమైన నెలగా నిలిచింది. ఈ నెలలో ఏ కార్ల సంస్థ అత్యధిక సంఖ్యలో ఈవీలను విక్రయించిందో వివరాలపై ఓ లుక్కేయండి. </p>
<p>పెట్రోల్, డీజిల్ ధరల పెరుగుల సమస్యల నుంచి తప్పించుకోవడానికి ప్రజలు ఇప్పుడు ఎలక్ట్రిక్ కార్ల వైపు మొగ్గు చూపుతున్నారు. అందులోనూ మంచి రేంజ్ ఇచ్చే వాహనాలతో సేల్స్ పెరుగుతున్నాయి. మే 2026లో దేశంలో ఎలక్ట్రిక్ కార్ల అమ్మకాలు సరికొత్త రికార్డును సృష్టించాయి. మొత్తం 26 వేలకు పైగా ఎలక్ట్రిక్ కార్లను కొనుగోలు చేశారు. గత సంవత్సరంతో పోలిస్తే ఇది చాలా ఎక్కువ. చాలా కంపెనీలు తమ బెస్ట్ మంత్లీ సేల్స్‌ను నమోదు చేశాయి.</p>
<p>Also Read: <a href="https://telugu.abplive.com/auto/ola-uber-rival-vinfast-electric-cab-service-rs-8-per-kilometer-fare-249105" target="_blank" rel="noopener">Ola, Uberలకు టెన్షన్ టెన్షన్.. క్యాబ్ సేవల్ని ప్రారంభిస్తున్న VinFast.. కి.మీ.కు ఎంతంటే</a></p>
<p><strong>టాటా మోటార్స్ (Tata Motors)</strong><br />ఎలక్ట్రిక్ కార్ల అమ్మకాల విషయంలో టాటా మోటార్స్ అగ్రస్థానంలో ఉంది. ఈ కంపెనీ మే నెలలో 10 వేలకు పైగా ఎలక్ట్రిక్ కార్లను విక్రయించి సరికొత్త రికార్డు సృష్టించింది. తొలిసారి టాటా మంత్లీ ఈవీ సేల్స్ 10 వేల యూనిట్ల మార్కును దాటింది. టాటాకు చెందిన పలు ఎలక్ట్రిక్ కార్లు భారత వినియోగదారులలో నమ్మకాన్ని కలిగి ఉన్నాయి. దీని కారణంగా కంపెనీ ఈ సెగ్మెంట్‌లో నిరంతరం తన స్థానాన్ని టాటా మోటార్స్ నిలబెట్టుకుంటోంది.</p>
<p><strong>మహీంద్రా (Mahindra)</strong><br />మే నెలలో విక్రయాల్లో రెండో స్థానంలో మహీంద్రా ఉంది. ఈ కంపెనీ మే నెలలో 6 వేలకు పైగా ఎలక్ట్రిక్ వాహనాలను విక్రయించింది. మహీంద్రా కొత్త ఎలక్ట్రిక్ ఎస్‌యూవీలకు (SUV) మంచి రెస్పాన్స్ లభిస్తోంది. మోడ్రన్ ఫీచర్లు, లాంగ్ డ్రైవింగ్ రేంజ్, ఆకర్షణీయమైన డిజైన్ కారణంగా మహీంద్రా ఎలక్ట్రిక్ వాహనాలు త్వరగా పాపులర్ అవుతున్నాయి.</p>
<p><strong>Also Read: <a href="https://telugu.abplive.com/news/maruti-suzuki-to-unveil-indias-first-e100-ethanol-compatible-fronx-flex-fuel-car-on-june-4-249001" target="_blank" rel="noopener">పెట్రోల్‌ కాదు, కొత్త ఇంధనంతో దూసుకుపోనున్న Maruti Fronx.. జూన్ 4న లాంచ్!</a></strong></p>
<p><strong>ఎంజీ మోటార్ ఇండియా (MG Motor India)</strong><br />మూడో స్థానంలో JSW ఎంజీ మోటార్ ఇండియా నిలిచింది. ఈ కంపెనీ మే 2026లో సుమారు 5 వేల ఎలక్ట్రిక్ కార్లను విక్రయించింది. ఎంజీ ఎలక్ట్రిక్ కార్లను కూడా వినియోగదారులు నమ్మకంగా కొంటున్నారు. ముఖ్యంగా కంపెనీకి చెందిన 'విండ్సర్ ఈవీ' మార్కెట్‌లో మంచి పట్టు సాధించి, విక్రయాలను పెంచడంలో కీలక పాత్ర పోషించింది.</p>
<p><strong>మారుతి సుజుకి (Maruti Suzuki)</strong><br />మే నెలలో విక్రయాల్లో మారుతి సుజుకి నాలుగో స్థానంలో నిలిచింది. మారుతికి చెందిన ఎలక్ట్రిక్ ఎస్‌యూవీ 'ఈ-విటారా'కు కస్టమర్ల నుండి మంచి రెస్పాన్స్ వచ్చింది. మే నెలలో ఈ కంపెనీ 1,500 కంటే ఎక్కువ యూనిట్లు విక్రయించింది. కంపెనీ ఇది ఒక పెద్ద విజయంగా భావిస్తోంది. సుదీర్ఘకాలం పాటు ఎలక్ట్రిక్ సెగ్మెంట్‌కు దూరంగా ఉన్న తర్వాత, మారుతి కూడా ఈ మార్కెట్‌లో తన ఉనికిని చాటేందుకు ప్రయత్నిస్తోంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/in-which-gear-car-give-best-mileage-auto-tips-in-telugu-249007" width="631" height="381" scrolling="no"></iframe></p>
<p><strong>విన్‌ఫాస్ట్ (VinFast)</strong><br />మే నెలలో అత్యధిక ఎలక్ట్రిక్ కార్ల విక్రయాల్లో వియత్నాంకు చెందిన ఆటోమొబైల్ కంపెనీ విన్‌ఫాస్ట్ 5వ స్థానంలో నిలిచింది. ఈ కంపెనీ భారత మార్కెట్లో తన ఎలక్ట్రిక్ కార్లను 1,200 కంటే ఎక్కువ యూనిట్లను విక్రయించింది. భారత మార్కెట్‌కు కొత్త అయినప్పటికీ, ఈ కంపెనీ కార్లకు దేశంలో మంచి ఆదరణ లభిస్తోంది.</p>
3 days ago
2 
