<p><strong>Teja Sajja's Mirai 10 Days Box Office Collections Worldwide: </strong>యంగ్ హీరో తేజ సజ్జా లేటెస్ట్ సూపర్ అడ్వెంచర్ థ్రిల్లర్ 'మిరాయ్' బాక్సాఫీస్ వద్ద సంచలనం సృష్టించిన సంగతి తెలిసిందే. కార్తీక్ ఘట్టమనేని దర్శకత్వం వహించిన సూపర్ యోధ మూవీ ఈ నెల 12న రిలీజై 5 రోజుల్లోనే రూ.100 కోట్ల క్లబ్‌లోకి చేరింది. ఇప్పుడు తాజాగా రూ.150 కోట్ల కలెక్షన్ల దిశగా అడుగులో వేస్తోంది.</p>
<p><strong>10 రోజుల్లో రికార్డు కలెక్షన్స్</strong></p>
<p>ఇప్పటికే రూ.100 కోట్ల క్లబ్‌లోకి చేరిన 'మిరాయ్' 10 రోజుల్లో వరల్డ్ వైడ్‌గా రూ.134.40 కోట్ల గ్రాస్ వసూళ్లు సాధించింది. ఈ మేరకు మూవీ టీం ఓ స్పెషల్ పోస్టర్ రిలీజ్ చేసింది. 'సూపర్ యోధ డామినేషన్ బాక్సాఫీస్ వద్ద కంటిన్యూ అవుతోంది.' అంటూ క్యాప్షన్ ఇచ్చారు మేకర్స్. త్వరలోనే రూ.150 కోట్ల వసూళ్లకు రీచ్ కావడం ఖాయమంటూ ట్రేడ్ వర్గాలు అంచనా వేస్తున్నాయి. 3 రోజుల్లోనే రూ.80 కోట్లు, 5 రోజుల్లోనే రూ.90 కోట్ల వసూళ్లు దాటి 10 రోజుల్లో రికార్డు సృష్టించింది.</p>
<p>తక్కువ బడ్జెట్‌తో బెస్ట్ విజువల్స్, వీఎఫ్ఎక్స్ వర్క్స్‌కు పిల్లల నుంచి పెద్దల వరకూ అంతా ఫిదా అయిపోయారు. ముఖ్యంగా సూపర్ యోధ 'వేద'గా తేజా సజ్జా అదరగొట్టారు. 'మహావీర్ లామా' పాత్రలో మంచు మనోజ్ యాక్టింగ్... వేద, లామా మధ్య భారీ యాక్షన్ సీక్వెన్స్ వేరే లెవల్‌లో ఉన్నాయి. </p>
<p><strong>Also Read: <a title="'OG' ట్రైలర్ వచ్చేసింది - ఫ్యాన్స్‌కు పవన్ కల్యాణ్ పవర్ ఫుల్ మాస్ ట్రీట్... 'ఓజస్ గంభీర' వేరే లెవల్" href="https://telugu.abplive.com/entertainment/cinema/pawan-kalyan-priyanka-mohan-starrer-og-movie-tralier-out-now-watch-video-here-220975" target="_self">'OG' ట్రైలర్ వచ్చేసింది - ఫ్యాన్స్‌కు పవన్ కల్యాణ్ పవర్ ఫుల్ మాస్ ట్రీట్... 'ఓజస్ గంభీర' వేరే లెవల్</a></strong></p>
<p>ఈ మూవీలో తేజ సరసన రితికా నాయక్ హీరోయిన్‌గా నటించగా... మంచు మనోజ్ విలన్ రోల్ చేశారు. వీరితో పాటు శ్రియా, జగపతిబాబు, జయరామ్, గెటప్ శ్రీను, వెంకటేష్ మహా, కిషోర్ తిరుమల తదితరులు కీలక పాత్రలు పోషించారు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్, ఆయన కుమార్తె కృతిప్రసాద్ సంయుక్తంగా నిర్మించారు.</p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/cinema/teja-sajja-super-hit-movies-as-child-artist-before-hanuman-mirai-208632" width="631" height="381" scrolling="no"></iframe></strong></p>
2 months ago
3 
