<p><strong>Minister Seethakka Sensational Comments: </strong>సంధ్య థియేటర్ తొక్కిసలాట ఘటన తెలంగాణలో రాజకీయంగా ప్రకంపనలు సృష్టిస్తోంది. సీఎం నుంచి మంత్రుల వరకూ విమర్శలు గుప్పిస్తున్నారు. తాజాగా, మంత్రి సీతక్క (Minister Seethakka) సైతం జాతీయ అవార్డ్స్, పుష్ప 2 సినిమాపై సంచలన వ్యాఖ్యలు చేశారు. హక్కులపై ప్రేరణ కల్పించిన జై భీమ్ వంటి సినిమాలకు జాతీయ అవార్డులు రాలేదు కానీ.. స్మగ్లర్ల పాత్రలో చట్టబద్ధంగా ఉన్న పోలీస్ వ్యవస్థను కించపరిచే విధంగా స్మగ్లింగ్‌కు పాల్పడే సినిమాలకు కేంద్రం అవార్డ్స్ ఇస్తుందని ఎద్దేవా చేశారు. ములుగు జిల్లా కేంద్రంలో సోమవారం క్రిస్మస్ వేడుకల్లో పాల్గొన్న ఆమె ఘాటు వ్యాఖ్యలు చేశారు. సినిమా అనేది ఎంటర్టైన్మెంట్ కోసమే కానీ.. పోలీసులు, ప్రజలకు అవగాహన కల్పించే లాయర్లు జీరో ఎలా అవుతారనేది ప్రజలు గమనించాలన్నారు. </p>
<p><strong>'స్మగ్లర్ హీరోనా.?'</strong></p>
<p>'స్మగ్లర్ హీరో అంటే అదేం సినిమా.?, స్మగ్లింగ్ కట్టడి చేసే పోలీస్ విలన్ ఎలా అవుతాడు.?. సందేశాత్మక సినిమాలు తీస్తే ప్రజలు స్వాగతిస్తారు. 2 మర్డర్లు చేసిన నేరస్థుడు మహారాష్ట్రలో పుష్ప 2 సినిమా చూస్తూ దొరికాడు. ఇలాంటి సినిమాలు నేర ప్రవృత్తి పెంచేలా ఉన్నాయి. హీరోలు, నిర్మాతలు, డైరెక్టర్లు సమాజాన్ని ఉన్నతంగా చూపించే విధంగా ప్రయత్నం చేయాలి. సమాజాన్ని సన్మార్గంలో నడిపించే విధంగా సినిమాలు వస్తే ప్రజలు, సమాజ గౌరవాన్ని కాపాడిన వారవుతారు. మానవతా దృక్పథం ఉన్న సినిమాలు రావాలి. కేంద్ర ప్రభుత్వం అలాంటి సినిమాలకు ప్రోత్సాహం అందించాలి.' అని సీతక్క తెలిపారు.</p>
<p><strong>Also Read: <a title="Notices to Allu Arjun : అల్లు అర్జున్‌కు పోలీసుల నోటీసులు - మంగళవారం ఉదయమే హాజరు కావాలని ఆదేశాలు !" href="https://telugu.abplive.com/entertainment/chikkadapally-police-has-issued-a-notice-to-allu-arjun-191600" target="_blank" rel="noopener">Notices to Allu Arjun : అల్లు అర్జున్‌కు పోలీసుల నోటీసులు - మంగళవారం ఉదయమే హాజరు కావాలని ఆదేశాలు !</a></strong></p>
11 months ago
7 
