<p><strong>Meghasandesam</strong> <strong>Serial Today Episode:</strong> భూమిని సూర్య బెదిరించడంతో పెళ్లికి ఒప్పుకుందని కేపీ, శారదకు చెప్పగానే.. శారద ఏడుస్తుంది. అయ్యో అనవసరంగా భూమిని అపార్థం చేసుకున్నాను అంటూ బాధపడుతుంది. నిజం తెలుసుకోవడానికి గగన్, భూమి దగ్గరకు వెళ్తాడు. ఇంకా మేఘసందేశం ఇవాళ్టీ ఏపిసోడ్ లో ఏం జరిగిందో ఇప్పుడు తెలుసుకుందాం.</p>
<p><strong>భూమి పరిస్థితి శారదకు వివరించిన కేపీ </strong></p>
<p>శారదను కలిసిన కేపీ.. భూమి తన ఇష్టంలో సూర్యతో పెళ్లికి ఒప్పుకోలేదని.. సూర్య బ్లాక్‌ మెయిల్‌ చేస్తున్నాడని చెప్పగానే.. వాడు బ్లాక్‌మెయిల్‌ చేశాడని తెలిసినా కూడా ఆ శరత్ చంద్ర ఈ పెళ్లి చేయడానికి ఒప్పుకున్నాడా అని శారద అడిగితే.. సూర్య బ్లాక్‌మెయిల్‌ చేస్తున్నాడన్న విషయం భూమి చెప్పడం లేదు. పాపం భూమి తన చుట్టూ అందరూ ఉన్న తన బాధను అర్థం చేసుకునే వాళ్లే లేరు. మనం భూమిని చాలా అపార్థం చేసుకున్నాము శారద అంటాడు కేపీ.</p>
<p><strong>భూమిని కలిసి సారీ చెప్తానన్న శారద</strong></p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p>నేను కూడా భూమిని నోటికి వచ్చినట్టు తిట్టాను. అంతటితో ఆగకుండా భూమి మీద చేయి చేసుకున్నాను అయ్యో అంటూ శారద ఏడుస్తుంది. భూమిని కలిసి క్షమాపణ అడుగుతానండి అని చెప్పగానే.. ఇప్పుడు వద్దు శారద ఇలాంటి సమయంలో నువ్వు ఆ ఇంటికి రావడం మంచిది కాదు అని కేపీ చెప్పగానే.. అలా అనకండి నేను ఇప్పుడు భూమిని చూడాలి.. తన రెండు చేతులు పట్టుకుని క్షమాపణ అడగాలి అనగానే.. శారద.. మనం భూమిని అర్తం చేసుకోవడంలో ఫెయిల్‌ అయ్యాము కానీ భూమి మనల్ని అర్తం చేసుకోవడంలో ఎప్పుడు ఫెయిల్‌ కాలేదు. ఈ పెళ్లిని గగన్‌ ఎప్పటికీ జరగనివ్వడు.. భూమి ఎప్పటికీ మన కోడలే ఆ విషయంలో మనం కంగారు పడాల్సిన అవసరం లేదు అంటూ కేపీ చెప్పగానే.. కానీ తనని ఒక్కసారి కలిసి మాట్లాడాలి అని శారద అడుగుతుంది. ఇది కరెక్ట్ టైం కాదు.. సమయం చూసి కలుద్దువు ఇప్పుడు ఇంటికి వెళ్లు అంటూ కేపీ శారదను ఇంటికి పంపిస్తాడు. </p>
<p><strong>ఏడుస్తున్న భూమి – కారణం అడిగిన గగన్‌ </strong></p>
<p>ఇంట్లో ఒంటరిగా ఆలోచిస్తూ ఉన్న భూమి దగ్గరకు గగన్‌ వెళ్తాడు. మీరేంటి ఇలా వచ్చారు అని భూమి అడిగితే.. నేను చెప్తాను కానీ మీరేంటి ఇలా ఉన్నారు ఎవరైనా ఏమైనా అన్నారా..? ఆ సూర్య ఏమైనా అన్నారా..? వెళ్దాం పద నేను అడుగుతాను అంటూ గగన్‌ చెప్పగానే.. ఎవరూ ఏమీ అనలేదు ఎందుకంటే వాళ్లు చెప్పినట్టు పెళ్లికి ఒప్పుకున్నాను కదా..? అని భూమి చెబితే.. మరెందుకు నువ్వు ఏడుస్తున్నావు అని గగన్‌ అడిగితే మా బావ గుర్తొచ్చారు అని ఎమోషనల్ అవుతూ చెప్తుంది భూమి.. అందుకే కదా నేను వచ్చాను అంటూ గగన్‌ నవ్వుతుంటాడు. భూమి మాత్రం మళ్లీ పంతులు గారిని పిలిపించి ఆ అపూర్వ కొత్త ముహూర్తం పెట్టించిందని భూమి చెప్పగానే.. గగన్‌ నేను ఉన్నంత వరకు ఈ పెళ్లి జరగనివ్వను అంటాడు.</p>
<p><strong>గగన్‌ ను ఇంట్లోంచి వెళ్లిపోమ్మన్న భూమి</strong></p>
<p>మీరేం చేయలేరు ఆకాష్‌ గారు.. నేను ఏ పరిస్థితుల్లో ఈ నిర్ణయం తీసుకున్నానో గగన్‌ బావకు తెలిస్తే అర్థం చేసుకునే వారు అంటుంది భూమి.. మీరు ఎన్ని రకాలుగా ప్రయత్నించినా మా బావ స్థానాన్ని భర్తీ చేయలేరు మీరు వెళ్లండి అంటుంది భూమి. గగన్‌ మాత్రం మిమ్మల్ని ఆ సూర్య ఏం చెప్పి బెదిరిస్తున్నారో నాకు చెప్పండి సమస్యను సాల్వ్‌ చేస్తాను అనగానే.. భూమి కోపంగా ఇది నా సమస్య నేను సాల్వ్‌ చేసుకుంటాను మీరు వెళ్లండి అంటూ తిడుతుంది భూమి. మీరు నాకు హెల్ప్‌ చేయాలనుకుంటే వెంటనే మీరు ఇక్కడి నుంచి వెళ్లిపోవడమే మీరు నాకు చేసే పెద్ద హెల్ప్‌ అని భూమి చెప్పగానే.. గగన్ అక్కడి నుంచి వెళ్లిపోతాడు. ఇంతలో ఇవాళ్టీ ఏపిసోడ్‌ అయిపోతుంది.</p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p> </p>
1 month ago
3 
