<p><strong>Meghasandesam Serial Today Episode:</strong> శివ కోసం బిందు గగన్‌ ఇంటికి వెళ్తుంది. అక్కడికి వచ్చిన బిందును చూసిన శివ షాక్‌ అవుతాడు. శివ ఎలా ఉన్నావు అని పలకరిస్తుంది. ఎల వచ్చావని బిందును తన రూంలోకి తీసుకెళ్తాడు శివ. </p>
<p>శివ: ఏంటి బిందు ఇలా వచ్చావు..? ఎవ్వరూ లేని టైంలో వచ్చావు కాబట్టి సరిపోయింది. అదే ఎవరైనా ఉండి ఉంటే ఏంటి పరిస్థితి.. </p>
<p>బిందు: ఏమో శివ ఎవరు ఉన్నారు లేరు అన్నది ఆలోచించే పరిస్థితుల్లో నేను లేను.. నిన్ను చూడాలనిపించింది. వచ్చేశాను. నీకు పెళ్లి అయిపోతే మళ్లీ మనం కలుస్తామో లేదోనన్న దిగులు నన్ను క్షణం కూడా నిద్రపోనివ్వకుండా చేస్తుంది. <br />అంటూ బిందు, శివను హగ్‌ చేసుకుంటుంది. అప్పుడే బయటి నుంచి గగన్‌, భూమి ఇంటికి వస్తారు. లోపలికి వెళ్తారు. </p>
<p>భూమి: బావ ఇలా కార్డ్స్‌ పంచుతూ అందరినీ పిలవడం కష్టంగా ఉంది బావ. అదీ కాక పెళ్లికి ఎంతో టైం లేదు కదా..? </p>
<p>గగన్‌: చాలా వరకు <a title="వాట్సాప్" href="https://telugu.abplive.com/topic/whatsapp" data-type="interlinkingkeywords">వాట్సాప్</a>‌ చేశాను భూమి. మరీ ముఖ్యం అనుకున్న వాళ్ల దగ్గరికే వెళ్లి కార్డ్స్‌ ఇస్తున్నాం. ఇంకా ఎన్నో లేవులే.. అవి అయిపోతే నువ్వు ఘనంగా పెళ్లి జరిపించొచ్చులే.. కొంచెం కాఫీ ఇస్తావా..? హెడేక్‌గా ఉంది. </p>
<p>భూమి: సరే బావ నువ్వు ప్రెష్‌ అప్ అవ్వు నేను కాఫీ తీసుకొస్తాను.. <br />అని చెప్పగానే.. గగన్‌ పైకి వెళ్తుంటాడు. శివ రూంలో బిందును హగ్‌ చేసుకోవడం భూమి చూసి షాక్‌ అవుతుంది. రూంలోకి వెళ్లబోతుంటే.. గగన్‌ చూస్తాడు. అప్పుడే బిందు, శివలు కూడా భూమిని చూస్తారు. </p>
<p>గగన్‌: భూమి.. కాఫీ అడిగితే అటు వెళ్తున్నావేంటి..? </p>
<p>భూమి: ఏం లేదు బావ. గాలికి కిటికీలు కొట్టుకుంటున్నాయి. బావ నువ్వు వెళ్లు నేను కాఫీ తీసుకొస్తాను. </p>
<p>గగన్‌: త్వరగా రా భూమి నేను ఆఫీసుకు వెళ్లాలి.. </p>
<p>భూమి: రావు గారి ఇంటికి వెళ్లాలి అన్నావు కదా..? ఈ రోజు ఆఫీసుకు సెలవు పెట్టు అక్కడికి వెళ్లి వచ్చేద్దాం.. </p>
<p>గగన్‌: సరే నువ్వు త్వరగా తీసుకురా..? <br />అంటూ చెప్పి గగన్ పైకి వెళ్లిపోతాడు. భూమి కోపంగా రూంలోకి వెళ్లి శివను కొడుతుంది. </p>
<p>భూమి: ఏంట్రా నువ్వు చేస్తున్న పని.. </p>
<p>బిందు: వదినా..? </p>
<p>భూమి: బిందు నువ్వేం మాట్లాడకు. వయసులో చిన్నదానివే అయినా..నీకు దండం పెడతాను. దయచేసి పరిస్థితి అర్థం చేసుకో..</p>
<p>బిందు: మీరు మా ప్రేమను అర్తం చేసుకోండి వదిన. </p>
<p>భూమి: నేను కానీ మీ అన్నయ్య కానీ ప్రేమకు వ్యతిరేకం కాదు బిందు. ఇప్పటికిప్పుడు మీ ప్రేమ గురించి తెలిసినా మీ అన్నయ్య శివని నీకు ఇచ్చి పెళ్లి చేయడానికి వెనకాడడు. కానీ ఈ ఇంటి పరువు గురించి ఒక్కసారి ఆలోచించు బిందు. ఆ ఇంటి వలన ఈ ఇల్లు ఎన్ని అవమానాలకు గురైందో ఒక్కసారి గుర్తు చేసుకో..? మీరు ప్రేమించుకున్న సంగతి ఈ పెళ్లి ముహూర్తాలు పెట్టక ముందు చెప్పి ఉంటే.. ఈ పెళ్లి నిజంగా జరిగేది కాదు. ఇప్పుడు మీ ప్రేమ ఈ ఇంటి పరువు తీసే పరిస్థితి తీసుకొచ్చింది. దయచేసి అర్తం చేసుకోవడానికి ప్రయత్నించు బిందు. శివను మర్చిపో.. నీ తలరాతలో ఇంకెవరో రాసి ఉన్నారని సరిపెట్టుకో.. ఈ ఇంటికి ఎప్పుడూ రాకు బయలుదేరు బిందు.. </p>
<p>బిందు: అది కాదు వదిన.. </p>
<p>శివ: అక్కా… </p>
<p>భూమి: ఫస్ట్‌ నువ్వు రా.. <br />అంటూ బిందును తీసుకుని భూమి బయటకు రాగానే బయట గగన్‌ ఉంటాడు. గగన్‌ ను చూసి ముగ్గురూ షాక్‌ అవుతారు. ఇంతలో ఇవాళ్టీ ఎపిసోడ్‌ అయిపోతుంది. </p>
1 month ago
4 
