<p><strong>Meghasandesam</strong> <strong>Serial Today Episode:</strong> తారా కోపంగా చికెన్‌ తింటూ ధృవ్‌ దగ్గర గగన్‌ గురించి బాధపడుతుంది. తనకు అంతకంటే అందగాడు వద్దు.. డబ్బున్నోడు అసలే వద్దు తనకు గగనే కావాలి అంటూ బాధపడుతుంది. తన లైఫ్‌లోకి గగనే రావాలి. అన్నయ్య నేను బాధలో ఉంటే నీకు ఎలా తినాలి అనిపిస్తుంది అన్నయ్య అంటుంది.</p>
<p><strong>లక్ష్మీ:</strong> ( మనసులో అమ్మాయి గారి కోపానికి అయ్యగారి ఆకలి బలి) ఆకలేస్తుంది కదమ్మా..?</p>
<p><strong>తార:</strong> ఎలా ఆకలేస్తుంది లక్ష్మీ.. ఎలా ఆకలేస్తుంది..? కడుపులో ఇంత బాధ పెట్టుకున్నాను. నాకు ఆకలి వేస్తుందా..?</p>
<p><strong>లక్ష్మీ:</strong> ( మనసులో ఆకలి వేయకుండానే ఇంత తింటున్నారా అమ్మ. ఎవరైనా బాధలో ఉంటే తినడం మానేస్తారు. మా అమ్మగారు మాత్రం పక్కనొళ్లను పస్తు పెడుతూ ఈవిడ మాత్రం పుల్లుగా మెక్కుతారు)</p>
<p><strong>ధృవ్‌:</strong> తార అలా కాదమ్మ.. నువ్వు ఇష్టపడ్డావు అనే కదా..? వాళ్ల చెల్లి ఎలా ఉందో కూడా చూడకుండా నేను కుండమార్పిడికి ఒప్పుకున్నాను. ఇప్పుడు పెళ్లి అయిపోయిన వాడిని ఎలా పెళ్లి చేసుకుంటావు.</p>
<p><strong>తార:</strong> పెళ్లి అయిపోయింది. వాళ్లిద్దరూ సపరేట్‌ కూడా అయిపోయారు. నువ్వు అదెందుకు ఆలోచించడం లేదు. మేమిద్దరం సెపరేట్‌ అయ్యామని గగన్‌ చెప్పాడు కదా..?</p>
<p><strong>ధృవ్‌:</strong> లేదని తన వైఫ్‌ చెప్తుంది. కదా మీ ఇద్దరికి పెళ్లి చేశాక తనొచ్చి తన భర్త తనకు కావాలి అంటే నీ లైఫ్‌ ఏమైపోవాలి. జీవితంలో ఎప్పుడూ ఆవేశంలో డిసీజన్స్‌ తీసుకోకూడదమ్మా</p>
<p><strong>తార:</strong> అవన్నీ నేను చూసుకుంటాను అన్నయ్య. తను నాతో ఉంటే చాలు. తనకి తన భార్యకు ఏ సంబంధం లేదంటున్నాడు కదా గగన్‌. అది చాలు అన్నయ్య..</p>
<p><strong>ధృవ్‌:</strong> ఆ ఒక్క మాటని నమ్మి పెళ్లి ఎలా చేయమంటావు. పోనీ వాళ్లిద్దరూ డైవర్స్‌ తీసుకుని ఉంటే ఓకే అనేయవచ్చు. పోనీ అది కూడా లేదు కదమ్మా..?</p>
<p><strong>తార:</strong> పోనీ ఇప్పుడు ఇచ్చేమందాము.. అవును అన్నయ్య ఆ డైవర్స్‌ ఏవో ఇచ్చేయమని గగన్‌కు చెబుదాం.. అన్నయ్య..</p>
<p><strong>ధృవ్‌:</strong> ఆర్యూ ష్యూర్‌..</p>
<p><strong>తార:</strong> నాకు గగన్‌ కావాలి. వాళ్ల చెల్లికి నువ్వు కావాలి. కాల్‌ చేసి చెప్పు అన్నయ్య. తనకు ఫోన్‌ చేసి ఇప్పుడే చెప్పు అన్నయ్య..</p>
<p>అనగానే.. ధృవ్‌ సరే అంటూ గగన్‌ కు కాల్‌ చేస్తాడు. గగన్‌ కాల్‌ లిఫ్ట్ చేస్తాడు.</p>
<p><strong>గగన్‌:</strong> ఆ.. చెప్పండి ధృవ్‌..</p>
<p><strong>ధృవ్‌:</strong> గగన్‌ ఒకసారి మీరు మా ఇంటికి వస్తారా..?</p>
<p><strong>గగన్‌:</strong> తప్పకుండా వస్తాను.</p>
<p><strong>ధృవ్‌:</strong> ఓకే ఐయామ్‌ వెయిటింగ్‌ ఫర్‌ యూ.. గగన్‌ వస్తున్నారంట..</p>
<p><strong>తార:</strong> ప్రాబ్లమ్‌ సాల్వ్‌.. ఇక తిను అన్నయ్య..</p>
<p>అంటూ తార నవ్వుతూ భోజనం చేస్తుంది. ధృవ్‌ కూడా భోజనం చేస్తుంటాడు. మరోవైపు గగన్‌ దగ్గరకు భూమి వెళ్తుంది. శివ పెళ్లి విషయం గుర్తుకు వచ్చి గగన్‌ కోపంగా వెళ్లిపోతుంటే..</p>
<p><strong>భూమి:</strong> బావ నువ్వేగా రమ్మన్నావు.. మళ్లీ ఎందుకు వెళ్లిపోతున్నావు..</p>
<p><strong>గగన్‌:</strong> నిన్ను చూసిన ప్రతిసారి నాకు ఆ గాయమే గుర్తుకు వస్తుంది.</p>
<p><strong>భూమి:</strong> నువ్వు నా మీద కోపంతో చెర్రి గురించి మర్చిపోతున్నావు..బావ? చెర్రిని బయటకు తీసుకురావాలి కదా..?</p>
<p><strong>గగన్‌:</strong> నీకోసం నేను వెయిట్‌ చేయాలా..? నేను ఎప్పుడు రమ్మన్నాను..? నువ్వు ఎప్పుడు వచ్చావు..? నా టైంకు వ్యాల్యూ లేదా..? ఎందుకు ఇంత లేటు అయింది </p>
<p>అంటూ గగన్‌ కోపంగా భూమిని తిట్టగానే.. తాను ఇంటి నుంచి అక్కడకు రావడానికే అరగంట పడుతుందని తాను మాత్రం ఇరవై నిమిషాల్లోనే వచ్చానని చెప్పగానే.. గగన్‌ కోపంగా అబద్దం చెప్పకు అంటూ తిడుతుంటాడు. ఇంతలో ఇవాళ్టీ ఎపిసోడ్‌ అయిపోతుంది. </p>
<p><a title="<strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self"><strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
11 hours ago
1 
