<p><strong>Matcha Tea For Health :</strong> టీ, కాఫీలకు ప్రత్యామ్నాయంగా ఈ మధ్యకాలంలో చాలామంది మాచా టీని తాగుతున్నారు. సోషల్ మీడియాలో కూడా మాచా టీకి సంబంధించిన వీడియోలు, రెసిపీలు బాగా ట్రెండ్ అవుతున్నాయి. సాధారణ గ్రీన్ టీ ఆకులను వేడి నీటిలో నానబెట్టి తాగితే.. మాచాను మాత్రం మెత్తగా పొడి చేసి నీటిలోనే కలుపుకుని తాగుతారు. అందుకే ఇందులోని కొన్ని సహజ సమ్మేళనాలు నేరుగా శరీరంలోకి చేరుతాయి. ఇంతకీ మాచా టీని ఎలా తయారు చేసుకోవాలి? దీనివల్ల ఆరోగ్యానికి కలిగే ప్రయోజనాలు ఏంటో చూసేద్దాం.</p>
<h3>మాచా టీ</h3>
<p>మాచా అనేది ప్రత్యేకంగా పెంచి, ప్రాసెస్ చేసిన గ్రీన్ టీ ఆకులను మెత్తగా పొడిగా చేయడమే. ఇందులో కాటెచిన్స్ వంటి యాంటీఆక్సిడెంట్లు, ముఖ్యంగా EGCG, కెఫీన్ సమ్మేళనాలు ఉంటాయి. అయితే మాచాలో కెఫీన్ ఉంటుంది కాబట్టి దీనిని కూడా మితంగా తీసుకోవడం మంచిది. </p>
<p><strong>Also Read : <a href="https://telugu.abplive.com/lifestyle/what-happens-to-your-body-if-you-drink-too-much-tea-doctor-explains-the-side-effects-250266" target="_blank" rel="noopener">టీ ఎక్కువగా తాగుతున్నారా? నిద్రలేమి, రక్తహీనతతో పాటు ఈ సమస్యలు రావొచ్చంటున్న వైద్యులు</a></strong></p>
<h3>మాచా టీ తయారీ విధానం</h3>
<p>ఒక కప్పు మాచా టీ తయారు చేసుకోవడానికి ఒక టీస్పూన్‌ కంటే తక్కువ.. సుమారు 1 నుంచి 2 గ్రాముల మ్యాచా పొడిని తీసుకోవచ్చు. ముందుగా ఒక కప్పు నీటిని వేడి చేసుకోవాలి. ఒక చిన్న గిన్నెలో మ్యాచా పొడి వేసి కొద్దిగా వేడి నీరు పోయాలి. ఉండలు లేకుండా నీటిని బాగా కలపాలి. ఆ తర్వాత మిగిలిన నీటిని పోసి కలిపితే మాచా టీ రెడీ. కావాలంటే రుచికోసం కొద్దిగా తేనె లేదా నిమ్మరసం కలుపుకోవచ్చు.</p>
<h3>మాచా టీ వల్ల కలిగే లాభాలు</h3>
<p>మాచాలో కాటెచిన్స్ వంటి పాలీఫెనాల్స్ ఉంటాయి. ఇవి యాంటీఆక్సిడెంట్లుగా పనిచేస్తాయి. శరీరంలోని ఆక్సిడేటివ్ స్ట్రెస్‌ను తగ్గించడంలో కీలకపాత్ర పోషిస్తాయి. దీనిలో కెఫీన్‌తో పాటు L-theanine కూడా ఉంటుంది. ఇది ఏకాగ్రతను మెరుగుపరచడంలో సహాయపడవచ్చని పరిశోధనలు చెప్తున్నాయి. అలాగే మరికొన్ని పరిశోధనల్లో గుండె ఆరోగ్యానికి సంబంధించిన కొన్ని సానుకూల ప్రభావాలు కనిపించాయి. అందుకే సమతుల్య ఆహారం, వ్యాయామంతో పాటు తీసుకుంటే మంచి ఫలితాలు చూడవచ్చు. </p>
<p><strong>Also Read : <a href="https://telugu.abplive.com/lifestyle/should-avoid-drinking-water-right-after-tea-myth-or-fact-here-is-the-truth-250147" target="_blank" rel="noopener">టీ తాగిన వెంటనే నీళ్లు తాగకూడదా? ముందు తాగితే మంచిదా? నిపుణులు చెప్పిన నిజాలు ఇవే</a></strong></p>
<h3>బరువు తగ్గుతారా?</h3>
<p>గ్రీన్ టీ, కాటెచిన్స్, కెఫీన్‌పై జరిగిన కొన్ని అధ్యయనాలు శరీర శక్తి వినియోగం, కొవ్వు ఆక్సీకరణపై స్వల్ప ప్రభావం ఉండవచ్చని సూచిస్తున్నాయి. అయితే మాచా తాగితేనే బరువు తగ్గిపోతామని అనుకోకూడదు. బరువు తగ్గడానికి ఆహారం, శారీరక శ్రమ, నిద్ర వంటి అనేక అంశాలు హెల్ప్ చేస్తాయి. అలాగే మాచాను నీటితో మాత్రమే తీసుకుంటే అదనపు చక్కెర ఉండదు. కాబట్టి తక్కువ కేలరీ డ్రింక్స్లో భాగంగా దీనిని తీసుకోవచ్చు. </p>
<h3>మాచా ఎప్పుడు తీసుకోవాలి..</h3>
<p>కెఫీన్ ఎక్కువగా ఉంది కాబట్టి.. ఎక్కువగా తాగడం మంచిది కాదు. అలాగే దీనిని ఉదయం లేదా మధ్యాహ్నం తీసుకోవచ్చు. కానీ సాయంత్రం, రాత్రుళ్లు తీసుకుంటే దీనిలోని కెఫిన్ నిద్రకు ఆటంకం కలిగిస్తుంది. </p>
<p><strong>Also Read : <a href="https://telugu.abplive.com/lifestyle/green-tea-daily-benefits-risks-and-the-best-time-to-drink-it-251233" target="_blank" rel="noopener">ప్రతిరోజూ గ్రీన్ టీ తాగుతున్నారా? ఆరోగ్యానికి మేలా.. కీడా? నిపుణులు చెప్తోన్న నిజాలు ఇవే</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/lifestyle/study-suggests-cup-of-black-tea-day-may-lower-the-risk-of-heart-attack-and-stroke-251962" width="631" height="381" scrolling="no"></iframe></strong></p>
<p><strong>గమనిక:</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
1 month ago
3 
