<p>మీరు కొత్త కారు కొనాలనుకుంటున్నారా, మారుతి ఫ్రాంక్స్ మీ దృష్టిలో ఉన్నట్లయితే కొనేందుకు సంబంధించిన పూర్తి వివరాలు తెలుసుకోండి. ఫ్రాంక్స్ దాని లుక్, ఫీచర్లు, ఇంజిన్ ఆప్షన్ల వల్ల కస్టమర్లను ఆకర్షిస్తోంది. అయితే మీరు టాప్ మోడల్ కొనాలనుకుంటే, దీని కోసం మీ నెలవారీ ఆదాయం ఎంత ఉండాలో తెలుసుకోవాలి. కారు కొనడం అంటే కేవలం దాని ధర చెల్లించడం కాదు. మీరు డౌన్ పేమెంట్, ప్రతి నెలా కట్టే EMI, మెయింటనెన్స్, సర్వీసింగ్ ఖర్చులను కూడా చెక్ చేసుకోవాలి. </p>
<p><strong>ఫ్రాంక్స్ టాప్ మోడల్ ధర</strong></p>
<p>మారుతి ఫ్రాంక్స్ టాప్ మోడల్ ఎక్స్-షోరూమ్ ధర సుమారు రూ. 12 లక్షల వరకు ఉంటుంది. హైదరాబాద్‌లో Alpha Turbo DT AT (Petrol) టాప్ మోడల్ ధర రూ. 15 లక్షల వరకు ఉంది. కారు కొనేటప్పుడు మీరు కేవలం ఎక్స్-షోరూమ్ ధర చెల్లించరు. ఆ ధరతో పాటు ఆర్‌టీఓ, ఇన్సూరెన్స్, ఇతర అవసరమైన ఛార్జీలు కలుపుతారు. ఈ ఖర్చులన్నింటినీ కలిపిన తర్వాత కారు ఆన్-రోడ్ ధర సుమారు పదిహేను లక్షల వరకు ఉండవచ్చు. అయితే, మీ రాష్ట్రం, నగరాన్ని బట్టి ఈ ధర కొద్దిగా ఎక్కువ లేదా తక్కువ కావచ్చు.</p>
<p><strong>డౌన్ పేమెంట్ ఎంత కట్టాలి?</strong></p>
<p>కారు ఆన్-రోడ్ ధర రూ. 15 లక్షలు ఉండి, మీరు సుమారు 20 శాతం డబ్బు చెల్లిస్తే, దాదాపు రూ. 3 లక్షలు డౌన్ పేమెంట్‌గా చెల్లించాలి. సుమారు రూ. 12 లక్షల లోన్ తీసుకోవాలి. బ్యాంక్ లోన్ మీ సంపాదన, క్రెడిట్ స్కోర్‌పై ఆధారపడి ఉంటుంది.</p>
<p>4 సంవత్సరాల వ్యవధి (48 నెలలు): నెలవారీ ఈఎంఐ కాస్త ఎక్కువగా ఉంటుంది. 30,158 ఉన్నప్పటికీ, వడ్డీ భారం అత్యంత తక్కువగా ఉంటుంది. </p>
<p>5 సంవత్సరాల వ్యవధి (60 నెలలు): చాలామంది వాహన కొనుగోలుదారులు ఇదే టైం ఎంచుకుంటారు. నెలవారీ ఈఎంఐ 25,202 చెల్లించాలి. వడ్డీ ₹3.12 లక్షలు అయినప్పటికీ, ఈఎంఐ భారం మరీ ఎక్కువ అనిపించదు.</p>
<p>6 సంవత్సరాల వ్యవధి (72 నెలలు): నెలవారీ ఈఎంఐ రూ. 21,921 కట్టాలి. ఇందులోనూ మీరు చెల్లించే వడ్డీ పెరుగుతుంది. </p>
<p>Also Read: <a title="టాటా నుంచి మరో కొత్త సెడాన్‌.. Tigor ప్లేస్‌లోకి Aeris.. ఇవే హైలైట్స్‌!" href="https://telugu.abplive.com/auto/tata-aeris-sedan-launch-september-25-tigor-facelift-features-price-details-in-telugu-259557" target="_self">టాటా నుంచి మరో కొత్త సెడాన్‌.. Tigor ప్లేస్‌లోకి Aeris.. ఇవే హైలైట్స్‌!</a> </p>
<p><strong>కారు ఫీచర్లు..</strong></p>
<p>మారుతి సుజుకి ఫ్రాంక్స్ (Alpha Turbo DT AT) టాప్ మోడల్ 1.0 లీటర్ బూస్టర్‌జెట్ టర్బో పెట్రోల్ ఇంజిన్, 6-స్పీడ్ ఆటోమేటిక్ గేర్‌బాక్స్, పాడిల్ షిఫ్టర్లతో వస్తుంది. బయట డ్యూయల్-టోన్ లుక్, LED హెడ్‌ల్యాంప్‌లు, LED DRLలు, కనెక్టెడ్ టెయిల్ ల్యాంప్స్, 16 అంగుళాల అల్లాయ్ వీల్స్ ఇస్తారు. క్యాబిన్‌లో 9-అంగుళాల టచ్‌స్క్రీన్, వైర్‌లెస్ ఆపిల్ కార్‌ప్లే/ఆండ్రాయిడ్ ఆటో, హెడ్ అప్ డిస్‌ప్లే (HUD), అర్కమిస్ సౌండ్ సిస్టమ్, 360 డిగ్రీ కెమెరా, వైర్‌లెస్ ఛార్జర్, క్రూయిజ్ కంట్రోల్, ఆటో క్లైమేట్ కంట్రోల్ ఉన్నాయి. భద్రత కోసం 6 ఎయిర్‌బ్యాగ్‌లు, ESP, హిల్ హోల్డ్ అసిస్ట్, ABS ఫీచర్లు ఇచ్చారు.</p>
<p><strong>కారు ఇతర ఖర్చులు</strong></p>
<p>మారుతి ఫ్రాంక్స్ కారు కొన్న తర్వాత ప్రతి నెలా కేవలం ఈఎంఐ కడితే సరిపోదు. పెట్రోల్ ఖర్చు, కారు సర్వీసింగ్, మెయింటనెన్స్ ఖర్చవుతుంది. పెట్రోల్, కారు ఇతర ఖర్చులకు ప్రతి నెలా సుమారు రూ. 8 నుండి 10 వేల వరకు ఖర్చవుతుందనుకుంటే, ఈఎంఐతో కలిపి కారు నెలవారీ మొత్తం రూ. 31 నుండి 33 వేల వరకు ఖర్చులు అవుతాయి. </p>
<p>Also Read: <a title="ఎంత జీతం ఉంటే Maruti Celerio కొనవచ్చు? ప్రతినెలా EMI ఎంత చెల్లించాలి" href="https://telugu.abplive.com/auto/salary-needed-to-buy-maruti-celerio-emi-finance-details-here-259532" target="_self">ఎంత జీతం ఉంటే Maruti Celerio కొనవచ్చు? ప్రతినెలా EMI ఎంత చెల్లించాలి</a></p>
1 month ago
2 
