<p style="text-align: justify;">హైదరాబాద్: మావోయిస్టులపై పోరాటంలో తెలంగాణ పోలీసులకు పెద్ద విజయం దక్కింది. మావోయిస్ట్ పార్టీకి చెందిన అగ్ర నాయకుడు, మావోయిస్టుపార్టీ గెరిల్లా లిబరేషన్ ఆర్మీ చీఫ్ చంద్రపాల్-పూర్వ ప్రాంతంలో అత్యంత మోస్ట్ వాంటెడ్ నక్సలైట్ అయిన బర్సే దేవ అలియాస్ సుక్కా పోలీసులకు సరెండర్ అయ్యాడు. నక్సల్ ప్రభావిత ప్రాంతాలలో ఈ విషయం కలకలం రేపింది. బర్సే దేవపై ప్రభుత్వం మొత్తం 50 లక్షల రూపాయల రివార్డ్ ప్రకటించారు. తెలంగాణ డీజీపీ శివధర్ రెడ్డి ఎదుట బర్సే దేవ తొంగిపోవడంతో పాటు వారి ఆయుధాలను అప్పగించారు. అతని లొంగుబాటు అంతర్గత భద్రతా బలగాలకు ఒక పెద్ద విజయంగా భావిస్తున్నారు. మాంటేయిన్ LMG తుపాకీతో పాటు మరిన్ని ఆయుధాలను పోలీసులు స్వాధీనం చేసుకున్నారు.</p>
<p style="text-align: justify;">ప్రస్తుతానికి అందిన సమాచారం ప్రకారం, బర్సే దేవ తెలంగాణ పోలీసుల ఎదుట లొంగిపోయాడు. ఈ ఆపరేషన్‌ను మరింత పెద్ద విజయంగా మార్చిన విషయం ఏంటంటే.. బర్సే దేవతో పాటు మరో 15 మంది మావోయిస్టులు కూడా ఆయుధాలను వీడి జనజీవన స్రవంతిలో కలిసిపోయారు. ఆయుధాలతో సమస్యలకు పరిష్కారం సాధించలేమని వారు భావించి పోలీసులకు లొంగిపోయారు. ఈ బృందం దండకారణ్య ప్రాంతంలో చురుకుగా ఉండేది. గత కొన్నేళ్లుగా భద్రతా బలగాలకు ఈ మావోయిస్టులు తలనొప్పిగా ఉండేవారు. </p>
<p style="text-align: justify;"><strong>బర్సే దేవ ప్రొఫైల్..</strong></p>
<p style="text-align: justify;">బర్సే దేవ ప్రొఫైల్ చాలా డేంజర్ అని చెబుతోంది. దేశంలోని అత్యంత ప్రమాదకరమైన నక్సలైట్ నాయకులలో ఒకడైన మాడ్వి హిడ్మాకు సన్నిహిత సహచరుడు. బస్తర్ ప్రాంతంలో మావోయిస్ట్ కార్యకలాపాలకు మాస్టర్ మైండ్ గా భావించే హిడ్మాతో కలిసి బర్సే అనేక పెద్ద ఆపరేషన్లలో పాల్గొని విజయవంతంగా నిర్వహించాడు. ఇద్దరు మావోయిస్టుల మధ్య లింక్ కేవలం ఉద్యమానికే పరిమితం కాదు. వారు ఛత్తీస్‌గఢ్‌లోని సుక్మా జిల్లాకు చెందిన పూర్వపు గ్రామానికి చెందినవారు. ఒకే గ్రామానికి చెందినవారు కాగా ఇటీల ఎన్ కౌంటర్‌లో హిడ్మా చనిపోవడం తెలిసిందే. ఒకే గ్రామానికి చెందిన వారు కావడంతో పలు ఆపరేషన్లలో హిడ్మాతో పాటు బర్సే దేవ సైతం కీలకంగా వ్యవహరించాడు. </p>
<p style="text-align: justify;"><strong>మావోయిస్టులకు పెద్ద దెబ్బ</strong></p>
<p style="text-align: justify;">బర్సె దేవా లొంగుబాటును ముఖ్యంగా తెలంగాణ-ఛత్తీస్‌గఢ్ సరిహద్దులో మావోయిస్ట్ సంస్థకు ఒక పెద్ద దెబ్బ. ఇంత పెద్ద మావోయిస్టు నాయకుడితో పాటు 15 మంది ఇతర క్యాడర్లు లొంగిపోవడం వల్ల మావోయిస్టు పార్టీ మరింత బలహీనపడుతుందని పోలీసు అధికారులు అంటున్నారు. ప్రస్తుతం, హిడ్మా, ఇతర టాప్ మావోయిస్టుల గురించి కీలక సమాచారాన్ని పొందడానికి పోలీసులు బర్సే దేవను విచారిస్తున్నారు. </p>
3 months ago
9 
