<p><strong>Manchu Mohan Babu Family Issue:</strong> మంచు ఫ్యామిలీ పంచదార వివాదం రాజుకుంది. వారం రోజుల క్రితం మొదలైన ఘర్షణ ఇంకా కొనసాగుతూనే ఉంది. మధ్యలో చల్లబడినట్టే కనిపించినా ఇదంతా కల్పన అని తేలింది. తన ఫ్యామిలీని వేధిస్తున్నారని మరోసారి పోలీసులను ఆశ్రయించారు మంచు మనోజ్. తన సోదరుడు విష్ణుపై తీవ్ర ఆరోపణలు చేశారు. విజయ్‌తో కలిసి వేధిస్తున్నారని ఆవేదన వ్యక్తం చేశారు. </p>
<p>తల్లి పుట్టిన రోజు ఉందని సోదరుడు విష్ణు, విజయ్, కిరణ్‌ తన ఇంట్లోకి ప్రవేశించారని మనోజ్‌ చెప్పారు. ఆ టైంలో తాను సినిమా షూటింగ్‌లో ఉన్నానని పేర్కొన్నారు. తన భార్య కుమారుడి స్కూల్‌ ఫంక్షన్‌కు వెళ్లినట్టు వెల్లడించారు. ఈ టైంలోనే కొందరు బౌన్సర్లతో ప్రవేశించి హంగామా సృష్టించారని అన్నారు. ఇంటి జనరేటర్‌లో పంచదార వేశారని అన్నారు. దీని కారణంగా రాత్రి విద్యుత్ సరఫరాలో అంతరాయం ఏర్పడిందని ఆరోపించారు. </p>
<p><strong>Also Read: <a title="బిగ్ బాస్ ఇంటికి బన్నీ... అరెస్ట్, జైలు తర్వాత మావయ్య దగ్గరకు మొదటిసారి, పుష్ప 2 టీ షర్ట్ లేకుండా" href="https://telugu.abplive.com/entertainment/cinema/allu-arjun-meets-chiranjeevi-at-megastar-residence-amidst-pushpa-2-actor-arrest-release-from-jail-controversy-190603" target="_blank" rel="noopener">బిగ్ బాస్ ఇంటికి బన్నీ... అరెస్ట్, జైలు తర్వాత మావయ్య దగ్గరకు మొదటిసారి, పుష్ప 2 టీ షర్ట్ లేకుండా</a> </strong></p>
<p>విద్యుత్‌లో అంతరాయం చాలా ఆందోళన కలిగిచిందన్నారు మనోజ్. ఇంట్లో ఇద్దరు పిల్లలు అత్తమామ, అమ్మ ఉన్నారని అలాంటి టైంలో ఫైర్ యాక్సిడెంట్ అయితే పరిస్థితి ఏంటని ప్రశ్నించారు. జనరేటర్‌కు సమీపంలోనే గ్యాస్‌ కనెక్షన్ కూడా ఉన్నట్టు పేర్కొన్నారు. అక్కడకు సమీపంలోనే వాహనాలు కూడా పార్క్ చేసిన ఉంచామన్నారు. </p>
<p>ఈ బ్యాచ్ వెళ్లిపోతూ తన ఇంట్లో ఉన్న సిబ్బందిని కూడా బెదిరించారని వారంతా వెళ్లిపోయారని అన్నారు మనోజ్. తన కోచ్‌నూ కూడా పంపేశారని అన్నారు. కుటుంబంతో ఇంట్లో ఉండాలంటేనే భయం వేస్తోందని ఆందోళన వ్యక్తం చేశారు మనోజ్. దీనిపై పోలీసులకు ఫిర్యాదు చేసినట్టు చెబుతున్నారు. </p>
<p><strong>Also Read: <a title="మంచు ఫ్యామిలీలో చల్లారని వివాదం- మరోసారి పోలీస్‌స్టేషన్‌కు మనోజ్‌" href="https://telugu.abplive.com/telangana/hyderabad/manchu-manoj-once-again-approaches-the-police-over-a-family-dispute-184677" target="_blank" rel="noopener">మంచు ఫ్యామిలీలో చల్లారని వివాదం- మరోసారి పోలీస్‌స్టేషన్‌కు మనోజ్‌</a></strong></p>
11 months ago
8 
