<p><strong>Madya Pradesh candidate gets 101 out of 100 in recruitment exam in Indore:</strong> ఎంత ప్రతిభావంతుడైనా వందకు వంద మార్కులు తెచ్చుకుంటారు. వందకు నూట ఒకటి మార్కులు తెచ్చుకుంటే అతన్ని ప్రతిభావంతుడు అంటారో.. ఆ పరీక్ష పేపర్ దిద్దిన మాస్టార్ని ప్రతిభావంతుడు అంటాలో తేల్చుకోవడానికి మనకు సమయం పడుతుంది. అలాంటి విచిత్రం మధ్యప్రదేశ్ లో జరిగింది. అది కూడా ఉద్యోగ నియామక పరీక్షల్లో. </p>
<p><strong>ఫారెస్ట్,జైలు గార్డుల ఉద్యోగాల కోసం గత ఏడాది పరీక్ష </strong></p>
<p>2023లో వ్యాన్ అండ్ జైల్ రిక్రూట్ మెంట్ టెస్టును మధ్యప్రదేశ్ ప్రభుత్వం నిర్వహించింది. తాజాగా ఆ ఫలితాలు విడుదల చేశారు. అందులో ఓ అభ్యర్థికి 101.66 మార్కులు వచ్చినట్లుగా తేల్చారు. మామూలుగా అయితే అందరూ ఆ అభ్యర్థి ఇంటికి పోయి ఎలా సాధించారు.. అని స్ఫూర్తిదాయక కథనాలు రాసేవారు. సోషల్ మీడియాను హోరెత్తించేవారు.కానీ మధ్యప్రదేశ్ లో మాత్రం రివర్స్ లో ఉంది పరిస్థితి. అందరూ నోళ్లు నొక్కుకుంటున్నారు. ఆ అభ్యర్థి బయటకు రావడడం లేదు. పరీక్షలు పెట్టిన వారి పరిస్థితి కూడా అంతే. ఎందుకంటే.. ఆ పరీక్ష పెట్టింది వంద మార్కులకే. వంద మార్కుల పరీక్షలో 101.66 మార్కులు ఎలా వస్తాయన్నది ఇప్పుడు వారు చెప్పాల్సిన సమయం వచ్చింది. </p>
<div id="article-hstick-inner" class="abp-story-detail ">
<p><strong>Also Read: <a title="Manchu Manoj Mother Wrote A Letter: మంచు మనోజ్‌ చెప్పేవన్నీ అబద్దాలే- లెటర్‌తో షాక్ ఇచ్చిన తల్లి నిర్మల" href="https://telugu.abplive.com/telangana/hyderabad/manchu-manoj-mother-nirmala-wrote-a-letter-to-the-police-against-him-190819" target="_blank" rel="noopener">Manchu Manoj Mother Wrote A Letter: మంచు మనోజ్‌ చెప్పేవన్నీ అబద్దాలే- లెటర్‌తో షాక్ ఇచ్చిన తల్లి నిర్మల</a></strong></p>
</div>
<div class="article-footer">
<div class="article-footer-left "><strong>కొంత మంది వంద కంటే ఎక్కువ మార్కులు </strong></div>
</div>
<p>మరో వైపు పరీక్షల్లో అక్రమాలు చేసి తమకు అన్యాయం చేశారంటూ.. యువత, ఆ ఉద్యోగ పరీక్ష రాసిన వారు రోడ్డెక్కుతున్నారు. పలువురు విద్యార్థులు, నిరుద్యోగులు ముఖ్యమంత్రి మోహన్ యాదవ్ ఈ స్కాంపై విచారణ చేయాలని డిమాండ్ చేస్తున్నారు. వారిని సీఎం కలిసి వారి విజ్ఞాపనా పత్రం కూడా తీసుకున్నారు. అయితే అధికారులు మాత్రం తాము కొత్తగా నార్మలైజేషన్ అనే ప్రక్రియ చేపట్టామని చెబుతున్నారు. ప్రాసెస్ ఆఫ్ నార్మలైజేష్ లో భాగంగా వంద కంటే ఎక్కువ మార్కులు అభ్యర్థికి రావొచ్చని అలాగే సున్నా కంటే తక్కువ మార్కులు కూడా రావొచ్చని వివరణ ఇస్తున్నారు. </p>
<p><strong>Also Read: <a title="ఆపరేషన్ అని బెయిల్‌పై బయటకు వచ్చాడు... బాబోయ్ దర్శన్ కేసులో ఈ ట్విస్టేంటి?" href="https://telugu.abplive.com/entertainment/cinema/darshan-operation-drama-kannada-actor-skips-surgery-heads-directly-to-court-after-discharged-from-hospital-raises-questions-on-bail-190801" target="_blank" rel="noopener">ఆపరేషన్ అని బెయిల్‌పై బయటకు వచ్చాడు... బాబోయ్ దర్శన్ కేసులో ఈ ట్విస్టేంటి?</a></strong></p>
<p><strong>నార్మలైజేషన్ ప్రక్రియ పెట్టామని అందులో వస్తాయంటున్న అధికారులు </strong></p>
<p>ఇలా అసలు మార్కులకన్నా ఎక్కువ మార్కులు రావడం ఉద్యోగ నియామకల చరిత్రలో మొదటి సారి అని అభ్యర్థుు మండిపడుతున్నారు. ఈ ప్రాసెస్ ఆఫ్ నార్మలైజేషన్ ప్రక్రియలో పారదర్శకత లేదని మొత్తంగా రద్దు చేయాలని డిమాండ్ చేస్తున్నారు. ఈ ఉద్యోగాలన్నీ ఫారెస్ట్ డిపార్టుమెంట్ లో గార్డులు, జైలు గార్డులకు సంబంధించిన ఉద్యోగాలు. ప్రభుత్వం స్పందించకపోతే విద్యార్థి లోకం అంతా ఉద్యమిస్తామని హెచ్చరిస్తున్నారు. </p>
11 months ago
8 
