<p style="text-align: justify;"><strong>LPG Price :</strong> కొత్త సంవత్సరం ప్రారంభంతోనే సామాన్యులకు ధరల పెరుగుదల రూపంలో గట్టి ఎదురుదెబ్బ తగిలింది. నూతన సంవత్సరంలో మొదటి రోజే ఆయిల్ మార్కెటింగ్ కంపెనీలు ఎల్‌పీజీ గ్యాస్ సిలిండర్ ధరలను భారీగా పెంచాయి. జనవరి 1, 2026 నుంచి దేశవ్యాప్తంగా 19 కిలోల కమర్షియల్ ఎల్‌పీజీ సిలిండర్ ధరలు రూ. 111 వరకు పెరిగాయి.</p>
<p>హైదరాబాద్‌, ఢిల్లీ, ముంబై, కోల్‌కతా, చెన్నైతో సహా అన్ని ప్రధాన నగరాల్లో కొత్త ధరలు అమలులోకి వచ్చాయి. అయితే, 14 కిలోల గృహ వినియోగ ఎల్‌పీజీ సిలిండర్ ధరల్లో ప్రస్తుతం ఎటువంటి మార్పు లేకపోవడం ఊరటనిచ్చే అంశం.</p>
<h3>జనవరి 1 నుంచి అమలులోకి వచ్చిన ఎల్‌పీజీ సిలిండర్ కొత్త ధరలు</h3>
<p>ఆయిల్ మార్కెటింగ్ కంపెనీలు జనవరి 1, 2026 నుంచి కమర్షియల్ ఎల్‌పీజీ సిలిండర్ల కొత్త రేట్లను అమలులోకి తెచ్చాయి. ఈ ధరల పెరుగుదల నేరుగా హోటళ్లు, రెస్టారెంట్లు, చిన్న వ్యాపారులపై ప్రభావం చూపనుంది.</p>
<h3>హైదరాబాద్‌, ఢిల్లీ, ముంబై, కోల్‌కతా, చెన్నైలలో ఎంత పెరిగాయి! </h3>
<p>కొత్త రేట్ల ప్రకారం, రాజధాని ఢిల్లీలో 19 కిలోల కమర్షియల్ ఎల్‌పీజీ సిలిండర్ ఇప్పుడు రూ. 1580.50కి బదులుగా రూ. 1691.50కి లభిస్తుంది. కోల్‌కతాలో దీని ధర రూ. 1684 నుంచి రూ. 1795కి పెరిగింది. ముంబైలో గతంలో రూ. 1531.50కి లభించిన సిలిండర్ ఇప్పుడు రూ. 1642.50కి చేరింది. చెన్నైలో దీని ధర రూ. 1739.50 నుంచి రూ. 1849.50కి పెంచబడింది. హైదరాబాద్‌లో దీని ధర రూ. 1,912.50కి పెరిగింది. </p>
<h3>డిసెంబర్‌లో చౌకగా మారిన కమర్షియల్ సిలిండర్</h3>
<p>గతంలో డిసెంబర్ 1, 2025న కమర్షియల్ ఎల్‌పీజీ సిలిండర్ ధరలలో కోత విధించారు. ఆ సమయంలో ఢిల్లీ, కోల్‌కతాలో రూ. 10, ముంబై, చెన్నైలలో రూ. 11 వరకు ఉపశమనం కల్పించారు.</p>
<h3>నవంబర్‌లో కూడా తగ్గిన ధరలు</h3>
<p>అంతేకాకుండా, నవంబర్ 2025 మొదటి తేదీన కూడా 19 కిలోల కమర్షియల్ ఎల్‌పీజీ సిలిండర్ ధరలను తగ్గించారు. అప్పుడు ఢిల్లీలో ధర రూ. 1595.50 నుంచి రూ. 1590కి, కోల్‌కతాలో రూ. 1700.50 నుంచి రూ. 1694కి, ముంబైలో రూ. 1547 నుంచి రూ. 1542కి, చెన్నైలో రూ. 1754.50 నుంచి రూ. 1750కి తగ్గించారు. </p>
<h3>గృహ వినియోగ ఎల్‌పీజీ సిలిండర్ ధరలలో ఎటువంటి మార్పు లేదు</h3>
<p>కమర్షియల్ ఎల్‌పీజీ సిలిండర్ ధరలలో నిరంతరం మార్పులు జరుగుతుండగా, గృహ వినియోగ గ్యాస్ సిలిండర్ ధరలు చాలా కాలంగా స్థిరంగా ఉన్నాయి. 14 కిలోల గృహ వినియోగ ఎల్‌పీజీ సిలిండర్ ధరలు ఏప్రిల్ 2025 స్థాయిలోనే కొనసాగుతున్నాయి. </p>
<h3>మీ నగరంలో గృహ వినియోగ సిలిండర్ ప్రస్తుత ధర</h3>
<p>ప్రస్తుతం గృహ వినియోగ ఎల్‌పీజీ సిలిండర్ హైదరాబాద్‌లో రూ.905, ఢిల్లీలో రూ. 853, కోల్‌కతాలో రూ. 879, ముంబైలో రూ. 852, చెన్నైలో రూ. 868కి లభిస్తోంది. నూతన సంవత్సర ప్రారంభంలో కమర్షియల్ సిలిండర్ల ధరలు పెరగడంతో ఆహార పదార్థాలు, ఇతర సేవల ధరలు కూడా పెరిగే అవకాశం ఉందని అంచనా వేస్తున్నారు. </p>
3 months ago
9 
