<p><strong>Lakshimi Raave Maa Intiki Serial Today Episode</strong>: జీ తెలుగు ఛానెల్‌లో అత్యంత ప్రజాధరణతో దూసుకుపోతున్న లక్ష్మీరావే మా ఇంటికి సీరియల్‌లో లక్ష్మీని పోలీసులు తీసుకెళ్తుండగా సూర్యనారాయణ కుటుంబంతో సహా వచ్చి అడ్డుకుంటాడు. శ్రీలక్ష్మీ ఎలాంటి తప్పు చేయలేదని ఆధారాలతో సహా నిరూపించడంతో పోలీసులు వదిలేస్తారు.మరి అసలు నిందితులు ఎవరనేది పోలీసులు కనిపెట్టారా లేదా అన్నదానితో ఈరోజు ఏపిసోడ్‌ ఆసక్తికరంగా సాగుతుంది.</p>
<h2><strong>శ్రీలక్ష్మీ అరెస్ట్‌తో షాక్‌తిన్న కుటుంబం</strong></h2>
<p>సెమిస్టర్‌ క్వచ్ఛన్ పేపర్‌ లీక్‌ చేసిన కేసులో శ్రీలక్ష్మీని పోలీసులు అరెస్ట్‌ చేయడం గురించి టీవీలో న్యూస్‌ చూసి సూర్యనారయణ షాక్‌ తింటాడు. ఇంట్లో వాళ్లందరూ ఆశ్చర్యపోతుంటారు. ఎట్టిపరిస్థితుల్లోనూ లక్ష్మీ పని చేసి ఉండదని లక్ష్మీ అత్త హైమావతితోపాటు సుకన్య,ఇందిర అందరూ ముక్తకంఠంతో అంటారు.ఎక్కడో ఏదో తప్పు జరిగి ఉంటుందని గోపాల్‌ అంటాడు. మాచెల్లి చిన్నప్పటి నుంచి బాగా చదువుకోవడమేకాదని,..పదిమందికి చదువు చెబుతుందని అంటాడు.అలాంటి అమ్మాయి ఇలాంటిపని చేసిందంటే నమ్మబుద్ధికావడం లేదని...ఇందులో ఏదో కుట్రదాగి ఉందని అంటాడు. ఆ మాటలు విన్న ప్రియంవద పోలీసులు ఇప్పుడే కదా అరెస్ట్ చేశారు...కుట్రలు,కుతంత్రలు ఏంటో వాళ్లే తేలుస్తారులేండని అంటుంది.అయినా ఇప్పుడు ఆ లక్ష్మీ కోసం నాన్నగారు పోలీసుస్టేషన్ మెట్లు ఎక్కడమంటే మనకు ఎంత పరువుతక్కువ అని రెచ్చగొడుతుంది. </p>
<table style="border-collapse: collapse; width: 100.271%; height: 164px;" border="1">
<tbody>
<tr style="height: 54px;">
<td style="width: 100.271%; text-align: center; height: 54px;" colspan="2">
<h2><span style="background-color: #000000; color: #ffffff;">ఎక్కువ మంది చదివిన ఈ టాప్ ట్రెండింగ్‌లో వార్తలు మిస్ అవ్వొద్దు</span></h2>
</td>
</tr>
<tr style="height: 22px;">
<td style="width: 6.47054%; height: 22px;">1</td>
<td style="width: 93.8009%; height: 22px;">
<h4><span style="background-color: #c2e0f4;"><a title="12 ఏళ్ల నిరీక్షణకు తెర.. హైదరాబాద్‌కు తిరిగి వస్తున్న 'ఐమాక్స్'! లొకేషన్ ఎక్కడంటే?" href="https://telugu.abplive.com/entertainment/cinema/imax-hyderabad-return-asian-suniel-narang-official-confirmation-amb-cinemas-hakimpet-248872" target="_self">12 ఏళ్ల నిరీక్షణకు తెర.. హైదరాబాద్‌కు తిరిగి వస్తున్న 'ఐమాక్స్'! లొకేషన్ ఎక్కడంటే?</a></span></h4>
</td>
</tr>
<tr style="height: 22px;">
<td style="width: 6.47054%; height: 22px;">2</td>
<td style="width: 93.8009%; height: 22px;">
<h4><a title="ఫోర్బ్స్‌ జాబితాలో ఇద్దరు తెలుగు కుర్రాళ్లు! ప్రయోగాశాలతో లారీ డ్రైవర్ కుమారుడికి ప్రపంచ ఖ్యాతి!" href="https://telugu.abplive.com/news/india/forbes-30-under-30-asia-2026-list-telugu-youth-shiva-ganesh-gaddam-madhulas-babu-krovvidi-248869" target="_self"><span style="background-color: #c2e0f4;">ఫోర్బ్స్‌ జాబితాలో ఇద్దరు తెలుగు కుర్రాళ్లు! ప్రయోగాశాలతో లారీ డ్రైవర్ కుమారుడికి ప్రపంచ ఖ్యాతి!</span></a></h4>
</td>
</tr>
<tr style="height: 22px;">
<td style="width: 6.47054%; height: 22px;">3</td>
<td style="width: 93.8009%; height: 22px;">
<h4><span style="background-color: #c2e0f4;"><a title="తెలంగాణలో రిటైర్డ్ ఉద్యోగులకు బిగ్ రిలీఫ్.. ₹2,000 కోట్ల జీపీఎఫ్ బకాయిలు విడుదల!" href="https://telugu.abplive.com/telangana/hyderabad/telangana-govt-releases-2000-crore-retirement-dues-gpf-settlement-revanth-reddy-248867" target="_self">తెలంగాణలో రిటైర్డ్ ఉద్యోగులకు బిగ్ రిలీఫ్.. ₹2,000 కోట్ల జీపీఎఫ్ బకాయిలు విడుదల!</a></span></h4>
</td>
</tr>
<tr style="height: 22px;">
<td style="width: 6.47054%; height: 22px;">4</td>
<td style="width: 93.8009%; height: 22px;">
<h4><span style="background-color: #c2e0f4;"><a title="ఏపీ సీఎం, డిప్యూటీ సీఎంపై కాంగ్రెస్ ఎమ్మెల్యే అనుచిత వ్యాఖ్యలతో కలకలం - కేసులు నమోదు చేయరా అని బీజేపీ ప్రశ్న" href="https://telugu.abplive.com/andhra-pradesh/telangana-politics-mandula-samuel-controversial-comments-on-chandrababu-pawan-kalyan-248852" target="_self">ఏపీ సీఎం, డిప్యూటీ సీఎంపై కాంగ్రెస్ ఎమ్మెల్యే అనుచిత వ్యాఖ్యలతో కలకలం - కేసులు నమోదు చేయరా అని బీజేపీ ప్రశ్న</a></span></h4>
</td>
</tr>
<tr style="height: 22px;">
<td style="width: 6.47054%; height: 22px;">5</td>
<td style="width: 93.8009%; height: 22px;">
<h4><span style="background-color: #c2e0f4;"><a title="భిక్షాటన నుంచి ఈగిల్ టీమ్ దాకా - హైడ్రాలో ట్రాన్స్‌జెండర్ల సగర్వ ప్రస్థానం.. గౌరవానికి కేరాఫ్ అడ్రస్‌గా యూనిఫాం !" href="https://telugu.abplive.com/telangana/hyderabad/hydraa-transgender-eagle-team-employment-success-story-hyderabad-248848" target="_self">భిక్షాటన నుంచి ఈగిల్ టీమ్ దాకా - హైడ్రాలో ట్రాన్స్‌జెండర్ల సగర్వ ప్రస్థానం.. గౌరవానికి కేరాఫ్ అడ్రస్‌గా యూనిఫాం !</a></span></h4>
</td>
</tr>
</tbody>
</table>
<h2><br /><strong>పోలీసులను అడ్డుకున్న సూర్యనారాయణ</strong></h2>
<p>శ్రీలక్ష్మీని పోలీసులు తీసుకెళ్తుండగా సూర్యనారాయణ కుటుంబంతో సహా వచ్చి అడ్డుకుంటారు. ఎస్‌ఐ కిందకు దిగి మీరు ఎంటిసార్ ఇలా వచ్చారని అడుగుతాడు. మీరు తీసుకుని వెళ్తుంది మా ఇంటి కోడలు అని చెబుతాడు. దీంతో ఎస్‌ఐ కూడా ఆశ్చర్యానికి గురవుతాడు. మీ గురించి ఊరిలో ఎవరిని అడిగినా చాలా గొప్పగా చెబుతారని...అలాంటిది మీ ఇంటి అమ్మాయి ఇలాంటి తప్పు చేయడం ఏంటని అంటాడు. ఏదీ ఏమైనా ఆ అమ్మాయి క్వచ్ఛన్‌ పేపర్‌ లీక్ చేసిందని తేలిందని కాబట్టి తప్పనిసరిగా కోర్టుకు హాజరుపరుస్తామని చెబుతాడు.మీరు ఏమైనా చేయాలనుకుంటే కోర్టులో తేల్చుకోండని అంటాడు. అసలు లక్ష్మీయే క్వచ్ఛన్ పేపర్ తీసిందని చెప్పడానికి ఆధారాలేంటని లాయర్‌ అజయ్‌ గజపతి ఎస్‌ఐని నిలదీస్తాడు. క్వచ్ఛన్ పేపర్లు ఉన్న గదిలో లక్ష్మీ హల్‌టిక్కెట్ దొరికిందని చెబుతాడు. అయితే సీసీటీవీ ఫుటేజ్‌ చూస్తే తెలుస్తుంది కదా అని అడిగితే...దొంగలు ఆధారాలు దొరికేలా చేస్తారా అని ఎస్‌ఐ అంటాడు.ఆ టైంలో పవర్ కట్‌ చేసి ఈ పని చేసిందని అంటాడు. సరిగ్గా ఏం సమయంలో పేపర్‌ దొంగిలించారని లాయర్ ఆరా తీయగా రాత్రి 10 గంటల సమయంలో అని ఎస్‌ఐ బదులిస్తాడు</p>
<h2><strong>ఆధారాలు చూపిన మ్యాడీ</strong></h2>
<p>మీరు చెప్పిన సమయంలో శ్రీలక్ష్మీ మా ఇంట్లోనే మాతోపాటే ఉందని చెప్పడానికి మా దగ్గర ఆధారాలు ఉన్నాయని...కావాలంటే చూడమని ఇంట్లో ఉన్న సీసీ ఫుటేజీ మ్యాడీ పోలీసులకు చూపిస్తాడు. అది చూసిన ఎస్‌ఐ నిజమేనని నమ్ముతాడు.ఇప్పటికైనా అర్థమైందా క్వచ్ఛన్‌ పేపర్‌ ఆ అమ్మాయి దొంగలించలేదని లాయర్‌ అజయ్‌ గజపతి అంటాడు. అయినా కానీ ఆ అమ్మాయి ఫోన్‌ నుంచే కాలేజీలో అందరికీ పేపర్‌ వెళ్లిందని చెబుతాడు.అసలు నాకు స్మార్ట్‌ఫోన్ వాడటమే రాదని లక్ష్మీ చెబుతుంది. అయినా ఈకాలంలో కూడా ఫోన్ వాడటం రానివాళ్లు ఉంటారా అని ఎస్‌ఐ నిలదీస్తాడు. అవునండీ తనదీ మామూలు ఫోన్‌ అని...నిన్నే కాలేజీలో పగిలిపోతే నా ఫోన్ ఇచ్చానని మ్యాడీ చెబుతాడు. నిజంగా తనకు ఫోన్ వాడటం రాదని చెబుతాడు. ఇప్పుడు ఎలాగూ లక్ష్మీ ఈ దొంగతనం చేయలేదని తేలింది కాబట్టి ఆమెను వదిలేయమని...అసలు దొంగలు ఎవరో నేను నిరూపిస్తానని చెబుతాడు. లక్ష్మీ ఎలా అని అడిగితే ఈ పేపర్‌లు తీసింది ఎవరో నాకు తెలుసునని చెప్పగా....వాళ్లను పోలీసులకు పట్టిస్తే కెరీర్‌ నాశనం అవుతుందని వదిలేయమని లక్ష్మీ చెబుతుంది</p>
<h2><strong>మ్యాడీ మాటలతో ప్రియంవద కంగారు</strong></h2>
<p>లక్ష్మీ ఫోన్‌ నుంచి ఆ మెసెజ్‌లు ఎలా ఫార్వర్డ్‌ అయ్యాయో నేను నిరూపిస్తానని చెప్పగానే ప్రియంవదలో దడ మొదలవుతుంది.ఇదేదో నాకు చుట్టుకునేలా ఉందని చెప్పి మన లక్ష్మీ ఏ తప్పు చేయలేదని తేలింది కదా ఇక ఇంటికి వెళ్లిపోదామని టాఫిక్ డైవర్ట్‌ చేసి అందరినీ ఇంటికి తీసుకెళ్తుంది.<iframe class="vidfyVideo" style="border: 0px;" src="https://telugu.abplive.com/web-stories/auto/honda-active-dlx-on-road-price-emi-calculator-andhra-pradesh-248746" width="631" height="381" scrolling="no"></iframe></p>
6 days ago
2 
