<p><strong>Laggam Time Movie Review In Telugu:</strong> రాజేష్ మేరు, నవ్య చిట్యాల జంటగా నటించిన సినిమా 'లగ్గం టైమ్'. ప్రజోత్ కె వెన్నం దర్శకత్వం వహించగా... కె. యశ్వంత్ కుమార్ సమర్పణలో కె. హిమ బిందు నిర్మించారు. ఫిబ్రవరి 6న థియేటర్లలో విడుదలైందీ సినిమా. లిమిటెడ్ రిలీజ్ కావడం వల్ల ఎక్కువ మంది ప్రేక్షకులకు తెలియలేదు. ఇప్పుడు ఆహా ఓటీటీలో స్ట్రీమింగ్ అవుతోంది. మరి ఈ సినిమా ఎలా ఉందో తెలుసుకోండి.</p>
<p><strong>కథ (Laggam Time Story):</strong> సూర్య (రాజేష్ మేరు)ది కరీంనగర్. ఉద్యోగం కోసం ప్రతి ఒక్కరూ హైదరాబాద్ వెళుతుండటంతో కాంపిటీషన్ ఎక్కువ అవుతోందని, పుణె వెళతాడు. అక్కడ స్నేహితుడి ద్వారా హెచ్ఆర్ ఉద్యోగి అనన్య (నవ్య చిట్యాల) పరిచయం అవుతుంది. ఇద్దరూ ప్రేమలో పడతారు. ప్రపోజ్ చేసే సమయానికి అనన్య మాయం అవుతుంది. పుణె నుంచి హైదరాబాద్ వస్తుంది. ఓ రోజు సూర్యకు శుభలేఖ పంపిస్తుంది.</p>
<p>అనన్య పెళ్లికి వచ్చిన సూర్యకు షాక్ తగులుతుంది. పెళ్లి కుమార్తెతో మాట్లాడటానికి ప్రయత్నిస్తుంటే... అమ్మాయి కుటుంబ సభ్యులు రావడంతో కిటికీ నుంచి దూకి పారిపోతాడు. తర్వాత పెళ్లి కొడుకును కిడ్నాప్ చేసిన కేసులో సూర్యను పోలీసులు అరెస్ట్ చేస్తారు. అసలు పెళ్లి కొడుకును కిడ్నాప్ చేసింది ఎవరు? పెళ్లి కొడుకుకు చెందిన ఆఫీసుకు ఇంటర్వ్యూ ఇవ్వడానికి సూర్య ఎందుకు వెళ్ళాడు? చివరకు ఏం తెలిసింది? సూర్యను అనన్య ప్రేమించిందా? లేదా? అనేది సినిమా.</p>
<p><strong>విశ్లేషణ (Laggam Time Review Telugu):</strong> 'నువ్వు లేక నేను లేను' - తరుణ్, ఆర్తీ అగర్వాల్ జంటగా నటించిన సినిమా గుర్తుందా? అందులో ట్విస్ట్ గుర్తుందా? హీరో హీరోయిన్లు ప్రేమించుకుంటారు. అయితే అప్పుల నుంచి తమ కుటుంబాన్ని బయట పడేసిన పెద్ద మనిషి తన కొడుక్కి హీరోయిన్‌ను ఇచ్చి పెళ్లి చేయమని అడుగుతారు. తన ప్రేమను మనసులో దాచుకున్న అమ్మాయి పెళ్లికి సిద్ధం అవుతుంది. తెలుగులో వచ్చిన సూపర్ హిట్ సినిమాల్లో అదొకటి. ఆ సినిమాతో 'లగ్గం టైమ్'ను కంపేర్ చేయడం అంటే... హిట్ సినిమాను అవమానించడమే. నిజం ఏమిటంటే... 'నువ్వు లేక నేను లేను' స్ఫూర్తితో (మెయిన్ ట్విస్ట్)తో 'లగ్గం టైమ్' దర్శకుడు ప్రజోత్ కే వెన్నం కథ రాసుకున్నట్టు అర్థం అవుతోంది.</p>
<p>Also Read<strong>: <a title="Pratichaya Review Telugu - ప్రతిఛాయ రివ్యూ - Jiohotstar ఓటీటీలో నివిన్ పాలి సినిమా - రాజకీయ చిత్రమ్ ఎలా ఉందంటే?" href="https://telugu.abplive.com/movie-review/entertainment/movie-review-pratichaya-review-in-telugu-nivin-pauly-movie-streaming-on-jiohotstar-245322" target="_self">Pratichaya Review Telugu - ప్రతిఛాయ రివ్యూ - Jiohotstar ఓటీటీలో నివిన్ పాలి సినిమా - రాజకీయ చిత్రమ్ ఎలా ఉందంటే?</a></strong></p>
<p>సూపర్ హిట్ సినిమా స్ఫూర్తితో కథ రాసుకోవడంలో తప్పు లేదు. కానీ, రచనలో కనీసం కాస్త కూడా ఎఫర్ట్ పెట్టకుండా సన్నివేశాలు రాయడం దారుణం. 'లగ్గం టైమ్' మొదలైన కాసేపటికి మున్ముందు ఏం జరుగుతుందో ఓ క్లారిటీ వస్తుంది. పుణేలో ఉద్యోగం చేస్తున్న తెలుగు అబ్బాయితో హిందీ అమ్మాయి ప్రేమలో పడటం, వచ్చీ రాని తెలుగులో మాట్లాడం కామెడీ అనుకున్నారు దర్శకుడు ప్రజోత్. కానీ, ఆ సన్నివేశం చూస్తున్నప్పుడు కితకితలు పెట్టుకున్నా అసలు నవ్వు రాదు. తెలుగు వచ్చినా రానట్టు అమ్మాయిలు నటించడం 'నెవ్వర్ బిఫోర్ ఎవ్వర్ ఆఫ్టర్' అని మనం అనుకోవాలి. తనతో చాటింగ్ చేసిన, మాట్లాడిన అమ్మాయి వాయిస్‌ను గుర్తు పట్టకపోవడం కూడా 'వావ్' అని సరిపెట్టుకోవాలి. ప్రేమికుల రోజున భజరంగ్ దళ్ సభ్యులు పార్కుల్లో పెళ్లిళ్లు చేస్తారు కదా! పుణేలో ఆ తరహా ట్రాక్ ఒకటి క్రియేట్ చేశారు. ఏదైనా చేశామంటే నమ్మేట్టు ఉండాలి కదా. అసలు లేదు.</p>
<p>స్టార్టింగ్ నుంచి ఎండింగ్ వరకు అసలు ఎంగేజ్ చేయకుండా, బోర్ కొట్టిస్తూ సాగే సినిమా 'లగ్గం టైమ్'. సన్నివేశం ఏదో రాశామంటే రాశామన్నట్టు... తీశామంటే తీశామన్నట్టు ఉంది తప్ప ఆర్టిస్టుల నుంచి టెక్నీషియన్స్ వరకు ఒక్కరు కూడా ఎఫర్ట్ పెట్టినట్టు అసలు కనిపించదు. ఉన్నంతలో పాటలు కొంత బెటర్. ప్రొడక్షన్ వేల్యూస్ కనిపించలేదు. సినిమాను చుట్టేసిన ఫీలింగ్ కలుగుతుంది.</p>
<p>Also Read<strong>: <a title="Vaazha 2 Review In Telugu - వాలా 2 రివ్యూ: మలయాళంలో 200 కోట్లు కలెక్ట్ చేసిన సినిమా - ఎలా ఉందంటే?" href="https://telugu.abplive.com/movie-review/entertainment/movie-review-vaazha-2-biopic-of-a-billion-bros-movie-review-rating-in-telugu-hashir-h-alan-bin-siraj-245274" target="_self">Vaazha 2 Review In Telugu - వాలా 2 రివ్యూ: మలయాళంలో 200 కోట్లు కలెక్ట్ చేసిన సినిమా - ఎలా ఉందంటే?</a></strong></p>
<p>నటనలో హీరో రాజేష్ మేరు చాలా ఇంప్రూవ్ అవ్వాలి. రొమాంటిక్ కథలో మాస్ హీరో కావాలని ట్రై చేశారు. మధ్యలో ఫైట్స్ చేశారు. కానీ, ఆడియన్స్ యాక్సెప్ట్ చేయాలంటే నటనలో ఇంకా చాలా పరిణితి అవసరం. నవ్య చిట్యాలకు షార్ట్ ఫిలిమ్స్, యూట్యూబ్ వెబ్ సిరీస్ చేసిన అనుభవం ఉంది. పాత్ర పరిధి మేరకు నటించారు. సుదర్శన్, మిర్చి కిరణ్ లాంటి టాలెంటెడ్ ఆర్టిస్టులు ఉన్నప్పటికీ... వాళ్ళకు సరైన సన్నివేశాలు రాయలేదు. దాంతో అసలు నవ్వు రాలేదు. మిగతా నటీనటులుకూ అంతే! దాంతో ఎవరి నటన గురించి అయినా సరే చెప్పుకోవడానికి పెద్దగా ఏమీ లేదు.</p>
<p>రైటింగ్, ఫిల్మ్ మేకింగ్ & యాక్టింగ్ పరంగా షార్ట్ ఫిలిమ్స్ / యూట్యూబ్ వెబ్ సిరీస్ కంటే లో స్టాండర్డ్స్ మైంటైన్ చేసిన సినిమా 'లగ్గం టైమ్'. కథ లేదా సన్నివేశాల గురించి ఎంత తక్కువ చెబితే అంత మంచిది. ఓటీటీలోనూ సినిమాను చూడలేం. స్కిప్ చేయడం చాలా బెటర్.</p>
<p>Also Read<strong>: <a title="Bad Boy Karthik Movie Review - 'బ్యాడ్ బాయ్ కార్తీక్' రివ్యూ: బాబోయ్... మరీ అంత బ్యాడా? నాగశౌర్య సినిమాను చూడలేమా?" href="https://telugu.abplive.com/movie-review/entertainment/movie-review-bad-boy-karthik-review-in-telugu-starring-naga-shaurya-sridevi-vijaykumar-samuthirakani-action-drama-critics-review-rating-244596" target="_self">Bad Boy Karthik Movie Review - 'బ్యాడ్ బాయ్ కార్తీక్' రివ్యూ: బాబోయ్... మరీ అంత బ్యాడా? నాగశౌర్య సినిమాను చూడలేమా?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/know-top-10-countries-have-highest-number-of-miss-universes-winner-titles-243148" width="631" height="381" scrolling="no"></iframe></p>
1 month ago
5 
