<p><strong>Kumbhmela Girl Monalisa Allegations On Directot Sanoj Mishra : </strong>కుంభమేళాలో పూసలమ్ముతూ తన లుక్‌తో సోషల్ మీడియాలో రాత్రికి రాత్రే ఫేమస్ అయిన అమ్మాయి మోనాలిసా మరోసారి వార్తల్లో నిలిచింది. రీసెంట్‌గా తన ప్రియుడితో పెళ్లి, అతనిపై పోక్సో యాక్ట్ నమోదు కావడం, ప్రెగ్నెన్సీ వ్యవహారం ఆమె పర్సనల్ లైఫ్ వివాదంగా మారింది. తాజాగా, తనకు సినిమా ఛాన్స్ ఇచ్చిన డైరెక్టర్‌ సనోజ్ మిశ్రాపై ఆమె తీవ్ర ఆరోపణలు చేసింది.</p>
<p><strong>'10 సార్లు లైంగికంగా వేధించాడు'</strong></p>
<p>మోనాలిసాను హీరోయిన్‌గా మార్చి ఇండస్ట్రీకి పరిచయం చేశారు డైరెక్టర్ సనోజ్ మిశ్రా. 'ది డైరీ ఆఫ్ మణిపూర్' మూవీలో ఆమెను హీరోయిన్‌గా ఎంపిక చేశారు. ఈ మూవీ టైంలో డైరెక్టర్ తనను లైంగికంగా వేధించాడంటూ పోలీసులకు ఫిర్యాదు చేశారు. ఆయనతో పాటు మరో ముగ్గురిపైనా ఆమె కంప్లైంట్ ఇచ్చింది. ప్రస్తుతం ఇది హాట్ టాపిక్‌గా మారింది. ఎర్నాకులం పోలీసులు కేసు నమోదు చేసి... ఘటన జరిగిన ప్రాంతం మధ్యప్రదేశ్‌కు బదిలీ చేసేందుకు సన్నాహాలు చేస్తున్నారు.</p>
<p><strong>కంప్లైంట్‌లో ఏముంది?</strong></p>
<p>'ది డైరీ ఆఫ్ మణిపూర్' షూటింగ్ టైంలో డైరెక్టర్ సనోజ్ మిశ్రా తనను లైంగికంగా వేధించాడంటూ మోనాలిసా ఫిర్యాదులో పేర్కొంది. 'షూటింగ్ టైంలో నాతో డైరెక్టర్ పదే పదే అసభ్యంగా ప్రవర్తించేవాడు. ఈ విషయాన్ని మా ఇంట్లో వాళ్లకు చెప్పినా పట్టించుకోలేదు. షూటింగ్ మొత్తంలో నన్ను దాదాపు 10సార్లు లైంగికంగా వేధించాడు. మరిన్ని ఛాన్సెస్ ఇప్పిస్తానంటూ అసభ్యంగా ప్రవర్తించాడు.' అంటూ పేర్కొంది. కొచ్చిలో రెండు రోజుల క్రితం పెట్టిన ప్రెస్ మీట్‌లో ఆమె కన్నీళ్లు పెట్టుకుంది.</p>
<p>సనోజ్‌తో పాటు సోషల్ మీడియాలో తనను అవమానకరంగా కించపరిచారంటూ లాయర్ అనిల్ విలాయిల్‌పై కూడా ఫిర్యాదు చేసింది మోనాలిసా. వీరితో పాటే విశ్వ హిందా పరిషత్ నాయకుడి పేరు కూడా ఉన్నట్లు తెలుస్తోంది. తన ఫిర్యాదుపై కోర్టుకు హాజరైన ఆమె వాంగ్మూలాన్ని అధికారులు రికార్డ్ చేశారు. మరి ఈ వివాదం ఎలాంటి మలుపు తిరుగుతుందో చూడాల్సి ఉంది.</p>
<p><strong>Also Read :</strong> <a title="మమ్ముట్టి 'పేట్రియాట్' రివ్యూ: ప్రత్యేక పాత్రలో మోహన్ లాల్ - మలయాళ మల్టీస్టారర్ ఎలా ఉందంటే?" href="https://telugu.abplive.com/movie-review/entertainment/cinema-patriot-review-in-telugu-mammootty-mohanlal-fahadh-faasil-spy-action-thriller-critics-rating-246058" target="_self">మమ్ముట్టి 'పేట్రియాట్' రివ్యూ: ప్రత్యేక పాత్రలో మోహన్ లాల్ - మలయాళ మల్టీస్టారర్ ఎలా ఉందంటే?</a></p>
<p><strong>Also Read :</strong> <a title="'జెట్లీ' రివ్యూ: 'మత్తు వదలరా' టైపులో నవ్వించారా? సత్య - రితేష్ సినిమా ఎలా ఉందంటే?" href="https://telugu.abplive.com/movie-review/entertainment/cinema-jetlee-review-in-telugu-comedian-satya-vennela-kishore-ritesh-rana-comedy-movie-critics-rating-246075" target="_self">'జెట్లీ' రివ్యూ: 'మత్తు వదలరా' టైపులో నవ్వించారా? సత్య - రితేష్ సినిమా ఎలా ఉందంటే?</a></p>
1 month ago
5 
