<p><strong>Telangana Minister Komatireddy Venkat Reddy in Amaravati:</strong> అప్పటి పరిస్థితుల్ని బట్టి తాను పవన్ కల్యాణ్‌ను విమర్శించానని ఇప్పుడు తాను ఎవర్నీ విమర్శించడం లేదని తెలంగాణ మంత్రి కోమటిరెడ్డి వెంకటరెడ్డి అన్నారు. తెలంగాణ రైజింగ్ సమ్మిట్ కు హాజరు కావాలని ముఖ్యమంత్రి చంద్రబాబును ఆహ్వానించేందుకు అమరావతిలోని సచివాలయానికి వచ్చారు. ఆహ్వానించిన తర్వాత మీడియాతో మాట్లాడారు. ఈ సందర్భంగా ఇటీవల పవన్ కల్యాణ్ పై చేసిన విమర్శలు, హెచ్చరికలపై స్పందించారు. </p>
<p>కోనసీమలో పవన్ కల్యాణ్ దిష్టి వ్యాఖ్యలు చేశారని.. క్షమాపణ చెప్పి వ్యాఖ్యల్ని వెనక్కి తీసుకోకపోతే.. సినిమాటోగ్రఫీ మంత్రిగా చెబుతున్నా <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a> సినిమాను ఒక్క ధియేటర్‌లో కూడా విడుదల కానివ్వబోనన్నారు. ఈ మాటలు వైరల్ అయ్యాయి. అప్పటి పరిస్థితుల వల్ల పవన్ పై అలా వ్యాఖ్యలు చేశానని..నేను ఇప్పుడు ఎవర్నీ విమర్శించడం లేదని స్పష్టం చేశారు. ఏపీ మాకు ప్రత్యేకమని.. గతంలో సీఎం <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a> విజన్-2020 అంటే ఆశ్చర్యపోయానన్నారు. కానీ ఇప్పుడు హైదరాబాద్ ని చూస్తే నిజం అనిపిస్తోందన్నారు. ఏపీ, తెలంగాణ రాష్ట్రాలు కలిసి మెలిసి ఉండాల్సిన అవసరం ఉందని కోమటిరెడ్డి అన్నారు. </p>
<blockquote class="twitter-tweet">
<p dir="ltr" lang="en">Andhra Pradesh, Amaravati: Telangana Minister Komatireddy Venkata Reddy met CM Chandrababu and invited him to the ‘Telangana Rising Global Summit–2025’, to be held on Dec 8–9 in Hyderabad. He said the event, modeled on Davos, will host global leaders and experts. <a href="https://t.co/QmrIhcm416">pic.twitter.com/QmrIhcm416</a></p>
— Gummalla Lakshmana (@GUMMALLALAKSHM3) <a href="https://twitter.com/GUMMALLALAKSHM3/status/1996929174850966013?ref_src=twsrc%5Etfw">December 5, 2025</a></blockquote>
<p>అదే సమయంలో అసెంబ్లీకి వెళ్లాలని <a title="జగన్" href="https://telugu.abplive.com/topic/cm-jagan" data-type="interlinkingkeywords">జగన్</a>మోహన్ రెడ్డికి కూడా కోమటిరెడ్డి వెంకటరెడ్డి సలహా ఇచ్చారు. అసెంబ్లీకి వెళ్లకపోవడం తప్పని .. అధికారపక్షం తర్వాత అసెంబ్లీలో ప్రతిపక్షానికే బాధ్యత ఉంటుందన్నారు. తెలంగాణలో తమ పార్టీ ఎమ్మెల్యేలను <a title="కేసీఆర్" href="https://telugu.abplive.com/topic/kcr" data-type="interlinkingkeywords">కేసీఆర్</a> విలీనం చేసుకున్న తర్వాత.. తమకు ఆరుగురే ఎమ్మెల్యేలున్నా.. తాము అసెంబ్లీలో పోరాడామని ఆయన గుర్తు చేసుకున్నారు. </p>
14 hours ago
1 
