<p><strong>Kokapet Sharadapeetham lands cancelled: </strong> హైదరాబాద్‌లోని కోకాపేటలో విశాఖ శారదాపీఠానికి గత ప్రభుత్వం కేటాయించిన భూమిని తెలంగాణ ప్రభుత్వం రద్దు చేసింది. దీనికి సంబంధించి ఇటీవల జరిగిన కేబినెట్ సమావేశంలో కూడా అధికారికంగా నిర్ణయం తీసుకున్నట్లు రెవెన్యూ శాఖ తెలిపింది. కోకాపేటలోని నియోపోలిస్ ఏరియాలో పెరుగుతున్న జనాభా , మౌలిక సదుపాయాల అవసరాలను దృష్టిలో ఉంచుకుని, శారదాపీఠం భూమిని వాటర్ బోర్డు మౌలిక సదుపాయాల ప్రాజెక్టుల కోసం ఉపయోగించాలని ప్రభుత్వం నిర్ణయించింది. ఈ ప్రాంతంలో తాగునీటి సరఫరా కోసం రిజర్వాయర్లు , ఇతర వసతులు నిర్మించాల్సిన అవసరం ఉందని, అందుకే శారదాపీఠానికి గతంలో ఇచ్చిన 2.34 ఎకరాల భూమిని ప్రభుత్వం తిరిగి వెనక్కి తీసుకోవాలని తీర్మానించిందని రెవిన్యూ శాఖ ప్రకటించింది. <br /> <br />గత బీఆర్ఎస్ ప్రభుత్వ హయాంలో 2019లో సర్వే నంబరు 240లోని అత్యంత విలువైన ఈ భూమిని ఎకరానికి కేవలం ఒక్క రూపాయి చొప్పున నామమాత్రపు ధరకు శారదాపీఠానికి కేటాయించారు. ప్రజోపయోగ పనుల దృష్ట్యా ఆ భూమిని ప్రభుత్వం స్వాధీనం చేసుకుంటోంది. <br />కోకాపేటలో వెనక్కి తీసుకున్న భూమికి బదులుగా, శంషాబాద్ ప్రాంతంలో శారదాపీఠానికి సమాన విలువ గల ప్రత్యామ్నాయ భూమిని కేటాయించనున్నట్లు అధికారులు చెబుతున్నారు. ఆధ్యాత్మిక సంస్థలకు ఇచ్చే గౌరవం ఇస్తూనే, ప్రజా ప్రయోజనాల కోసం ఈ మార్పు చేస్తున్నామని ప్రభుత్వం పేర్కొంది. శంషాబాద్‌లోని అనువైన స్థలాన్ని గుర్తించి, పీఠం నిర్వాహకులకు అప్పగించే ప్రక్రియను రెవెన్యూ యంత్రాంగం వేగవంతం చేస్తోంది. </p>
<blockquote class="twitter-tweet">
<p dir="ltr" lang="te">పేదల ఇళ్లను కూలగొడుతున్న <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> ప్రభుత్వం.. ఇప్పుడు హిందూ దేవాలయాలు, పవిత్ర మఠాలపై కన్నేసింది.<br />శారదా పీఠం లాంటి ధార్మిక సంస్థల జోలికొస్తే తీవ్ర పరిణామాలు ఎదుర్కోవాల్సి వస్తుంది.<br />పేదలకు అన్నం పెట్టే మఠాలను దెబ్బతీయాలని చూస్తే బిజెపి చూస్తూ ఊరుకోదు<br /><br />-శ్రీ ఎన్.రాంచందర్ రావు గారు,… <a href="https://t.co/j8pjFrfjnE">pic.twitter.com/j8pjFrfjnE</a></p>
— BJP Telangana (@BJP4Telangana) <a href="https://twitter.com/BJP4Telangana/status/2027696762472042510?ref_src=twsrc%5Etfw">February 28, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
<br />శారదాపీఠం భూమిని వెనక్కి తీసుకోవడంపై రాజకీయంగా విమర్శలు వ్యక్తమవుతున్నాయి. ప్రభుత్వం ఉద్దేశపూర్వకంగానే హిందూ ఆధ్యాత్మిక సంస్థలను టార్గెట్ చేస్తోందని బీఆర్ఎస్ ,బీజేపీ నేతలు ఆరోపిస్తున్నారు. </p>
<blockquote class="twitter-tweet">
<p dir="ltr" lang="te">కోకాపేటలో శారదాపీఠానికి ఇచ్చిన భూమిని ప్రభుత్వం వెనక్కి తీసుకోవడం హిందూ సమాజాన్ని అవమానించడం కాదా? ప్రజాప్రయోజనం పేరుతో ఒకే మత సంస్థలపై నిర్ణయాలు తీసుకోవడం ఎందుకు? ఇదే ధైర్యం ఇతర మతాల విషయంలో చూపిస్తారా? <a href="https://twitter.com/TelanganaCMO?ref_src=twsrc%5Etfw">@TelanganaCMO</a> <a href="https://twitter.com/hashtag/SharadaPeetham?src=hash&ref_src=twsrc%5Etfw">#SharadaPeetham</a> <a href="https://t.co/cnDk0OIxa6">https://t.co/cnDk0OIxa6</a></p>
— Vishnu Vardhan Reddy (@SVishnuReddy) <a href="https://twitter.com/SVishnuReddy/status/2027683503891247303?ref_src=twsrc%5Etfw">February 28, 2026</a></blockquote>
<p>శారదాపీఠం వద్ద పోలీసులు మోహరించడం, పూజలకు ఆటంకం కలిగించారన్న వార్తలతో ఆ ప్రాంతంలో ఉద్రిక్తత నెలకొంది. అయితే, ఇది కేవలం అభివృద్ధి పనుల కోసం తీసుకున్న నిర్ణయమే తప్ప ఇందులో ఎలాంటి రాజకీయ ఉద్దేశం లేదని అధికారులు వివరిస్తున్నారు.</p>
<blockquote class="twitter-tweet">
<p dir="ltr" lang="te">తెలంగాణలోనే అత్యంత ఖరీదైన భూమి అని కోకాపేట్ నియోపోలిస్ లో డెవలప్మెంట్ పేరుతో విశాఖ శారదా పీఠం హైదరాబాద్ లో ఉన్న ఆలయాన్ని కూలగొట్టడానికి ప్రయత్నాలు చేస్తోంది రేవంతుద్దీన్ ప్రభుత్వం <br />ఇవ్వాల వీహెచ్ పీ,<a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a> నాయకులు వచ్చి అధికారులను తరిమేయడం జరిగింది <br />ఖబర్దార్ రేవంతుద్దీన్ మా… <a href="https://t.co/vWwCG2IAe5">pic.twitter.com/vWwCG2IAe5</a></p>
— 🪷🪷🚩హైందవి 🚩🪷🪷BJP Parivar (@HyndaviPandem) <a href="https://twitter.com/HyndaviPandem/status/2027645903159628078?ref_src=twsrc%5Etfw">February 28, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
<iframe class="vidfyVideo" style="border: 0px;" src="https://telugu.abplive.com/web-stories/personal-finance/10-mistakes-you-should-not-make-when-using-a-credit-card-239337" width="631" height="381" scrolling="no"></iframe></p>
1 month ago
4 
