<p><strong>Keerthy Suresh About Her Career : </strong>'మహానటి' మూవీతో స్టార్ హీరోయిన్ క్రేజ్ సంపాదించుకున్నారు హీరోయిన్ కీర్తి సురేష్. ఈ సినిమాలో సావిత్రిగా కీర్తి నటనకు నేషనల్ అవార్డును సొంతం చేసుకున్నారు. అయితే, మహానటిలో తాను నటించినందుకు చాలా ట్రోలింగ్స్ ఎదుర్కొన్నట్లు గతంలోనే చెప్పిన ఆమె... తాజాగా ఈ అంశంపై మరోసారి స్పందించారు.</p>
<p><strong>6 నెలల గ్యాప్</strong></p>
<p>'మహానటి' తర్వాత తనకు సినిమా ఛాన్సులు రాలేదని చెప్పారు కీర్తి సురేష్. 'మహానటి తర్వాత నాకు 6 నెలల సినిమా ఛాన్సులు రాలేదు. ఇది ఎవరూ నమ్మరు. దీంతో ఇంట్లోనే ఖాళీగా ఉండిపోయాను. కనీసం ఇండస్ట్రీ నుంచి ఎవరూ కథ చెప్పడానికి కూడా రాలేదు. అయితే, మహానటి సినిమా చేసి నేను తప్పు చేశానని అనుకోలేదు.</p>
<p>ఆ సినిమాలో సావిత్రి పాత్రలో తాను నటించినందుకు నేను ఎప్పటికీ గర్వపడుతూనే ఉంటాను. కొత్త అవకాశాలు రాలేదని ఎలాంటి నిరాశ చెందలేదు. మహానటి తర్వాత నా కోసం ఓ ప్రత్యేకమైన పాత్రలను క్రియేట్ చేసే పనిలో దర్శక నిర్మాతలు పడ్డారేమో అనిపించింది. ప్రజలు నన్ను అలాంటి పాత్రల్లో చూసేందుకు టైం ఉందని సానుకూలంగా తీసుకున్నా. ఆ గ్యాప్‌ను నేను మేకోవర్ కోసం ఉపయోగించుకున్నాను.' అని చెప్పారు.</p>
<p><strong>Also Read : <a title="స్మాల్ మూవీ... బిగ్ సక్సెస్ - 'రాజు వెడ్స్ రాంబాయి' మూవీకి 3 రోజుల్లోనే ఊహించని కలెక్షన్స్" href="https://telugu.abplive.com/entertainment/cinema/raju-weds-rambai-movie-three-days-box-office-collection-reached-7-crores-above-gross-228393" target="_self">స్మాల్ మూవీ... బిగ్ సక్సెస్ - 'రాజు వెడ్స్ రాంబాయి' మూవీకి 3 రోజుల్లోనే ఊహించని కలెక్షన్స్</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/keerthy-suresh-brownie-pants-look-is-ultra-stylish-says-fans-169673" width="631" height="381" scrolling="no"></iframe></p>
1 week ago
2 
