Kavitha: హరీష్, సంతోష్‌లను క్షమిస్తానేమో! ఆయనను మాత్రం నా ఉసురు తగులుతుంది: కవిత

<p>నిజామాబాద్:&nbsp;10 ఏళ్ల బీఆర్ఎస్ పాలనలో కేవలం నాలుగిండ్లు మాత్రమే బంగారమయ్యాయని తెలంగాణ రక్షణ సేన (TRS) చీఫ్ కల్వకుంట్ల కవిత సంచలన వ్యాఖ్యలు చేశారు. తెలంగాణ ప్రజల హక్కుల కోసం 20 ఏళ్ల పాటు శ్రమించి పనిచేసిన తనను <a title="బీఆర్ఎస్ పార్టీ" href="https://telugu.abplive.com/topic/BRS-Party" data-type="interlinkingkeywords">బీఆర్ఎస్ పార్టీ</a> నుంచి నిర్దాక్షిణ్యంగా వెళ్లగొట్టారని విచారం వ్యక్తం చేశారు. తాను ఎలాంటి పదవుల కోసం కొత్త పార్టీ పెట్టలేదని, కేవలం తెలంగాణ ప్రజల జీవితాల్లో వెలుగులు నింపాలనే తెలంగాణ రక్షణ సేనను స్థాపించానని అన్నారు. పుట్టింటి వాళ్లు తనను తరిమేస్తే అత్తింటి వాళ్లు అక్కున చేర్చుకుని, కడుపులో పెట్టి చూసుకున్నారని వ్యాఖ్యానించారు. నిజామాబాద్ నగరంలో భారీ ఎత్తున ఏర్పాటు చేసిన &lsquo;పాంచజన్య సంకల్ప సభ&rsquo;లో ఆమె ముఖ్య అతిథిగా పాల్గొని ప్రసంగించారు.&nbsp;</p> <p>తెలంగాణ రాష్ట్రానికి ప్రస్తుతం కావాల్సింది కేవలం నినాదాలకే పరిమితమైన &lsquo;బంగారు తెలంగాణ&rsquo; కాదని, అన్ని వర్గాల ప్రజలకు సామాజిక న్యాయం అందించే &lsquo;బహుజన తెలంగాణ&rsquo; అని కవిత స్పష్టం చేశారు. ప్రత్యేక రాష్ట్రం సాధించుకుంటే తమ బతుకులు మారిపోతాయని ఆశించిన ప్రజలకు ఆశించిన ఫలితం దక్కక నిరాశే మిగిలిందని ఆవేదన వ్యక్తం చేశారు. ప్రజల జీవితాల్లో నిజమైన గుణాత్మక మార్పు రావాల్సిన అవసరముందని, &nbsp;సాధించుకున్న తెలంగాణలో అన్ని వర్గాలు బాగుపడాల్సిన అవసరముందని చెప్పారు. పార్టీ పెట్టిన నాలుగు నెలల తర్వాత తన సొంతూరు నిజామాబాద్&zwnj;కు రావడం ఎంతో సంతోషాన్ని ఇచ్చిందని, గతంలో ఎంపీగా, ఎమ్మెల్సీగా ఎలాగైతే ఆశీర్వదించారో, ఇప్పుడు కూడా అదే స్థాయి ఆదరణ అందించాలని అక్కడి ప్రజలను కోరారు.</p> <blockquote class="twitter-tweet"> <p dir="ltr" lang="te">నేను ఏ తప్పు చేశానని తీహార్ జైల్లో పడేశారు: కవిత<a href="https://x.com/hashtag/kavitha?src=hash&amp;ref_src=twsrc%5Etfw">#kavitha</a> <a href="https://x.com/hashtag/TiharJail?src=hash&amp;ref_src=twsrc%5Etfw">#TiharJail</a> <a href="https://x.com/hashtag/BRS?src=hash&amp;ref_src=twsrc%5Etfw">#BRS</a> <a href="https://x.com/hashtag/TelanganaNews?src=hash&amp;ref_src=twsrc%5Etfw">#TelanganaNews</a> <a href="https://x.com/hashtag/KCRDaughter?src=hash&amp;ref_src=twsrc%5Etfw">#KCRDaughter</a> <a href="https://x.com/hashtag/PoliticalControversy?src=hash&amp;ref_src=twsrc%5Etfw">#PoliticalControversy</a> <a href="https://x.com/hashtag/APandTSNews?src=hash&amp;ref_src=twsrc%5Etfw">#APandTSNews</a> <a href="https://x.com/hashtag/LegalBattle?src=hash&amp;ref_src=twsrc%5Etfw">#LegalBattle</a> <a href="https://x.com/hashtag/TeluguNews?src=hash&amp;ref_src=twsrc%5Etfw">#TeluguNews</a> <a href="https://t.co/DAylpkQiNc">pic.twitter.com/DAylpkQiNc</a></p> &mdash; ABP Desam (@ABPDesam) <a href="https://x.com/ABPDesam/status/2094422264108511481?ref_src=twsrc%5Etfw">August 31, 2026</a></blockquote> <p> <script src="https://platform.x.com/widgets.js" async="" charset="utf-8"></script> </p> <p><strong>భావోద్వేగంతో కన్నీళ్లు పెట్టుకున్న కవిత..</strong></p> <p>సొంత గడ్డపై తన మనుషులను చూసిన కవిత తీవ్ర భావోద్వేగానికి లోనై కన్నీరు పెట్టుకున్నారు. ఎంత ఆపుకుందామనుకున్నా కన్నీళ్లు ఆగడం లేదని, అయితే తనను పిరికిదానిగా భావించవద్దని, ఆడబిడ్డలకు బాధ ఉంటే కన్నీళ్లు రావడం సహజమని చెప్పారు. ఏ తప్పూ చేయకపోయినా తనను తీహార్ జైలులో పెట్టినప్పటికీ ధైర్యం సడలలేదని, దారి తప్పలేదని గుర్తుచేసుకున్నారు.</p> <p><br /><img src="https://feeds.abplive.com/onecms/images/uploaded-images/2026/08/31/bd1f0ba39d96ed6a6c1cd5da7d84a8a61788198859503233_original.jpg" /></p> <p>తాను తప్పు చేయలేదని, నిజామాబాద్ నిప్పు బిడ్డనని ధైర్యంగా నిలబడ్డానన్నారు. ఈడీ, సీబీఐ దాడుల సమయంలో అండగా నిలవాల్సిన బీఆర్ఎస్ పెద్దలు కక్షసాధింపు చర్యల్లో భాగంగానే తనను అరెస్టు చేశారని చెప్పి, ఆ తర్వాత ఎందుకు నోరు విప్పలేదని ప్రశ్నించారు. బీఆర్ఎస్ నుంచి తనను బయటకు పంపించినప్పటికీ ప్రజల కోసం పనిచేయాలనే సంకల్పంతోనే ముందుకెళ్తున్నానని వివరించారు.</p> <p>తెలంగాణ ప్రజల జీవితాల్లో మార్పు తీసుకురావడానికి &lsquo;పాంచజన్యం&rsquo; పేరుతో 5 కీలక అంశాలతో కార్యాచరణ రూపొందించామని కవిత వెల్లడించారు. ప్రతి కుటుంబానికి ఉచిత విద్య, వైద్యం అందించడమే తమ ప్రధాన ధ్యేయమని స్పష్టం చేశారు. ఏటా రాష్ట్రానికి వచ్చే రూ. 2 లక్షల కోట్ల ఆదాయంలో లక్ష కోట్లు కేటాయిస్తే ఉచిత విద్య, వైద్యం సునాయాసంగా అందించవచ్చని లెక్కలతో సహా వివరించారు. బహుజన తెలంగాణ అంటే అన్ని కులాలు, అన్ని రంగాలు సమానంగా అభివృద్ధి చెందడమేనని, అగ్రవర్ణాల్లో ఉన్న పేదలకు కూడా న్యాయం జరగాలని ఆకాంక్షించారు. ఒకవైపు కాంగ్రెస్ ప్రభుత్వ వైఫల్యాలపై పోరాడుతూనే, మరోవైపు పార్టీని బలమైన శక్తిగా నిర్మిస్తామన్నారు. రాబోయే ఎంపీటీసీ, జడ్పీటీసీ ఎన్నికల్లో అన్ని స్థానాల్లో పోటీ చేస్తామని, వచ్చే అసెంబ్లీ ఎన్నికల్లో నిజామాబాద్ జిల్లాలోని 5 అసెంబ్లీ స్థానాలను గెలుచుకుంటామని ధీమా వ్యక్తం చేశారు. కాంగ్రెస్ అధికారంలోకి వచ్చి 1000 రోజులు కాస్తున్నా ఇచ్చిన హామీలను నెరవేర్చలేదని, నాయకులు గెలిచాక ప్రజలను తిట్టడమే పనిగా పెట్టుకున్నారని విమర్శించారు.</p> <p><strong>హరీష్, సంతోష్&zwnj;లను క్షమించినా ఆయనను క్షమించను</strong></p> <p>ముఖ్యంగా నిజామాబాద్ జిల్లా బీఆర్ఎస్ నేత వేముల ప్రశాంత్ రెడ్డిపై కవిత తీవ్ర విమర్శలు గుప్పించారు. తన తండ్రి కేసీఆర్&zwnj;కు, తనకు మధ్య దూరం పెంచి తండ్రీకూతుళ్లను వేరు చేసిన వ్యక్తి ప్రశాంత్ రెడ్డేనని ఆరోపించారు. హరీష్ రావు, సంతోష్ రావులను క్షమిస్తానేమో కానీ ప్రశాంత్ రెడ్డిని జీవితంలో క్షమించనని, ఆయనకు తన ఉసురు కచ్చితంగా తగులుతుందని అన్నారు. కేసీఆర్ అన్నం పెట్టి పెద్ద కొడుకులా చూసుకుంటే, బీఆర్ఎస్ ఓడిపోయిన రెండో రోజే ప్రశాంత్ రెడ్డి కాంగ్రెస్&zwnj;లోకి వెళ్లేందుకు ప్రయత్నించారని వెల్లడించారు. తాను ఎంతో కష్టపడి ప్రశాంత్ రెడ్డి, జీవన్ రెడ్డి, బాజిరెడ్డిలను గెలిపిస్తే, వారే తనను ఓడించడానికి కుట్రలు చేశారంటూ ఆవేదన వ్యక్తం చేశారు.</p> <p>గత పదేళ్లలో బీఆర్ఎస్ నాయకులు ప్రజల సొమ్మును అడ్డగోలుగా దోచుకున్నారని కవిత తీవ్రస్థాయిలో ధ్వజమెత్తారు. దోచుకున్న డబ్బుల అహంకారంతో కొత్తగా పెట్టిన పార్టీ నాయకులను బెదిరిస్తున్నారని, అలాంటి బెదిరింపులకు భయపడే రోజులు పోయాయన్నారు. ప్రధాన ప్రతిపక్షంగా కాంగ్రెస్ వైఫల్యాలను నిలదీయాల్సిన BRS, తమ అవినీతి బయటపడుతుందనే భయంతో కాంగ్రెస్&zwnj;తో మిలాఖత్ అయిందని ఆరోపించారు. నిజామాబాద్ జిల్లాలోని బీఆర్ఎస్ మాజీ ఎమ్మెల్యేలు జీవన్ రెడ్డి, బాజిరెడ్డి గోవర్ధన్ రెడ్డి, ప్రశాంత్ రెడ్డిల ఆస్తులు నియోజకవర్గ ప్రజలకు తెలుసని, వారి అక్రమాలపై ఎందుకు చర్యలు తీసుకోవడం లేదో సమాధానం చెప్పాలని &nbsp;<a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> ప్రభుత్వాన్ని డిమాండ్ చేశారు.</p> <p><br />నిజామాబాద్ ప్రజలే తన బలమని, ఈ ప్రాంత కోడలిగా ఇక్కడి ప్రజల అభివృద్ధి కోసం నిరంతరం పోరాడతానని కవిత మాట ఇచ్చారు. గతంలో బీడీ కార్మికులకు పెన్షన్ ఇప్పించిన విషయాన్ని గుర్తుచేశారు. బోధన్ షుగర్ ఫ్యాక్టరీని తెరిపించి కార్మికులకు రూ. 18 కోట్లు ఇప్పించాలని <a title="కేసీఆర్" href="https://telugu.abplive.com/topic/kcr" data-type="interlinkingkeywords">కేసీఆర్</a>, కేటీఆర్&zwnj;లను ఎన్నోసార్లు కోరినా కేటీఆర్ తన మిత్రుడి ప్రయోజనాల కోసమే దానిని తెరిపించలేదని అన్నారు. స్థానిక ఎంపీ ధర్మపురి అర్వింద్ పేరులోనే ధర్మం ఉందని, ఆయన చేసేదంతా అధర్మమేనని ఎద్దేవా చేశారు. ఎంపీగా కేంద్రం నుంచి నిధులు తేలేకపోయారని, పసుపు బోర్డు వల్ల రైతులకు ఎలాంటి మేలు జరగలేదని దుయ్యబట్టారు. రాబోయే రోజుల్లో నిజామాబాద్ జిల్లా ప్రజలకు ఏ కష్టం వచ్చినా తమ పార్టీ శ్రేణులు ముందుండి పోరాడతాయని హామీ ఇచ్చారు.</p>