<p><strong>Karthika Deepam Edi Nava Vasantham Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కార్తీకదీపం 2" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 1వ తేదీన) రాత్రికి ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>వాడిని నేను వదలను..</strong></p>
<p>దీప, కార్తీక్‌లు హాస్పిటల్‌ దగ్గరే కూర్చొని సూరజ్ గురించి మాట్లాడుకుంటారు. ఈ గతి పట్టించిన మాలిని బాగానే ఉంది.. దక్షిణామూర్తి తాత బాగానే ఉన్నాడు.. ప్రేమ పేరుతో జ్యోత్స్నని మనల్ని మోసం చేసిన సూరజ్ గాడు బాగానే ఉన్నాడు కానీ మనం ఎటూ కాకుండా మిగిలిపోయాం అని కార్తీక్ అంటాడు. సూరజ్ వెళ్తూ వెళ్తూ.. తన చేసిన తప్పుల్లో మనల్ని ఎందుకు భాగం చేశాడో అర్థం కావడం లేదు అని దీప అంటుంది. సూరజ్ పక్కా ప్లాన్‌ చేసుకొని వచ్చాడు.. తండ్రి చావుకి పగ తీర్చుకోవడానికి సూరజ్, మాలిని, దక్షణమూర్తి ముగ్గురూ కలిసే ప్లాన్ చేశారు. సూరజ్ వచ్చి గ్రౌండ్ వర్క్ చేశాడు.. ముందు నాకు నా ద్వారా నీకు పరిచయం అయ్యాడు. మనమే వాడికి మంచోడు అని సర్టిఫికేట్ ఇచ్చేలా చేసుకున్నాడు.. డబ్బులు తీసుకోకుండా ఎవరైనా జాబ్ చేస్తారా? మా నాన్న నాకు ఆరోజే చెప్పారు.. ఒకడు తన సామర్థ్యాన్ని తగ్గించుకుని.. వెళ్లే అవకాశం ఉన్నా.. వెళ్లిపోకుండా ఉన్నాడంటే.. వాడ్ని ఏదో ఒక శక్తి ఆపుతుంది అని. ఆ శక్తి వాడి పగే. వాడే కోటేశ్వరుడైనప్పుడు వాడికెందుకు డబ్బు, జీతం. సూరజ్ విషయంలో మనం ఎప్పటికప్పుడు మోసపోతున్నాం.. మంచితనమే మనిషికి నిజమైన శత్రువు. దాన్ని అడ్డుపెట్టుకుని అందర్నీ మోసం చేసి.. మనల్ని దోషుల్ని చేశాడు. మనల్ని దోషుల్ని చేయడం కూడా ఆటలో భాగమే.. పెళ్లి ఆగిపోతే ఇంట్లో ఎవరో ఒకరు గుండె పట్టుకొని ఆగిపోతారు అని వాడికి తెలుసు అందుకే వాడు మనల్ని దోషుల్ని చేశాడు.. వాడికి తెలీనిది ఏంటి అంటే నేను వాడిని వదిలి పెట్టను.. అత్త కారణంగా వాడి తండ్రి చనిపోతే.. వాడి వాళ్ల కారణంగా నా తల్లి అవిటిది అయిపోయింది.. వాడిని నేను వదలను.. అని కార్తీక్ ఆవేశం, కోపం, బాధ అన్నీ కలగలిసి అంటాడు. </p>
<p><strong>జ్యోత్స్న బాధ వర్ణనాతీతం..</strong></p>
<p>జ్యోత్స్న జరిగింది తలచుకొని చాలా చాలా బాధ పడుతుంది. పీటలపై పెళ్లి ఆగిపోవడంతో జీవచ్ఛవంలా మిగిలిపోతుంది. ఆ పెళ్లి బట్టల్లోనే ఏడుస్తూ.. పెళ్లికి ముందు సూరజ్ ఇచ్చిన గిఫ్ట్‌ని తెరిచి చూస్తుంది. అందులో సూరజ్ కోసం జ్యోత్స్న కొన్న చైన్, జేఎస్‌ అని రాసున్న రింగ్, ఐలవ్యూ చెప్తూ ఇచ్చిన వాడిపోయిన గులాబి పువ్వు ఉంటాయి. వాటితో పాటు అన్నీ తిరిగి ఇచ్చేశాను అని రాసి ఉంటుంది. అది చూసి జ్యోత్స్న చాలా ఏడుస్తుంది<strong>. </strong></p>
<p><strong>వాడిని మర్చిపోలేను గానీ..</strong></p>
<p>ఇంతలో పారిజాతం వచ్చి.. ఏడుస్తున్నావా? అని కన్నీళ్లు తుడుస్తుంది. ఇవి కన్నీళ్లు కాదు గ్రానీ.. నాలో ఉండిపోయిన బాధని బయటకు వదిలేస్తున్నా అని జ్యోత్స్న అంటుంది. ఇక జ్యోత్స్న చేతిలో సూరజ్ ఇచ్చిన బాక్స్‌ని చూసి.. అన్నీ తిరిగి ఇచ్చేశాడా? వాడో పెద్ద మోసగాడే.. తిరిగి ఇవ్వకపోతే ఏం చేస్తాడు. సూరజ్ గాడు ఎప్పుడైతే మాలిని కొడుకు అని తెలిసిందో నా ఫ్యూజ్‌లు ఎగిరిపోయాయి. వాడే పెద్ద అబద్ధం అయినప్పుడు వాడి ప్రేమ నిజం ఎలా అవుతుంది.. అని పారు అంటే నా ప్రేమ నిజం కదా అని జ్యోత్స్న అంటుంది. గాడిద గుడ్డు ప్రేమ.. వాడు నిన్ను కాదని.. తాళి నీ మొహంపై కొట్టి వెళ్లాడో.. అప్పుడే వాడ్ని గడ్డిపరకలా తీసిపారేయాలే.. ఇంకా వాడ్ని తలుచుకుని ఏడుస్తూ ఉన్నావా? వాడ్ని మర్చిపో అని పారూ అంటే నేను మర్చిపోలేను గ్రానీ.. వాడిని నేను వద్దు అనుకోలేదు కదా అని జ్యోత్స్న అంటుంది. నువ్వు నీలాగే ఉండు.. మారొద్దని చెప్పాను.. కానీ వినలేదు మారిపోయావ్.. పాత జ్యోత్స్నలా మారు అని అంటే నేను మారలేను గ్రానీ.. వాడు నన్ను మార్చేశాడు.. చాలా దూరం వచ్చేశాను.. గొంగలి పురుగు సీతాకోకచిలుక అవుతుందేమో కానీ.. సీతాకోకచిలుక గొంగలి పురుగు అవ్వదు.. నాకు అందమైన బృందావనం లాంటి ప్రేమని పరిచయం చేశాడు. సూరజ్ పరిచయం చేసిన ఆ బృందావనం లాంటి ప్రేమలో నేను సీతాకోకచిలుకలా తిరుగుతూనే ఉన్నాను.. ఇప్పుడు నువ్వు మారిపో వెనక్కి వచ్చేయ్ అంటున్నావ్ నేను రాలేను గ్రానీ ఎందుకంటే ఇప్పుడు నా మనసు నా మాట వినడం లేదు అని జ్యోత్స్న ఏడిస్తే పారు జ్యోత్స్నని పట్టుకొని ఏడుస్తుంది. </p>
<p><strong>ఆడపిల్ల మనసు మోసం చేశాడు..</strong></p>
<p> తండ్రి పగ కోసం ఆడపిల్ల మనసుని మోసం చేశాడే ఆ సూరజ్.. వాడు మాలిని కొడుకు అయితే ఏంటి ఎవడైతే ఏంటి ఈ పారిజాతం మనవరాలిని మోసం చేస్తాడా.. నాలో పాత పారిజాతం నిద్రలేవనంత వరకే.. అంతా ప్రశాంతంగా ఉండేది. నేను మనసు పెట్టానంటే ఈ సూరజ్ గాడు వాళ్ల అమ్మ కూడా నా ముందు పిల్ల బాతు బచ్చానే అని పారు రగిలిపోతుంది. తర్వాత జ్యోత్స్న చేతిలో ఉన్న లాకెట్‌ని విసిరికొట్టబోతుండగా.. జ్యోత్స్న అడ్డుకుంటుంది. సూరజ్ ఆ లాకెట్‌లో లేడు.. నా మనసులో ఉన్నాడు అంటూ గుండెలకు హత్తుకుంటుంది జ్యోత్స్న. ఒసేయ్ పిచ్చిదానా? వాళ్లు నిన్ను ఇలా కుమిలి కుమిలి ఏడ్వాలనే ఇదంతా చేశారు.. నువ్వు ఇది కాదని మరో పెళ్లి చేసుకుంటే.. వాడి అహంపై దెబ్బ కొట్టొచ్చు అని పారు అంటుంది. దాంతో జ్యోత్స్న.. నేను ఎవర్నీ ఏమీ చేయాలనుకోవడం లేదు.. నేను సూరజ్‌ని ప్రేమించాను. అసలు ప్రేమంటో ఏంటో తెలిసింది సూరజ్ వల్లే. ఇప్పుడు నేను ఇంక మారలేను అని జ్యోత్స్న అంటుంది. ఇప్పుడు అందరూ బాగానే ఉన్నారే నువ్వేమైపోతావో అని భయం వేస్తుందే.. ఇవన్నీ మనసులో పెట్టుకొని మీ అమ్మ హాస్పిటల్‌ పాలైంది.. ఇప్పుడు నువ్వు హాస్పిటల్‌ పాలవుతావని భయంగా ఉందే అని పారు ఏడుస్తుంది. నీ ఉసురు ఆ సూరజ్ గాడికి తగులుతుందే అని ఏడుస్తుంది. </p>
<p><strong>జ్యోత్స్న జీవితం నాశనం చేసేశావ్ దీప..</strong></p>
<p>దీప, కార్తీక్‌లు దశరథ్ దగ్గరకు వెళ్తారు. అమ్మకి ఎలా ఉంది నాన్న అని దీప అడిగితే నా భార్యకి బాగానే ఉంది అని దశరథ్ అంటాడు. దీప, కార్తీక్‌లు షాక్ అవుతారు. మమ్మల్ని దూరం పెడుతున్నావా మామయ్యా. తాతంటే అర్థం చేసుకోలేదు. నువ్వైనా అర్థం చేసుకోవాలి కదా అని కార్తీక్ అంటాడు. దానికి దశరథ్ నేను అదే మాట్లాడుతున్నానురా. మీరే తప్పు చేశారు. మీ వాళ్లే ఈ పెళ్లి ఆగిపోయింది అని దశరథ్ అంటే దానికి దీప మేము చేసిన తప్పు ఏంటి నాన్నా? అని అడుగుతుంది. నిజం చెప్పక పోవడం అని దశరథ్ అంటే ఏ నిజం మామయ్యా? అని కార్తీక్ అంటాడు. పెళ్లి ఎందుకు ఆగింది? జ్యోత్స్న నా కూతురనే కదా. మాలిని ఏమంది.. నువ్వు సుమిత్రా కడుపున కూతురిగా పుట్టడమే నువ్వు చేసుకున్న పాపమంది కదా.. అప్పుడు వెంటనే మీరే చేయాలి జ్యోత్స్న సుమిత్ర కూతురు కాదు దాసు కూతురని చెప్పాలి కదా? నా చేత ఒట్టు వేయించుకున్నారు కాబట్టి నేను చెప్పకపోవడానికి కారణం ఉంది. మీరు చెప్పకుండా ఆగిపోవడానికి ఏం కారణం ఉంది? అని దశరథ్ అంటాడు. </p>
<p><strong>అదే నా అసలైన కూతురు.. </strong></p>
<p>అది చెప్పే సందర్భమా నాన్న అని దీప అంటే ..జ్యోత్స్న జీవితమే నాశనమైపోతుంటే చెప్పే సందర్భమా అని అడుగుతావేంటమ్మా? అంటే జ్యోత్స్న బతుకు ఏమైపోయినా నీకు పరవాలేదా? దానిమీద నీకున్న పగని నువ్వు ఈ విధంగా తీర్చుకున్నావా? అని దశరథ్ అంటాడు. నువ్వేనా ఇలా మాట్లాడేది నాన్న అని దీప అంటే అవునమ్మా. నేనే.. జ్యోత్స్న దశరథ సుమిత్రాల కూతురు కాదని చెప్పి ఈ పెళ్లి తిరిగి జరిపించే అవకాశం మీకుంది. కానీ మీరు ఆ పని చేయలేదు. మీరు గాని సూరజ్తో ఈ మాట చెప్పుంటే కింద పడేసిన తాళి తీసి సూరజ్ జ్యోత్స్న మెడలో కట్టేవాడు. జ్యోత్స్న నా సొంత కూతురే కాదు. ఈ విషయం తెలియనప్పుడు నేను ఎంత ప్రేమించానో ఇప్పుడు తనని అంతే ప్రేమిస్తున్నాను. అది మారింది. సూరజ్ కోసం మారింది. దానిలో స్వార్థం లేదు. జ్యోత్స్నకే గనక స్వార్థం ఉంటే పైకి లేచి నేను దశరథ సుమిత్రాల బిడ్డని కాను కల్యాణి దాసుల బిడ్డని అని చెప్పేసేది. మీ పగలకి పంతాలకి నాకు సంబంధం లేదు. ఈ శివన్నారాయణ కుటుంబంతో నాకు అస్సలు సంబంధం లేదు. నేను నిన్ను ప్రేమించాను సూరజ్. నన్ను పెళ్లి చేసుకో అని చెప్పేది. సూరజ్తో తాళి కట్టించుకొని మీ చావు మీరు చావండి అని చెప్పి భర్తతో అత్తారింటికి వెళ్లిపోయేది. కానీ జ్యోత్స్న ఆ పని చేయలేదు. మా అమ్మ శత్రువులు నాకూ శత్రువులే అని మా రక్తం పంచుకోకపోయినా మా పగని పంచుకుంది. నా మాట కోసం నిలబడింది. అది కూతురంటే. ఆ క్షణమే జ్యోత్స్న నా సొంత కూతురైపోయింది. పెంచిన ప్రేమ మాకే కాదు దానికీ ఉందని నిరూపించింది. కానీ నువ్వు నీ తోడబుట్టిన చెల్లెలాంటి జ్యోత్స్న జీవితం కళ్లముందే నాశనమైపోతున్నా నోరు మెదపకుండా భర్త పక్కనే నిలబడ్డావు. జరిగిన అన్నీంటికీ మీ ఇద్దరే కారణం.. నా భార్య మిమల్ని చూస్తే తట్టుకోలేదు.. ఇప్పుడు సుమిత్రకు దీప నా సొంత కూతురు అని తెలిస్తే నా కన్న కూతురే నేను పెంచిన కూతురి జీవితం నాశనం చేసింది అని మీ అమ్మ గుండె ఆగిపోతుంది అమ్మా.. జ్యోత్స్న పెళ్లి ఆగిపోతేనే తట్టుకోలేకపోయింది అంటే మీ అమ్మ జ్యోత్స్న మీద ఎంత ప్రేమ పెంచుకుందో అర్థం చేసుకోండి.. మీరు ఇక్కడి నుంచి వెళ్లిపోండి.. కార్తీక్ దీపలు ఇద్దరూ ఒక్కటే.. సూరజ్ కారణంగా జ్యోత్స్న జీవితం కార్తీకదీపంలా వెలిగిపోతుంది అనుకునేలోపు అంతా చీకటి చేసేశారు. నీకంటే ఎక్కువ బాధ జ్యోత్స్నది.. పాపం అదెలా తట్టుకుంటుందో.. మీరు వెళ్లిపోండి అని దశరథ్ దీప, కార్తీక్‌లను వెళ్లిపోమని అంటాడు. దీప దశరథ్, సుమిత్రల కన్న కూతురు అని నేను ఈ జన్మలో చెప్పలేను ఏమో అని దశరథ్ అనడంతో ఇవాళ్టి ఎపిసోడ్ పూర్తయిపోతుంది. </p>
<p><a title="ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి." href="https://telugu.abplive.com" target="_self">ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</a></p>
1 month ago
3 
